1 Korente 6:2 - Mbeti ti Nzapa - Tënë so amu fini

² Ala hinga pepe atene, azo ti Nzapa laa ayeke fâ ande ngbanga ti azo ti dunia so? So ala laa ayeke fâ ande ngbanga ti azo ti dunia so, ala lingbi ti fâ ngbanga ti akete kete tënë pepe?

1 Korente 6:2 ပူးပေါင်းရင်းမြစ်များ

Abia (Psaumes) 49:14

Azo so azia be ti ala mingi na ndö ti ala wani, azo so tënë ti ala wani anzere na ala mingi so, baa ye so ayeke si ande na ala ayeke so:

Daniel 7:18

Me a yeke mu kodro ni na azo so Nzapa asoro ala; Nzapa so ayeke na yayu kâ na ndö ti aye kue so; fade kodro ni ayeke ngba ti ala lakue lakue, kpu na kpu.’

Daniel 7:22

Me mbakoro ni aga si lo fâ ngbanga ti azo so Nzapa asoro ala na legeni; Nzapa so ayeke na yayu kâ na ndö ti aye kue so. So ndembe ni alingbi awe, a mu na azo ni kodro ni titene aga ti ala.

Zakarii 14:5

Fade ala yeke mu lege ti popo-hoto ti mbi ti kpe ti hon, ngbanga ti so popo-hoto ni ague ngbii asi na Asal. Ala yeke kpe tongana ti so akotara ti ala akpe ando na lango so sese ayingi, na ngoi so Ozias ayeke gbia ti sese ti Juda. Na pekoni, fade KOTA GBIA, Nzapa ti mbi ayeke si, lo na *a-ange ti lo kue.

Matthieu 19:28

Jésus atene na ala: “Mbi tene na ala taa-tënë: na ndembe so ye kue ayeke kiri ti ga fini ni, fade *Molenge ti Zo ayeke duti na ndö ti mbata ti gonda ti lo ti Gbia. Ala baleoko na use so amu peko ti mbi, ala yeke duti na ndö ti ambata ti gbia baleoko na use titene ala fâ ngbanga ti amara baleoko na use ti Israel.

Nzoni Tënë so Luc asu na mbeti 22:30

fade mbi na ala, e yeke te si e yeke nyon na ya ti Kodro-gbia ti mbi si ala yeke duti na ndö ti ambata ti gbia ti fâ ngbanga ti amara baleoko na use ti Israel.”

Rome 6:16

Ala hinga pepe? Tongana ala mu tere ti ala na ngbaa na gbe ti mbeni zo, ti ma yanga ti lo, ala ga angbaa ti zo so ala yeke ma yanga ti lo so awe; so ti tene, tongana ala mu tere ti ala na siokpari, ala ga angbaa ti siokpari awe si siokpari ayeke gue na ala na kuâ, me tongana ala mu tere ti ala ti ma yanga ti Nzapa, Nzapa ayeke sara si ala ga mbirimbiri na le ti lo.

1 Korente 1:20

Zo ti ndara ayeke na ndo wa? Wafango-ndia ayeke na ndo wa? Zo ti *bingbingo tënë ti ngoi so ayeke na ndo wa? Nzapa asara si ndara ti dunia so aga gi buba ye.

1 Korente 1:21

Biani, azo ti dunia so, na ndara ti ala wani alingbi ti hinga Nzapa pepe, ataa na ndo so lo fa ndara ti lo daa. Ndani laa, lo leke na be ti lo ti soo azo so ama na be gi na lege ti tënë so e yeke fa si akpa buba tënë so.

1 Korente 6:4

Tongana amara ti tënë tongaso ayeke londo na popo ti ala, ngbanga ti nyen si ala yeke gue na tënë ni na gbe ti azo so *Eglize ayeke baa ala tongana asenge zo so?

2 Korente 4:18

Ye so le ti zo ayeke baa, ni laa e yeke gi pepe, me e yeke gi ye so le ti zo ayeke baa ni pepe. Ye so le ti zo ayeke baa ayeke gi ndali ti kete ngoi, me ye so le ti zo ayeke baa pepe, ni laa ayeke ngba lakue lakue.

1 Tesalonike 3:13

Ayeke nzoni lo mu ngangu na be ti ala, tongaso si, na lango so Kota Gbia ti e Jésus ayeke kiri ti ga na azo ti lo kue, fade ala duti azo so tënë ayeke na li ti ala pepe, azo so ayeke nde si ayeke nzoni kue na le ti Nzapa, Babâ ti e. [Amen.]

Aye so Nzapa afa 20:4

Na pekoni, mbi baa ambata ti gbia. Azo so aduti na ndö ni, a mu na ala ngangu ti fâ ngbanga. Mbi baa nga yingo ti ala so azo afâ go ti ala ndali ti so ala sara ye alingbi gi na taa-tënë so Jésus afa nga na tënë ti Nzapa. Ala ke ti voro nyama ni wala limo so akpa nyama ni, ala yeke na nzoroko ti nyama ni na ndö ti le ti ala wala na ndö ti maboko ti ala pepe. Ala kiri na fini si ala na Christ abongbi ale-gbia na ya ti ngu saki oko.

Aye so Nzapa afa 3:21

“Zo so aso benda, fade mbi yeke mu na lo lege ti duti na tere ti mbi, na ndö ti mbata ti mbi ti gbia, tongana ti so mbi so benda si mbi duti na tere ti Babâ ti mbi na ndö ti mbata ti lo ti gbia so.