1 Korente 4:20 - Mbeti ti Nzapa - Tënë so amu fini

²⁰ Biani, *Kodro-gbia ti Nzapa ayeke dikongo gba ti atënë pepe, me ayeke ngangu ti sarango na ye.

1 Korente 4:20 ပူးပေါင်းရင်းမြစ်များ

Rome 1:16

Biani, kamene ti fango Nzoni Tënë asara mbi pepe: Nzoni Tënë ni ayeke ngangu ti Nzapa so lo mu ti soo azo so kue ama na be, azuife kozoni, na pekoni azo ti amara nde.

Rome 14:17

Biani, *Kodro-gbia ti Nzapa abaa tënë ti tengo kobe wala tënë ti nyongo ye pepe, me abaa tënë ti sarango ye ti mbirimbiri, ti siriri na ti ngia so Yingo-Vuru ayeke mu na zo.

Rome 15:19

na lege ti aye ti kpene nga na lege ti aye ti dongo be so Yingo-Vuru asara. Tongaso, ti londo na Jérusalem ngbii asi na sese ti Ilirii, mbi tambula ti fa Nzoni Tënë kue ti Christ na azo.

1 Korente 1:24

Me na le ti azo so Nzapa airi ala, ataa ala yeke azuife wala agreke, Christ laa ayeke ngangu nga na ndara ti Nzapa.

1 Korente 2:4

Tënë ti mbi na fango ye ti mbi ayeke pepe tongana ti azo so ayeke mu atënë ti ndara ti zo ti woko na be ti amba ti ala, me atënë ti mbi ayeke ngangu ti Yingo ti Nzapa so ayeke woko be ti zo.

2 Korente 10:8

Ataa so mbi pika kate ti mbi ndali ti ngangu so *Kota Gbia amu na e, kamene asara mbi pepe. Nda ti ngangu ni ayeke ti sara si *Eglize ti ala akpengba, me ayeke ti sara si Eglize ni ati pepe.

1 Tesalonike 1:5

Biani, ala hinga atene, Nzoni Tënë so e fa na ala, e fa ni gi na yanga pepe, me e fa ni na ngangu nga na lege ti kua ti Yingo-Vuru. E hinga biani na be ti e, e tene, Nzoni Tënë so e fa ayeke taa-tënë. Ala kue ahinga lege ti dutingo ti e na popo ti ala, e sara ye so kue ndali ti nzoni ti ala.