1 Korente 5:5 - Mbeti ti Nzapa - Tënë so amu fini

⁵ mbi hunda na ala ti zia mara ti zo tongaso na maboko ti Satan si Satan abuba tere ti lo, tongaso si yingo ti zo ni alingbi ti soo kuâ na lango ti gango ti Kota Gbia.

1 Korente 5:5 ပူးပေါင်းရင်းမြစ်များ

Mbeti ti Job 2:6

Tongaso KOTA GBIA atene na Satan: “Nzoni! Mbi zia lo na maboko ti mo. Gi ye oko, mo bata fini ti lo.”

Abia (Psaumes) 109:6

Ala yeke tene: “Mu mbeni zo ti sioni, mo zia na ndö ti lo; sara si zo ti bingo tënë na li ti zo aluti na mbage ti maboko ti lo ti koli.

Amato 23:14

Na pikango lo, mo yeke soo lo na kuâ.

Awayango-sandaga 13:21

Me tongana wayango-sandaga abaa tere ti zo ni si vuru kua ti tere ayeke na ndo ni so pepe, ye ni akoro du na ya ti poro ti tere ti lo pepe si poro ti tere ti lo avuru tuuu, wayango-sandaga ayeke zia lo na mbeni ndo nde ti duti gi lo oko na ya ti lango mbarambara.

Matthieu 4:10

Jésus atene na lo: “Hon kâ, Satan! Mbeti ti Nzapa atene: ‘Mo voro Kota Gbia, Nzapa ti mo si mo sara kua gi na lo oko!’ ”

Nzoni Tënë so Luc asu na mbeti 22:31

Jésus atene: “Simon, Simon, Satan ahunda ti yengere ala tongana ti so zo ayeke yengere ale ti kobe.

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

1 Korente 1:8

Lo laa lo yeke sara titene ala kpengba ngbii asi na ndani si na lango ti gango ti Jésus Christ, Kota Gbia ti e, ala duti azo so tënë ayeke na li ti ala pepe.

1 Korente 11:32

Me Kota Gbia afâ ngbanga ti e si lo pika e titene lo fâ ngbanga na li ti e tongana ti tanga ti azo ti dunia so pepe.

1 Korente 5:13

Ti azo ti gigi, Nzapa laa ayeke fâ ande ngbanga ti ala. Mbeti ti Nzapa atene: “Ala zi zo ti sioni so ayeke na popo ti ala.”

2 Korente 10:6

Tongana ala, azo ti Korente, ala ma yanga ti Christ nzoni, fade e yeke duti nduru ti fâ ngbanga na li ti azo so kue ake ti ma yanga.

2 Korente 12:7

Aye so Nzapa afa na mbi si mbi baa ni so ayeke aye ti ndima. Titene mbi gonda tere ti mbi ndali ti aye ni pepe, Nzapa azia mbeni ye tongana ki na ya ti tere ti mbi: ki ni ayeke tongana mbeni zo so Satan atokua lo ti pika mbi si mbi gonda tere ti mbi pepe.

2 Korente 13:10

Ndani laa, so mbi de yongoro na ala, mbi yeke su mbeti so ti tokua na ala. Tongaso, tongana mbi si na popo ti ala, mbi yeke so na ndö ti ala pepe. *Kota Gbia amu na mbi ngangu ti sara si *Eglize ti ala akpengba, me ti buba Eglize ni pepe.

Filipe 1:6

Mbi hinga biani mbi tene, Nzapa so ato nda ti sara nzoni kua na ya ti fini ti ala, fade lo yeke sara ni ngbii ahunzi na lango ti kiringo ti Jésus Christ.

1 Timothée 1:20

Himene na Alexandre ayeke na popo ti azo ni so. Mbi zia ala na maboko ti Satan titene ala manda ti kiri ti zonga Nzapa pepe.

2 Timothée 1:18

Ayeke nzoni Kota Gbia asara nzoni be na lo na lango ti ndani. Anzoni ye so lo sara na mbi na gbata ti Efeze, mo hinga tënë ni ahon tanga ti azo kue.

2 Pierre 3:12

Ala so ayeke ku lango ti gango ti Nzapa si ala ye titene aga hio so, lango ni ayeke lango so wâ ayeke gbi nduzu si ayeke buba ni kue. Ndali ti ngangu ti wâ ni, aye so kue ayeke na le ti nduzu ayeke ga ngu.

1 Jean 5:16

Tongana mbeni zo abaa ita ti lo na sarango siokpari, mbeni siokpari so ague na lo na kuâ pepe, alingbi lo sambela si fade Nzapa amu fini na ita ti lo so. Tënë so ayeke ndali ti azo so ayeke sara siokpari so ague na zo na kuâ pepe. Mbeni siokpari ayeke daa so ayeke gue na zo na kuâ, mara ti siokpari so laa mbi hunda na ala ti sambela ndali ni pepe.