1 Korente 5:8 - Mbeti ti Nzapa - Tënë so amu fini

⁸ Tongaso, e sara matanga ti Pake ni na ngbene mama ti mapa pepe, so ti tene na asiokpari na aye ti sioni; me e sara matanga ni na mapa so asara na mama ni pepe, so ti tene na vurungo be nga na tenengo taa-tënë.

1 Korente 5:8 ပူးပေါင်းရင်းမြစ်များ

Abia (Psaumes) 32:2

Ti lo nzoni, zo so *KOTA GBIA adiko sioni ti lo na li ti lo pepe, so tënë ti handango zo ayeke na be ti lo pepe!

Abia (Psaumes) 42:4

Bi na lâ, ngu ti le ti mbi ayeke sua, aga tongana kobe ti mbi ti tengo ni. Azo ayeke hunda mbi lakue, atene: “Nzapa ti mo ni ayeke na ndo wa?”

Sigingo 12:15

KOTA GBIA akiri atene na Moïse na Aaron: “Na ya ti lango mbarambara, fade ala yeke te mapa so a sara na mama ni pepe. Gi na kozo lango ni, ala zi mama ti mapa na ya ti ada ti ala. Ti londo na kozo lango ni ti si na mbarambara lango ni, zo so ate mapa so a sara na mama ni, fade a yeke tumba lo na popo ti azo ti Israel.

Sigingo 12:19

Na ya ti lango mbarambara, alingbi a wara mama ti mapa na ya ti ada ti ala pepe. Zo so ate mapa so a sara na mama ni, ataa lo yeke wande wala lo yeke molenge ti kodro, fade a yeke tumba lo na ya ti bongbi ti azo ti Israel.

Sigingo 12:8

Na bi ni so, ala yeke zö kasa ti nyama ni zongo si ala te ni na mapa so a sara na mama ni pepe; ala yeke te nga kasa ni na pere so asee sengo.

Sigingo 13:6

Na ya ti lango mbarambara, fade ala te mapa so a sara na mama ni pepe. Na lango mbarambara ni, fade ala sara matanga ndali ti KOTA GBIA.

Sigingo 13:7

Na ya ti alango so kue, fade ala yeke te mapa so a sara na mama ni pepe. Na ya ti sese ti ala kue, mapa so a sara na mama ni, wala mama ti mapa, alingbi a wara ni na ndo ti ala pepe.

Ésaïe 25:6

Na ndö ti hoto ti *Sion, *KOTA GBIA so ayeke na ndö ti dunia kue ayeke leke matanga ndali ti azo kue, matanga ti nyama ti mafuta na ti vin ti nzoni ni, ti nyama ti mafuta so awoko pendere na vin so ayeke nzoni mingi.

Ésaïe 30:29

Ti ala azo ti Jérusalem, fade ala yeke he bia tongana ti so a yeke he bia ti matanga na bi. Be ti ala ayeke duti na ngia tongana ti azo so ayeke tambula alingbi na toto ti *ngoli si ala yeke gue na li ti hoto ti KOTA GBIA, na mbage ti Kota Têne ti Israel.

Awayango-sandaga 23:6

“Na lango baleoko na oku ti oko nze ni, ala yeke sara matanga ti Mapa so a sara na mama ni pepe ndali ti mbi KOTA GBIA. Na ya ti lango mbarambara, ala yeke te mapa so a sara na mama ni pepe.

Matthieu 16:12

Tongaso, adisiple ahinga atene, lo yeke tene tënë na ala titene ala kpe mama ti mapa pepe, me ala kpe fango ye ti afarizien na ti asadusien.

Matthieu 16:6

Jésus atene na ala: “Ala sara hange! Le ti ala akpengba na mama ti mapa ti *afarizien na ti *asadusien!”

Marc 8:15

Jésus amu yanga na ala, atene: “Ala sara hange! Le ti ala akpengba na mama ti mapa ti *afarizien na ti Herode!”

Nzoni Tënë so Luc asu na mbeti 12:1

Na ndembe ni so, azo abongbi gbani gbani, ala yeke pete tere na popo ti ala si Jésus ato nda ti tene tënë na adisiple ti lo, lo tene: “Ala sara hange na mama ti mapa ti *afarizien, so ti tene azo so tënë ti yanga ti ala ayeke nde na sarango ye ti ala so.

Jean 1:47

Jésus abaa Natanael so ayeke ga na mbage ti lo si lo tene: “Baa, so mbirimbiri zo ti Israel laa. Lo hinga ti tene mvene pepe.”

1 Korente 3:3

ngbanga ti so ala ngba lakue ti sara ye gi tongana ti azo ti dunia so. So tënë ti kota be na papa angba na popo ti ala so, so afa atene, ala yeke sara ye gi na lege ti azo ti dunia so pepe? Ala yeke sara ye gi tongana ti azo kue pepe?

1 Korente 5:1

Na ndo kue, azo ayeke ma a tene, gingo wali wala gingo koli kirikiri ahon ndoni na popo ti ala. Ataa na popo ti azo so ahinga Nzapa pepe, mbeni zo ti sarango mara ti ye tongaso ayeke daa pepe! Azo atene, mbeni zo na popo ti ala ayeke duti na wali ti babâ ti lo!

1 Korente 5:6

Ye so ala yeke pika kate ti ala daa so, anzere oko pepe! Ala hinga pepe atene, gi kete mama ti mapa laa ayeke sara titene mapa ni kue alondo?

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

2 Korente 2:17

Azo mingi ayeke mu tënë ti Nzapa ti de buze na ni; e yeke tongana ala pepe. Ti e, Nzapa laa atokua e, nilaa na lege ti gango so e ga oko na Christ, e yeke tene taa-tënë na le ti Nzapa.

2 Korente 8:8

Mbi yeke tene tënë so ti mu yanga na ala pepe; me mbi yeke tene na ala tënë ti azo ti ambeni Eglize so nzara ti kua ayeke na be ti ala. Mbi yeke sara so ti baa wala ala azo ti Korente, ala ye amba ti ala biani.

Efeze 6:24

Ayeke nzoni Nzapa asara nzoni be na azo so kue aye Kota Gbia ti e Jésus Christ si ala ngba lakue ti ye lo!

Ndia ti fani use ni 16:16

Lakue na ya ti ngu oko oko, alingbi akoli ti amara ti ala ague fani ota ti luti na le ti KOTA GBIA Nzapa ti ala, na ndo so lo yeke soro ni: na matanga ti Mapa so a sara na mama ni pepe, na matanga ti *Pantekote nga na matanga ti Akpangba. Fade ala yeke gue ti luti na le ti KOTA GBIA, maboko ti ala senge pepe.

Ndia ti fani use ni 16:3

Na ndembe ti matanga ni, mapa so a sara na mama ni, fade ala yeke te ni pepe. Na ya ti lango mbarambara, ala yeke te gi mapa so a sara na mama ni pepe, ngbanga ti so ala sigigi na loro na sese ti Ezipte. Tongana ala yeke te mapa ti ye ti vundu so, ala yeke dabe ti ala na lango so ala sigigi na sese ti Ezipte; ala yeke dabe ti ala na ni na lango ti fini ti ala kue.

Josué 24:14

Josué akiri atene: “Fadeso, ala kpe mbeto ti KOTA GBIA, ala sara kua na lo na legeni nga na be ti ala kue! Anzapa so akotara ti ala asara ando kua na ala na mbage ti ngu ti Efrate nga na ti Ezipte so, ala zi anzapa ni yamba si ala sara kua gi na KOTA GBIA.

1 Pierre 4:2

Tongaso, ngoi so angba na ala ti duti na fini na sese so, ala sara ye na lege ti nzara ti be ti ala pepe, me na lege so be ti Nzapa aye.