1 Korente 6:9 - Mbeti ti Nzapa - Tënë so amu fini

⁹ Ala hinga pepe? Azo ti sarango sioni, fade *Kodro-gbia ti Nzapa ayeke ga ti ala pepe. Ala handa tere ti ala pepe: azo ti gingo wali wala gingo koli kirikiri, azo ti vorongo anzapa nde, azo ti gingo wali wala koli ti amba ti ala, akoli so ayeke lango na amba ti ala akoli,

1 Korente 6:9 ပူးပေါင်းရင်းမြစ်များ

Tongo nda ti aye 19:5

Ala iri Lot si ala hunda lo, atene: “Akoli so aga na ndo ti mo na bi so ayeke na ndo wa? Sigigi na ala titene e lango na ala.”

Sigingo 23:1

“Alingbi ala fono na atënë ti mvene na iri ti amba ti ala pepe. Zo so asara sioni, ala tene mvene na le ti ngbanga pepe ti gbu koko ti lo.

Amato 11:1

Kilo so ayeke na legeni pepe, be ti KOTA GBIA ake ni mingi; me be ti lo anzere ndali ti kilo so ayeke na legeni.

Amato 22:8

Zo so alu sioni ye, lengo ni so lo yeke ko ayeke kpale; ngangu so lo yeke sara na sioni na azo, fade ayeke hunzi.

Amato 7:27

Guengo na da ti lo ayeke mungo lege ti gue na ndo ti akuâ, ayeke lingo na ndo ti akuâ.

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Ezekiel 18:11

Babâ ni asara ti lo asioni ye so oko pepe. Me molenge ni ayeke te akobe ti anzapa nde na li ti hoto, lo yeke lango na wali ti amba ti lo;

Awayango-sandaga 18:20

“Alingbi mo lango pepe na wali ti mbeni mba ti mo so mo na lo ayeke na ya ti kodro oko. So fade ayeke sara si mo ga *sioni.

Awayango-sandaga 18:22

“Alingbi mo lango na mbeni koli pepe tongana ti so koli ayeke lango na wali. So ayeke sioni ye mingi!

Awayango-sandaga 19:15

“Na le ti ngbanga, ala fâ ngbanga na legeni: ala mu mbage ti zo ti mawa pepe, ala mu nga mbage ti kota zo pepe; me ala fâ ngbanga ti amba ti ala mbirimbiri.

Awayango-sandaga 20:13

“Tongana mbeni koli alango na mba ti lo koli tongana ti so koli ayeke lango na wali, ye so ala use kue asara so ayeke sioni mingi. Fade a yeke fâ ala; ngbanga ti mene ti ala ayeke kiri na li ti ala wani.

Zakarii 5:3

Tongaso lo tene na mbi: “Mbeti ni ayeke mbeti ti dengo ba so mbi yeke tokua na ndö ti kodro ni kue. Na le ti mbeti ni, na mbeni mbage ni oko, a su atene: fade a yeke tumba azo ti nzi kue na ya ti kodro ni; na le ti mbeni mbage ti buku ni, a su nga atene: fade a yeke tumba azo so kue ayeke deba ti mvene.

Matthieu 19:29

Zo so kue azia ada ti lo, a-ita ti lo ti koli, a-ita ti lo ti wali, babâ ti lo, mama ti lo, amolenge ti lo na ayaka ti lo ndali ti mbi, fade lo yeke wara aye so fani ngbangbo oko ahon aye so lo zia si lo yeke wara fini so angba lakue lakue.

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Nzoni Tënë so Luc asu na mbeti 21:8

Jésus akiri tënë, atene: “Ala sara hange si mbeni zo ahanda ala pepe! Biani, fade azo mingi ayeke ga na iri ti mbi si zo oko oko ayeke tene: ‘Mbi laa mbi yeke *Mesii!’ Azo ni ayeke tene nga, atene: ‘Ngoi ni alingbi awe!’ Ala azo ti mbi, ala mu peko ti azo ni so pepe!

Awatokua 20:32

“Fadeso, mbi zia ala na maboko ti Nzapa, mbi zia nga ala titene tënë ti nzoni be ti lo abata ala. Nzapa ayeke na ngangu ti kpengba ala, ti mu na ala anzoni ye so kue lo bata ni ndali ti azo ti lo.

Awatokua 24:25

Me so Paul ayeke tene tënë na ndö ti lege ti sarango ye ti mbirimbiri, ti kangango nzara ti tere nga na ndö ti fango ngbanga so ayeke ga gbanda, mbeto agbu Félix si lo kai Paul, lo tene: “Ti laso alingbi awe! Tongana mbi wara ngoi, fade mbi yeke kiri ti iri mo.”

Rome 1:18

Ngonzo ti Nzapa alondo na yayu si lo fa ni na azo ndali ti siokpari ti ala nga ndali ti asioni ye so kue ala sara. Na lege ti asioni ye so ala yeke sara, ala kanga lege na taa-tënë.

1 Korente 15:33

Ala handa tere ti ala pepe. “Mo mu peko ti zo ti sioni, mo yeke ga zo ti sioni.”

1 Korente 15:50

A-ita, tënë so mbi tene ayeke so: tere ti e ti zo alingbi ti li na ya ti *Kodro-gbia ti Nzapa pepe; ye so ayeke buba bubango alingbi ti wara lege ti ngba na fini lakue lakue pepe.

1 Korente 3:16

Ala hinga pepe atene, ala yeke da ti Nzapa si Yingo ti Nzapa aduti na be ti ala?

1 Korente 5:1

Na ndo kue, azo ayeke ma a tene, gingo wali wala gingo koli kirikiri ahon ndoni na popo ti ala. Ataa na popo ti azo so ahinga Nzapa pepe, mbeni zo ti sarango mara ti ye tongaso ayeke daa pepe! Azo atene, mbeni zo na popo ti ala ayeke duti na wali ti babâ ti lo!

1 Korente 5:10

Tënë so mbi tene lani so abaa pepe azo ti dunia so, so ti tene azo ti gingo awali wala akoli kirikiri, azo so kota nzara ti warango ye ayeke na be ti ala, azo ti nzi, wala azo ti vorongo anzapa nde. Tongaso pepe, alingbi fade titene ala sigigi na popo ti azo ti dunia so!

1 Korente 5:11

Me mbi su mbeti so lani na ala si zo so atene, ni yeke ita ti ala, zo ti Christ si lo yeke gi wali wala koli kirikiri, kota nzara ti warango ye ayeke na be ti lo, lo yeke voro anzapa nde, lo yeke du mvene na li ti amba ti lo, lo yeke ngbaa ti samba, wala lo yeke zo ti nzi, alingbi ala sara songo na lo pepe, ala te nga kobe na mara ti zo tongaso pepe!

1 Korente 6:10

azo ti nzi, azo so kota nzara ti warango ye ayeke na be ti ala, azo so ayeke ngbaa ti samba, azo ti dungo mvene na li ti amba ti ala, azo ti gbungo ye ti azo na ngangu, fade Kodro-gbia ti Nzapa ayeke ga ti ala pepe.

1 Korente 6:18

Ala kpe lege ti gingo wali wala gingo koli kirikiri! Atanga ti siokpari so kue zo ayeke sara ayeke ndu tere ti lo wani pepe; me zo so agi wali wala koli kirikiri, andaa lo sara sioni na tere ti lo wani.

1 Korente 6:19

Ala hinga pepe atene, tere ti ala ayeke da so Yingo-Vuru ayeke duti daa? Yingo-Vuru so alondo na Nzapa si ayeke na ya ti ala. Ala yeke duti gi ndali ti ala wani pepe.

1 Korente 9:24

Ala hinga pepe? Na lando ti awanguru, azo ti kpengo loro kue laa ayeke kpe loro ni, me gi zo oko laa ayeke wara kangu ti wen! Ala kpe loro na lege so ala lingbi ti wara kangu ti wen.

2 Korente 12:21

Mbeto asara nga mbi titene tongana mbi kiri mbi si na ala kâ, Nzapa azia kamene na le ti mbi na dawa ti ala. Mbi hinga pepe, fade mbi yeke toto ndali ti azo mingi na popo ti ala so angba ti sara siokpari tongana ti ando; ala ngba na lege ti sarango aye ti sioni, aye ti kamene na aye ti ndumba.

Galasii 6:7

Ala handa tere ti ala pepe: zo ayeke he Nzapa pepe. Ye so zo alu, fade lo yeke ko lengo ni.

Ndia ti fani use ni 22:22

Tongana a wara mbeni koli so ayeke lango na wali ti mbeni zo, fade a yeke fâ ala use kue, koli ni na wali ni. Lege so fade ala yeke zi sioni ye na popo ti ala laa.

Ndia ti fani use ni 22:5

Moïse atene: Alingbi wali ayu bongo ti koli pepe; alingbi koli ayu bongo ti wali pepe. Azo so asara mara ti ye tongaso aga sioni mingi na le ti *KOTA GBIA Nzapa ti ala, azo ti Israel.

Ndia ti fani use ni 23:17

Fade lo yeke duti na popo ti ala, na ndo so be ti lo aye, na ya ti gbata so lo yeke soro ti duti daa. Fade ala yeke sara ngangu na lo pepe.

Kolose 3:5

Tongaso, ala zi anzara ti sarango asioni ye ti dunia so na be ti ala: sarango ye ti ndumba, sarango ye ti kamene, nzara ti tere, nzara ti sarango asioni ye nga na kota nzara ti warango ye; so ayeke mbeni lege ti vorongo anzapa nde.

Ahebro 12:14

Ala gi lege ngangu ti duti na siriri na azo kue, ala gi nga lege ngangu titene fini ti ala aduti nde si aduti nzoni kue. Tongaso pepe, fade zo oko alingbi ti baa *Kota Gbia pepe.

Ahebro 12:16

Ala sara hange si mbeni zo ti sarango ye ti ndumba aduti na popo ti ala pepe! Ala ne aye so ayeke ti Nzapa. Ala sara tongana Ezau pepe so aka ando ndo ti lo ti kozo molenge ndali ti sembe oko ti kobe.

Ahebro 13:4

Alingbi azo kue ane tënë ti mungo tere ti koli na wali. Alingbi koli abata tere ti lo gi ndali ti wali ti lo si wali abata nga tere ti lo gi ndali ti koli ti lo, ngbanga ti so fade Nzapa ayeke fâ ngbanga na li ti azo ti sarango aye ti ndumba nga na azo so ayeke gi akoli wala awali ti amba ti ala.

Jacques 1:16

A-ita ti mbi so mbi ye ala mingi, ala handa tere ti ala pepe.

1 Jean 3:7

Amolenge ti mbi, ala zia mbeni zo ahanda ala pepe! Zo so ayeke sara ye ti mbirimbiri, lo yeke zo ti mbirimbiri, tongana ti so Jésus ayeke mbirimbiri.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!

Awafango-ngbanga 19:22

So ala ngba ti te, ti nyon, akoli ti gbata ni na agodobe aga si ala ngoro da ni kue. Ala pika yanga ti da ni ngangu si ala tene na mbakoro-koli ni so ayeke wa ti da ni, atene: “Sigigi na koli so ayeke na ya ti da ti mo so. E ye ti lango na lo.”