1 Korente 6:3 - Mbeti ti Nzapa - Tënë so amu fini

³ Ala hinga pepe atene, e laa e yeke fâ ande ngbanga ti *a-ange? Tongana ye ni ayeke tongaso, atënë so ayeke londo na popo ti ala so, ala lingbi ti fâ ngbanga ni pepe?

1 Korente 6:3 ပူးပေါင်းရင်းမြစ်များ

Abia (Psaumes) 17:14

KOTA GBIA, na maboko ti mo wani, ayeke nzoni mo tumba ala na popo ti azo, mo zi ala na ndö ti sese so! Ye so alingbi na ala na ndö ti dunia so laa! Ayeke nzoni ala nyon sengo ye so mo bata ndali ti ala; ala nyon ni asi ya ti ala. Ayeke nzoni amolenge ti ala anyon alingbi na ala, tanga ni angba ndali ti atara ti ala.

Daniel 7:22

Me mbakoro ni aga si lo fâ ngbanga ti azo so Nzapa asoro ala na legeni; Nzapa so ayeke na yayu kâ na ndö ti aye kue so. So ndembe ni alingbi awe, a mu na azo ni kodro ni titene aga ti ala.

Matthieu 25:41

“Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

Nzoni Tënë so Luc asu na mbeti 21:34

“Ala sara hange! Ala zia be ti ala kue na nyongo samba ahon ndoni na tengo kobe ahon ndoni pepe, ala gi be ti ala na ndö ti gigi ti ala pepe. Tongana ala sara hange pepe, lango ni so ayeke wara ala

Nzoni Tënë so Luc asu na mbeti 8:14

Ale ti kobe so atuku na popo ti apere ti ki ayeke azo so ama tënë ni; me gingo be ti ala, na amosoro, na anzerengo ye ti dunia so akanga ndö ti ala si lege ti ala ti le nzoni lengo ayeke daa pepe.

Rome 6:16

Ala hinga pepe? Tongana ala mu tere ti ala na ngbaa na gbe ti mbeni zo, ti ma yanga ti lo, ala ga angbaa ti zo so ala yeke ma yanga ti lo so awe; so ti tene, tongana ala mu tere ti ala na siokpari, ala ga angbaa ti siokpari awe si siokpari ayeke gue na ala na kuâ, me tongana ala mu tere ti ala ti ma yanga ti Nzapa, Nzapa ayeke sara si ala ga mbirimbiri na le ti lo.

1 Korente 6:15

Ala hinga pepe atene, tere ti ala ayeke mbage ti tere ti Christ? Fade mbi yeke mu mbage ti tere ti Christ ti sara si aga mbage ti tere ti wali-ndumba? Oko pepe!

1 Korente 6:16

Ala hinga pepe atene, zo so aduti na wali-ndumba, lo na wali ni aga tere oko? Mbeti ti Nzapa atene: “Fade ala use kue ayeke ga gi tere oko.”

1 Korente 6:19

Ala hinga pepe atene, tere ti ala ayeke da so Yingo-Vuru ayeke duti daa? Yingo-Vuru so alondo na Nzapa si ayeke na ya ti ala. Ala yeke duti gi ndali ti ala wani pepe.

1 Korente 6:4

Tongana amara ti tënë tongaso ayeke londo na popo ti ala, ngbanga ti nyen si ala yeke gue na tënë ni na gbe ti azo so *Eglize ayeke baa ala tongana asenge zo so?

2 Timothée 2:4

Zo so ali na kua ti turugu, tongana lo ye titene kota zo ti lo agonda lo, lo yeke zia be ti lo pepe na akua ti asenge zo.

2 Timothée 4:10

Demas azia mbi, ahon awe, ngbanga ti so nzara ti aye ti gigi so agbu lo; lo gue na Tesalonike. Kresan ague na Galasii, Tite ague na Dalmasii.

2 Pierre 2:4

Biani, *a-ange so asara siokpari ando so, Nzapa azia ala senge tongaso pepe, me lo bi ala na ya ti kota wâ, lo kanga ala na zingiri na ya ti vukongo ndo ti bata ala, ti ku na lango ti fango ngbanga.

Jude 1:6

Ala dabe ti ala na ambeni *a-ange: kota ndo so Nzapa amu na ala, be ti ala anzere na ni pepe; ndo so lo mu na ala titene aga ti ala wani, ala do azia. Tongaso, lo kanga ala na zingiri, lo bata ala kpu na kpu na ya ti vukongo ndo ti ku na kota lango ti fango ngbanga.