1 Korente 6:8 - Mbeti ti Nzapa - Tënë so amu fini

⁸ Me ala laa ayeke sara sioni na amba ti ala si ala yeke nzi aye ti azo! Andaa azo ni so ayeke a-ita ti ala, azo ti Christ!

1 Korente 6:8 ပူးပေါင်းရင်းမြစ်များ

Awayango-sandaga 19:13

“Alingbi ala sara sioni na amba ti ala pepe, ala nzi ala pepe. Zo so asara kua na ala, ala gbanzi futa ti lo ngbii asi kekereke pepe.

Mishe 2:2

Tongana ala sara nzara ti ayaka ti azo, ala yeke mu ni; tongana ala sara nzara ti ada ti azo, ala yeke mu ni na maboko ti azo ni. Ala yeke sara ngangu na wa ti da nga na azo ti da ti lo, ala yeke gbu na ngangu aye ti azo ti da ni.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Matthieu 20:13

Me wa ti yaka ni akiri tënë na mbeni oko na popo ti ala, atene: ‘Ita, mbi handa mo oko pepe. E na mo, e ma tere fade titene mbi futa mo na nginza ti lango oko pepe?

Marc 10:19

Mo hinga akota tënë ti *Ndia so atene: ‘Alingbi mo fâ zo pepe; alingbi mo gi wali wala koli ti zo pepe; alingbi mo nzi pepe; alingbi mo tene mvene na le ti ngbanga pepe; alingbi mo handa zo ti mu ye ti lo pepe; alingbi mo ne babâ na mama ti mo.’ ”

Kolose 3:25

Zo so asara ye ti sioni, fade lo yeke wara futa ti peko ti sioni ti lo, ngbanga ti so Nzapa ayeke mu mbage ti mbeni zo pepe.

1 Tesalonike 4:6

Na ya ti tënë so, ayeke nzoni zo oko asara mbeni ye ti songo be wala ye ti kirikiri na mba ti lo pepe. E tene tënë so na ala awe, e gboto mê ti ala na ndö ni awe: azo so asara mara ti asioni ye tongaso, fade Kota Gbia ayeke zia peko ni angba senge pepe.

Jacques 5:4

Ala baa, azo so ayeke sara kua ti fango ale ti kobe ti ayaka ti ala, ala ke ti futa nginza ti ala na ala. Mbana ti ala ni ayeke dekongo! Dekongo ti azo ti fango ale ti kobe ti ala ni asi na mê ti *Kota Gbia so ayeke na ndö ti dunia kue.