1 Korente 6:16 - Mbeti ti Nzapa - Tënë so amu fini

¹⁶ Ala hinga pepe atene, zo so aduti na wali-ndumba, lo na wali ni aga tere oko? Mbeti ti Nzapa atene: “Fade ala use kue ayeke ga gi tere oko.”

1 Korente 6:16 ပူးပေါင်းရင်းမြစ်များ

Tongo nda ti aye 2:24

Ndani laa koli ayeke zia ande babâ na mama ti lo titene lo na wali ti lo abongbi oko si ala ga gi tere oko.

Tongo nda ti aye 34:31

Siméon na Lévi akiri tënë, atene: “Ayeke na legeni titene a sara ita ti e ti wali tongana wali-ndumba?”

Tongo nda ti aye 38:15

So Juda abaa Tamar, lo baa ti lo atene so mbeni wali-ndumba laa, ngbanga ti so lo bi bongo na li ti lo kue.

Tongo nda ti aye 38:24

Nduru na nze ota na pekoni, azo atene na Juda: “Tamar, wali ti molenge ti mo asara ye ti ndumba si lo mu ngo ti ndumba ni.” Juda amu yanga, atene: “Ala gboto lo na gigi, a gbi lo na wâ.”

Marc 10:8

si ala use kue ayeke ga gi tere oko.’ Tongaso ala ngba azo use pepe, me ala ga gi tere oko.

1 Korente 6:3

Ala hinga pepe atene, e laa e yeke fâ ande ngbanga ti *a-ange? Tongana ye ni ayeke tongaso, atënë so ayeke londo na popo ti ala so, ala lingbi ti fâ ngbanga ni pepe?

Efeze 5:31

Mbeti ti Nzapa atene: “Ndani laa, fade koli ayeke londo na gbe ti babâ na mama ti lo ti bongbi oko na wali ti lo si ala use kue ayeke ga gi tere oko.”

Ahebro 11:31

Na lege ti mabe, Rahab, wali-ndumba, ayamba na ndo ti lo na nzoni be azo ti *bembengo ndo, nilaa na ngoi so azo ti Israel aga ti fâ azo so ake Nzapa, lo kui pepe.

Awafango-ngbanga 16:1

Samson ague na gbata ti Gaza. Kâ, lo baa mbeni wali-ndumba si lo li na da ti lo.