1 Korente 5:1 - Mbeti ti Nzapa - Tënë so amu fini

¹ Na ndo kue, azo ayeke ma a tene, gingo wali wala gingo koli kirikiri ahon ndoni na popo ti ala. Ataa na popo ti azo so ahinga Nzapa pepe, mbeni zo ti sarango mara ti ye tongaso ayeke daa pepe! Azo atene, mbeni zo na popo ti ala ayeke duti na wali ti babâ ti lo!

1 Korente 5:1 ပူးပေါင်းရင်းမြစ်များ

Tongo nda ti aye 35:22

Na ndembe so Israel ayeke duti na sese so, Ruben ague, alango na Bila, mbeni wali ti babâ ti lo. Israel ama tënë ni. Amolenge ti Jacob ti koli kue ayeke baleoko na use.

Tongo nda ti aye 37:2

Tënë ti sewa ti Jacob ayeke tongaso: Joseph ayeke maseka-koli so ayeke na ngu baleoko na mbarambara; lo na a-ita ti lo, amolenge ti Bila na Zilpa, awali ti babâ ti lo, ayeke bata angasa na ataba. Joseph ayeke fa na babâ ti ala peko ti asioni tënë so kue a-ita ti lo ayeke tene.

Tongo nda ti aye 49:4

Me mo yeke tongana ngu so ayeke sua gi ngangu ngangu so. Mo yeke ngba ande yaya ti a-ita ti mo pepe. Mo lango na ndö ti gbogbo ti mbi, babâ ti mo si mo sara titene gbogbo ti mbi aga sioni.

2 Samuel 16:22

Azo asara mbeni da ti bongo na li ti da ti yangbo ndali ti Absalom. Kâ, Absalom alango na awali ti babâ ti lo, na le ti azo ti Israel kue.

2 Samuel 20:3

So gbia David asi na yangbo ti lo na Jérusalem awe, lo mu ambeni wali ti lo baleoko so lani lo zia ala ti bata yangbo so, lo zia ala na ya ti mbeni da so azo ayeke bata ni nzoni. Lo yeke mu na ala aye so kue alingbi na ala, me lo na ala aduti koli na wali pepe. A kanga ala na ya ti da ni ngbii asi na lango so ala kui na ni. Ala yeke tongana awali-mua, ataa so koli ti ala angba na fini.

1 Mbai 5:1

Ruben ayeke kozo molenge ti Jacob. Me na peko ti so lo lango na mbeni wali ti babâ ti lo, a mu ndo ti lo ti kozo molenge na Joseph so ayeke nga molenge ti Jacob. A kiri abaa Ruben tongana kozo molenge pepe.

Jérémie 2:33

“Mo hinga kode ti tumbango peko ti andeko! Ti si na nda ti ye ti mo ni, mo gue daa ngbii ti sara sioni ahon ndoni si aga ye ti tere ti mo.

Ezekiel 16:47

Mo mu gi lege ti sarango ye ti ala pepe, mo na ala asara gi mara sioni ye so zo alingbi ti baa na le ti lo fani use pepe; so kue alingbi na mo pepe! Me lege ti sarango ye ti mo ayeke sioni mingi ahon ti ala kue!

Ezekiel 22:10

Na ndo ti mo, azo ayeke lango na mbeni wali ti babâ ti ala, ala yeke gbu awali na ngangu ti lango na ala, ataa na ndembe so awali ni ayeke baa ya ti ala.

Awayango-sandaga 18:8

“Alingbi mo lango na wali ti babâ ti mo pepe; so ziango kamene na le ti babâ ti mo laa.

Awayango-sandaga 20:11

“Tongana mbeni koli alango na wali ti babâ ti lo, andaa lo zia kamene na le ti babâ ti lo awe. Fade a yeke fâ ala use kue, koli ni na wali ni; ngbanga ti mene ti ala ayeke kiri na li ti ala wani.

Amos 2:7

Nzara ti mungo aye ti azo ti mawa ahon ndö ti ala, ataa fuku ti sese so ayeke na li ti ala; na le ti ngbanga, ala yeke sara si a fâ ngbanga ti asenge zo na legeni pepe. Molenge-koli na babâ ti lo ayeke lango gi na oko maseka-wali. Na sarango ye tongaso, ala yeke buba iri ti mbi so ayeke nde si ayeke nzoni kue.

Awatokua 15:20

Ayeke nzoni e su mbeti, e tokua na ala titene kobe so aga *sioni na lege so a ya ni na *sandaga na anzapa nde, ala te ni pepe, ala gi wali wala koli kirikiri pepe; nyama so azo apete go ti lo petengo si lo kui so, ala te ni pepe, ala te nga mene pepe.

Awatokua 15:29

nyama so azo aya na *sandaga na anzapa nde, ala te ni pepe; ala te mene pepe, anyama so azo apete go ti ala petengo si ala kui so, ala te nga ni pepe; ala gi wali wala koli kirikiri pepe. Tongana ala zia lege ti sarango aye so kue, so ayeke nzoni! E bara ala.”

1 Korente 1:11

Biani, a-ita ti mbi, azo ti Kloe atene na mbi atene, papa ayeke na popo ti ala.

1 Korente 5:11

Me mbi su mbeti so lani na ala si zo so atene, ni yeke ita ti ala, zo ti Christ si lo yeke gi wali wala koli kirikiri, kota nzara ti warango ye ayeke na be ti lo, lo yeke voro anzapa nde, lo yeke du mvene na li ti amba ti lo, lo yeke ngbaa ti samba, wala lo yeke zo ti nzi, alingbi ala sara songo na lo pepe, ala te nga kobe na mara ti zo tongaso pepe!

1 Korente 6:13

Ambeni zo ayeke tene nga: “Kobe ayeke ndali ti ya si ya ayeke ndali ti kobe.” Taa-tënë, me Nzapa ayeke buba ande ya na kobe kue. Andaa tere ti zo ayeke titene lo sara na aye ti kirikiri pepe: tere ti zo ayeke ndali ti *Kota Gbia si Kota Gbia ayeke ndali ti tere ti zo.

1 Korente 6:18

Ala kpe lege ti gingo wali wala gingo koli kirikiri! Atanga ti siokpari so kue zo ayeke sara ayeke ndu tere ti lo wani pepe; me zo so agi wali wala koli kirikiri, andaa lo sara sioni na tere ti lo wani.

1 Korente 6:9

Ala hinga pepe? Azo ti sarango sioni, fade *Kodro-gbia ti Nzapa ayeke ga ti ala pepe. Ala handa tere ti ala pepe: azo ti gingo wali wala gingo koli kirikiri, azo ti vorongo anzapa nde, azo ti gingo wali wala koli ti amba ti ala, akoli so ayeke lango na amba ti ala akoli,

2 Korente 12:21

Mbeto asara nga mbi titene tongana mbi kiri mbi si na ala kâ, Nzapa azia kamene na le ti mbi na dawa ti ala. Mbi hinga pepe, fade mbi yeke toto ndali ti azo mingi na popo ti ala so angba ti sara siokpari tongana ti ando; ala ngba na lege ti sarango aye ti sioni, aye ti kamene na aye ti ndumba.

2 Korente 2:5

Tongana mbeni zo azia vundu na be ti mba ti lo, mbi laa lo zia vundu na be ti mbi pepe, me na be ti ala kue. Ti tene tënë ahon ndoni pepe, lo zia vundu gi na be ti ambeni zo na popo ti ala.

2 Korente 7:12

Ndali ti zo so asara sioni na mba ti lo wala lo so mba ti lo asara sioni na lo laa mbi su mbeti so na ala pepe; me mbi su ni ti fa na le ti Nzapa so, ala yeke azo so ayeke baa lege ti e hio.

Galasii 5:19

Aye so asioni nzara ti be ti zo ayeke sara ni si azo ahinga ni kue ayeke: gingo wali wala gingo koli kirikiri, sarango ye ti ndumba, sarango ye ti kamene,

Efeze 5:3

Ala yeke azo so ayeke nde si ayeke nzoni kue. Tongaso, sarango ye ti ndumba, sarango aye ti kamene nde nde wala kota nzara ti warango ye, akpa titene a ma tënë ti aye tongaso na popo ti ala pepe.

Ndia ti fani use ni 27:20

‘Deba aga na ndö ti zo so alango na wali ti babâ ti lo; so bingo buba na tere ti babâ ti lo laa.’ Fade azo kue ayeke kiri tënë, atene: ‘Amen!’

Kolose 3:5

Tongaso, ala zi anzara ti sarango asioni ye ti dunia so na be ti ala: sarango ye ti ndumba, sarango ye ti kamene, nzara ti tere, nzara ti sarango asioni ye nga na kota nzara ti warango ye; so ayeke mbeni lege ti vorongo anzapa nde.

1 Tesalonike 4:7

Biani, Nzapa airi e ti duti na ya ti ye ti potopoto pepe, me lo iri e ti ga azo so ayeke nde si ayeke nzoni kue.

Aye so Nzapa afa 2:21

Mbi zia na lo ngoi titene lo zia ngbene lege ti sarango ye ti lo, me lo ye ti zia lege ti sarango ye ti ndumba ti lo ni pepe.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

1 Samuel 2:24

Amolenge ti mbi, ala zia lege ti sarango ye tongaso. Tënë so mbi ma azo ti KOTA GBIA ayeke tene na iri ti ala so ayeke nzoni pepe.