1 Korente 6:17 - Mbeti ti Nzapa - Tënë so amu fini

¹⁷ Me zo so abongbi oko na Kota Gbia, lo na Kota Gbia aga oko na lege ti yingo.

1 Korente 6:17 ပူးပေါင်းရင်းမြစ်များ

Jean 3:6

Zo ayeke du gi zo, Yingo ayeke du gi yingo.

Rome 8:9

Ti ala, ala yeke sara ye alingbi na asioni nzara ti be ti ala pepe, me ala yeke sara ye alingbi na ye so Yingo aye, ngbanga ti so Yingo ti Nzapa ayeke duti na be ti ala. Tongana zo ayeke na Yingo ti Christ pepe, lo yeke zo ti Christ pepe.

1 Korente 12:13

Ataa e yeke azuife wala e yeke azuife pepe, ataa e yeke angbaa wala angbaa pepe, e kue, e wara bateme ti Yingo oko titene e bongbi e ga tere oko; Nzapa amu na e kue gi oko Yingo so.

1 Korente 6:15

Ala hinga pepe atene, tere ti ala ayeke mbage ti tere ti Christ? Fade mbi yeke mu mbage ti tere ti Christ ti sara si aga mbage ti tere ti wali-ndumba? Oko pepe!

Galasii 2:20

Nilaa, mbi laa mbi yeke na fini mbeni pepe, me Christ laa ayeke na fini na ya ti mbi. Na dutingo ti mbi ti zo, mbi yeke duti fadeso na fini gi na lege ti mabe so mbi yeke na ni na Molenge ti Nzapa, lo ye mbi si lo ka tere ti lo na kuâ ndali ti mbi.

Efeze 5:30

Andaa e yeke ambage ti tere ti lo.

Filipe 2:5

Ayeke nzoni sarango ye na popo ti ala alingbi na ti azo so aga oko na Jésus Christ.