1 Korente 5:13 - Mbeti ti Nzapa - Tënë so amu fini

¹³ Ti azo ti gigi, Nzapa laa ayeke fâ ande ngbanga ti ala. Mbeti ti Nzapa atene: “Ala zi zo ti sioni so ayeke na popo ti ala.”

1 Korente 5:13 ပူးပေါင်းရင်းမြစ်များ

Abia (Psaumes) 50:6

Yayu ayeke fa tënë ti mbirimbiri ti Nzapa: Nzapa laa ayeke wafango-ngbanga! Luti kete

Zo ti bongbingo azo 9:18

Ndara ayeke nzoni ahon aye ti bira; me zo ti siokpari oko alingbi ti buba anzoni ye mingi.

Matthieu 18:17

Tongana lo ke ti ma ala, mo fa peko ti tënë ni na azo ti *Eglize. Tongana lo ke ti ma azo ti Eglize, mo baa lo tongana zo so ahinga Nzapa pepe, wala tongana zo ti rongo nginza ti lapo.

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

Rome 2:16

Ye so ayeke sigigi polele na lango ti fango ngbanga laa. Tongana ti so Nzoni Tënë so mbi yeke fa atene tënë ni, na lango ni so, fade Nzapa ayeke fâ ngbanga ti ye so kue azo ayeke sara na hondengo ni, na lege ti Jésus Christ.

1 Korente 5:1

Na ndo kue, azo ayeke ma a tene, gingo wali wala gingo koli kirikiri ahon ndoni na popo ti ala. Ataa na popo ti azo so ahinga Nzapa pepe, mbeni zo ti sarango mara ti ye tongaso ayeke daa pepe! Azo atene, mbeni zo na popo ti ala ayeke duti na wali ti babâ ti lo!

1 Korente 5:2

Na ndö ni kue, ala yeke pika kate ti ala daa! Ala lingbi fade ti duti na vundu ndali ti ye so pepe? Alingbi fade titene ala zi zo so asara mara ti ye tongaso na popo ti ala!

1 Korente 5:5

mbi hunda na ala ti zia mara ti zo tongaso na maboko ti Satan si Satan abuba tere ti lo, tongaso si yingo ti zo ni alingbi ti soo kuâ na lango ti gango ti Kota Gbia.

1 Korente 5:7

Ala zi angbene mama ti mapa titene ala ga *nzoni! Tongaso, fade ala yeke ga tongana fini farini so a gbu ya ni si a zia mama ti mapa daa pepe. Biani, ala ga tongana fini farini so a gbu ya ni awe, ngbanga ti so Christ ayeke taba ti *Pake ti e so a mu lo na *sandaga awe.

Ndia ti fani use ni 13:5

Ala mu gi peko ti KOTA GBIA Nzapa ti ala oko, alingbi ala kpe gi mbeto ti lo oko. Ala sara ye alingbi gi na atënë ti ndia ti lo, ala ma gi lo oko, ala sara kua gi na lo oko, ala ngba gi na tere ti lo oko.

Ndia ti fani use ni 17:12

Tongana mbeni zo na ya ti baba ti lo, ake ti ma tënë ti wayango-sandaga so aluti kâ na dawa ti KOTA GBIA Nzapa ti ala, wala wafango-ngbanga ni, fade a yeke fâ zo ni. Lege so fade ala yeke zi sioni ye na sese ti Israel laa.

Ndia ti fani use ni 17:7

Azo so abaa lo na sarango ye ni so laa ayeke bo lo na têne kozoni ti fâ lo. Na pekoni, tanga ti azo ti kodro ni ayeke bo lo. Lege so fade ala yeke zi sioni ye na popo ti ala laa.

Ndia ti fani use ni 21:21

Fade azo kue ti gbata ni ayeke bo lo na têne si lo kui. Lege so ala, azo ti Israel, ala yeke zi sioni ye na popo ti ala laa. Azo ti Israel kue ayeke ma tënë ni si mbeto agbu ala.

Ndia ti fani use ni 22:24

fade ala, azo ti Israel, ala yeke gue na azo use so kue na yanga ti gbagba ti gbata ni; ala yeke bo ala na têne ti fâ ala. Ala yeke fâ maseka-wali ni, ngbanga ti so lo dekongo pepe ti iri ndo titene azo aga amu na lo maboko; ala yeke fâ koli ni, ngbanga ti so lo lango na wali ti mbeni zo nde. Lege so fade ala yeke zi sioni ye na popo ti ala laa.

Ahebro 13:4

Alingbi azo kue ane tënë ti mungo tere ti koli na wali. Alingbi koli abata tere ti lo gi ndali ti wali ti lo si wali abata nga tere ti lo gi ndali ti koli ti lo, ngbanga ti so fade Nzapa ayeke fâ ngbanga na li ti azo ti sarango aye ti ndumba nga na azo so ayeke gi akoli wala awali ti amba ti ala.

2 Pierre 2:9

so ti tene, *Kota Gbia alingbi ti zi azo so amu tere ti ala kue na lo na ya ti ye ti tarango be si lo yeke bata azo ti kirikiri ti fâ ngbanga na li ti ala na lango ti fango ngbanga.

Awafango-ngbanga 20:13

Ala zia na maboko ti e agodobe ti Gibea so asara ye ni so titene e fâ ala, tongaso si e zi sioni sarango ye na popo ti azo ti Israel.” Me azo ti Benjamin ake ti ma yanga ti a-ita ti ala, azo ti Israel.