1 Korente 6:1 - Mbeti ti Nzapa - Tënë so amu fini

¹ Na popo ti ala, tongana mbeni zo ayeke na tënë na mba ti lo, ngbanga ti nyen laa lo yeke gue na tënë ni ngbii na gbe ti azo so ahinga Nzapa pepe so? Lo lingbi fade ti gue na ni na gbe ti azo ti Nzapa pepe?

1 Korente 6:1 ပူးပေါင်းရင်းမြစ်များ

Matthieu 5:45

Tongaso si ala lingbi ti ga amolenge ti Babâ ti ala so ayeke na yayu. Babâ ti ala ni ayeke sara si lâ ti lo asu na ndö ti anzoni zo nga na ndö ti asioni zo kue. Lo yeke tokua ngu-Nzapa na ndö ti azo ti mbirimbiri nga na ndö ti azo ti kirikiri.

Awatokua 19:38

Tongana Demetrius na azo so lo na ala ayeke sara kua ayeke na tënë na mbeni zo, azo ti fango ngbanga ayeke daa, alango ti fango ngbanga ayeke daa: ala gue, afa tënë ni kâ!

1 Korente 1:2

na *Eglize ti Nzapa so ayeke na gbata ti Korente, ala so aga azo ti Nzapa na lege ti gango so ala ga oko na Jésus Christ, ala so Nzapa airi ala si lo zia ala nde ndali ti lo wani. Lo iri nga azo so kue ayeke na ando nde nde si ala yeke di iri ti *Kota Gbia ti e Jésus Christ, so lo yeke Kota Gbia ti ala si lo yeke nga Kota Gbia ti e.

1 Korente 14:33

Biani, Nzapa ayeke Nzapa ti wusuwusu pepe, me lo yeke Nzapa ti siriri. Tongana ti so azo ayeke sara na ya ti a-Eglize ti Nzapa kue,

1 Korente 16:1

Tënë ti bongbingo nginza ti mu maboko na azo ti Nzapa, ayeke nzoni ala sara ni gi tongana ti so mbi mu yanga na *a-Eglize ti Galasii ti sara.

1 Korente 16:15

A-ita, ala hinga atene, Stefanas na azo ti sewa ti lo ayeke akozo zo ti Akayi so ama na be si ala mu tere ti ala kue ti sara nzoni na azo ti Nzapa. Mbi hunda na ala mingi, a-ita,

1 Korente 5:12

Mbi laa mbi lingbi ti fâ ngbanga ti azo ti gigi? Alingbi ala fâ ngbanga ti azo ti ya ni!

1 Korente 6:5

Mbi tene tënë so ti bi kamene na le ti ala. Na popo ti ala, mbeni zo ti ndara ti fâ ngbanga ti atënë na popo ti a-ita ti lo, azo ti Christ, ayeke daa pepe?