1 Korente 4:5 - Mbeti ti Nzapa - Tënë so amu fini

⁵ Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

1 Korente 4:5 ပူးပေါင်းရင်းမြစ်များ

Mbeti ti Job 12:22

Ye so ahonde na ya ti vukongo ndo, lo yeke sigigi na ni polele; ye so ayeke na ndo so avuko pitipiti, lo yeke fa ni na gigi polele.

Amato 12:8

Azo ayeke gonda zo ndali ti hingango ndo ti lo; me zo so be ti lo asi singo na aye ti kirikiri, azo ayeke baa lo tongana mbumbuse zo.

Zo ti bongbingo azo 11:9

Maseka-koli, na ngoi so mo de maseka, mo sara ngia biani. Ayeke nzoni be ti mo aduti na ngia na ngoi ti maseka ti mo. Sara ye so be ti mo aye; sara ye so le ti mo abaa. Me ayeke nzoni mo hinga, mo tene, Nzapa ayeke iri ande mo na ngbanga ndali ti aye oko oko so mo sara.

Zo ti bongbingo azo 12:14

Biani, aye so kue zo ayeke sara, ataa na hondengo ni, nzoni ni wala sioni ni, fade Nzapa ayeke iri zo na ngbanga.

Jérémie 16:17

Le ti mbi abaa asarango ye ti ala kue, ahonde na le ti mbi oko pepe; sioni so ala yeke sara ayeke polele na le ti mbi.

Jérémie 23:25

“Atënë so awayanga-Nzapa ayeke tene na peko ti yanga ti mbi so, mbi ma ni kue awe. Ala tene, ani yeke fa tënë na iri ti mbi, andaa gi mvene laa ala yeke tene. Ala yeke tene: ‘Mbi baa li ti mbi! Mbi baa li ti mbi!’

Osée 8:13

Ala yeke fâ anyama ti mu na *sandaga, ngbanga ti so ala ye ti te kasa ti anyama ni; me sandaga ni azia ngia na be ti KOTA GBIA pepe. Fadeso, KOTA GBIA adabe ti lo na sioni ti ala si lo yeke ga ti kiri na ala peko ti sioni ndali ti asiokpari ti ala. Fade ala yeke kiri na Ezipte.

Malashii 3:18

Fade ala yeke kiri ti hinga kangbi so ayeke na popo ti zo ti mbirimbiri na zo ti sioni; kangbi so ayeke na popo ti zo so ayeke sara kua ti Nzapa na zo so ayeke sara kua ti lo pepe.

Matthieu 10:26

“Ala sara mbeto ti zo pepe! Ye so kue angba na hondengo ni, fade nda ni ayeke sigigi; ye so kue angba na gbe mingo, fade azo ayeke hinga tënë ni.

Matthieu 24:30

Tongaso, mbeni ye ayeke sigigi na ya ti mbinda na le ti nduzu si ayeke fa na azo tënë ti gango ti *Molenge ti Zo. Amara ti dunia kue ayeke zia maboko na ndö ti go ti ala si ala yeke dema tere, ala yeke baa Molenge ti Zo so ayeke ga na ya ti ambinda na ngangu ti lo kue, na gonda ti lo kue.

Matthieu 24:46

Ti zo ti kua ni so nzoni, tongana makonzi ti lo akiri si awara lo na yanga ti kua ni!

Matthieu 25:21

Makonzi ti lo atene na lo: ‘So nzoni! Mo yeke nzoni zo ti kua si mo yeke sara ye na legeni! Kete ye so a mu na mo, mo sara kua na ni na legeni; fade mbi yeke zia mo na ndö ti akota ye ti mbi. Ga, mo na makonzi ti mo asara ngia.’

Matthieu 25:23

Makonzi ti lo atene na lo: ‘So nzoni! Mo yeke nzoni zo ti kua si mo yeke sara ye na legeni! Kete ye so a mu na mo, mo sara kua na ni na legeni; fade mbi yeke zia mo na ndö ti akota ye ti mbi. Ga, mo na makonzi ti mo asara ngia.’

Nzoni Tënë so Luc asu na mbeti 6:37

“Ala fâ ngbanga na li ti azo pepe si Nzapa afâ nga ngbanga na li ti ala pepe; ala zia tënë na li ti azo pepe si Nzapa azia nga tënë na li ti ala pepe; ala zi tënë na li ti azo si Nzapa azi nga tënë na li ti ala.

Jean 21:22

Jésus akiri tënë na lo: “Tongana mbi ye titene lo ngba ngbii mbi ga, ti mo daa nyen? Ti mo, mo mu peko ti mbi!”

Jean 21:23

Gi na ndö ti tënë so laa azo ti Christ atene na popo ti ala atene, disiple so ayeke kui ande pepe. Me Jésus atene na disiple ni pepe, atene: “Fade lo yeke kui pepe”. Andaa tënë so Jésus atene ayeke so: “Tongana mbi ye titene lo ngba ngbii mbi ga, ti mo daa nyen?”

Jean 5:44

Ala ye titene amba ti ala laa agonda ala si ala nga agonda amba ti ala; me gonda so alondo na Nzapa oko, ala ye ti gi ni pepe. Fade ala lingbi ti ma na be tongana nyen?

Rome 14:4

Mo yeke ti mo zo wa ti kasa zo ti kua ti mbeni zo nde? Ataa lo ngba na nduzu wala lo ti, so abaa gi wa ti lo. Fade lo yeke ngba na nduzu, ndali ti so *Kota Gbia ayeke na ngangu ti sara si lo ngba na nduzu.

Rome 2:1

Mo so mo yeke fâ ngbanga na li ti amba ti mo so, ataa mo yeke zo wa, mo baa ti mo, mo tene, mo yeke sigigi na ya ti tënë ni? So mo yeke fâ ngbanga na li ti amba ti mo so, mo yeke fâ nga ngbanga na li ti mo wani, ndali ti so mo nga, mo yeke sara mara ti aye so.

Rome 2:16

Ye so ayeke sigigi polele na lango ti fango ngbanga laa. Tongana ti so Nzoni Tënë so mbi yeke fa atene tënë ni, na lango ni so, fade Nzapa ayeke fâ ngbanga ti ye so kue azo ayeke sara na hondengo ni, na lege ti Jésus Christ.

Rome 2:29

me taa zuife ayeke zuife so ayeke na ya ti be ti lo kâ, taa fango ganza ayeke ganza ti be, aga na lege ti Yingo ti Nzapa, me na lege ti Ndia so a su na mbeti pepe. Taa zuife, azo laa ayeke gonda lo pepe, me Nzapa.

Rome 2:7

Azo so amu be ti ala kue ti gi ti sara nzoni ye, ala yeke gi titene Nzapa agonda ala, lo ne ala si lo mu na ala fini so angba lakue lakue, fade Nzapa ayeke mu lege na ala ti duti na fini kpu na kpu.

1 Korente 1:7

Nilaa, mbeni matabisi ti Yingo oko atia ala pepe, ala so ayeke ku singo ti Jésus Christ, *Kota Gbia ti e.

1 Korente 11:16

Me tongana mbeni zo aye ti ke tënë so, ayeke nzoni lo hinga lo tene, mbeni lege nde ayeke daa pepe so e na *a-Eglize ti Nzapa, e yeke sara ka na ni.

1 Korente 11:26

Biani, lakue tongana ala yeke te mapa so si ala yeke nyon kopo so, ala yeke fa tënë ti kuâ ti Kota Gbia ti ku na gango ti lo.

1 Korente 15:23

Me fade zo oko oko ayeke zingo na kuâ tongana ngoi ti lo alingbi: kozo zo so azingo na kuâ ayeke Christ; na pekoni, fade azo ti Christ laa ayeke zingo na kuâ na lango ti gango ti lo.

1 Korente 3:13

Fade a yeke fa kua ti zo oko oko na le ti azo kue na lango ti fango ngbanga. Na lango ni so, fade wâ ayeke tara kua ti zo oko oko ti fa wala kua ni ayeke nzoni wala sioni.

1 Korente 3:14

Zo so asara da si da ni angba, fade lo yeke wara futa ti kua ti lo.

1 Korente 3:8

Zo so alu ye na zo so atuku ngu na ndö ni, ala kue ayeke gi legeoko. Fade Nzapa ayeke mu na zo oko oko futa ti lo alingbi na kua so lo sara.

2 Korente 10:18

Taa nzoni zo ti kua ayeke zo so ayeke tene nzoni tënë na ndö ti lo wani pepe, me zo so Kota Gbia laa ayeke tene nzoni tënë na ndö ti lo.

2 Korente 10:9

Mbi ye titene ala baa mbi tongana zo so ayeke zia mbeto na be ti ala na lege ti ambeti ti lo pepe.

2 Korente 4:2

E ke tënë ti aye ti kamene so azo ayeke sara na gbe mingo; e yeke sara ye ti handa na azo pepe, e yeke buba ya ti tënë ti Nzapa pepe. Me e yeke fa taa-tënë na azo, tongaso si na le ti Nzapa, azo kue azia be ti ala na ndö ti e.

2 Korente 5:10

Biani, fade e kue, e yeke si na le ti ngbanga ti Christ titene zo oko oko awara ye ti peko ti aye so lo sara na ngoi so lo yeke na fini na ndö ti sese so: nzoni ni wala sioni ni.

1 Tesalonike 5:2

Ala wani, ala hinga tënë ni nzoni mingi: lango ti gango ti *Kota Gbia ayeke duti tongana gango ti zo ti nzi na bi.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Jacques 4:11

A-ita, ala tene sioni tënë na iri ti amba ti ala pepe! Zo so atene sioni tënë na iri ti mba ti lo wala lo fâ ngbanga na li ti lo, andaa lo tene sioni tënë na ndö ti ndia, lo fâ nga ngbanga na li ti ndia awe. Tongana mo fâ ngbanga na li ti ndia, andaa ye so ndia ahunda na mo ti sarango ni, mo yeke sara ni pepe, me mo ga zo ti fango ngbanga na li ti ndia awe.

Jacques 5:7

A-ita, ala kanga be ti ala ti ku lango ti gango ti *Kota Gbia. Ala baa zo ti fango yaka: lo yeke kanga be ti lo ti ku anzoni kobe ti yaka ti lo, lo yeke ku ngbii akozo ngu-Nzapa na angu ti ndani apika si.

Jacques 5:9

A-ita, ala dema na iri ti amba ti ala pepe, tongaso si Nzapa afâ ngbanga na li ti ala pepe. Ala baa, wafango-ngbanga ayeke luti na yanga ti da!

1 Pierre 1:7

Pasi ni asi na ala ti tara mabe ti ala. Lôro ayeke ye so ayeke buba bubango, me azo ayeke tara ni na wâ. Mabe ayeke kota ye ahon lôro. Ndani laa a yeke tara ni ti baa wala akpengba, tongaso si fade Nzapa ayeke tene nzoni tënë ti ala, lo yeke gonda ala si lo yeke ne ala na ndembe so Jésus Christ ayeke si.

1 Pierre 5:4

Tongana Makonzi ti azo ti batango azo ti Nzapa asi, fade ala yeke wara nzoni ye ti peko ni so ayeke na gonda si pendere ni ayeke hon oko pepe.

2 Pierre 3:12

Ala so ayeke ku lango ti gango ti Nzapa si ala ye titene aga hio so, lango ni ayeke lango so wâ ayeke gbi nduzu si ayeke buba ni kue. Ndali ti ngangu ti wâ ni, aye so kue ayeke na le ti nduzu ayeke ga ngu.

2 Pierre 3:4

atene: “Jésus amu ando zendo atene, ni yeke ga; ka lo yeke na ndo wa? Akotara ti e akui aninga awe, ala zia mê ti e! Ti londo na ngoi so dunia abaa gigi, nyen laa asanze, nyen?”

Jude 1:14

Henok, lo so lo yeke na molongo mbarambara ti *ahale ti Adam, atene tënë na ndö ti azo so ando, lo tene: “Ala ma tënë so: ‘Kota Gbia ayeke ga na a-ange gbani gbani so ayeke nde si ayeke nzoni kue.

Aye so Nzapa afa 1:7

Ala baa, lo yeke na ya ti mbinda si lo yeke ga! Fade le ti azo kue ayeke baa lo, ataa ala so lani akpo lo. Fade amara ti dunia kue ayeke toto ndali ti aye so a sara na lo. So ayeke taa-tënë! Amen.

Aye so Nzapa afa 20:12

Na pekoni, mbi baa akuâ, akete ni na akota ni, ala yeke luti na dawa ti mbata ti gbia ni. A zi abuku si a zi mbeni buku nde: mbeti so a su iri ti azo so ayeke na taa fini daa. A fâ ngbanga na li ti akuâ alingbi na ye so ala sara tongana ti so a su tënë ni na ya ti abuku ni so.