1 Korente 4:15 - Mbeti ti Nzapa - Tënë so amu fini

¹⁵ Biani, ataa azo saki baleoko laa afa lege na ala si ala ga oko na Christ, ala yeke na ababâ mingi pepe: mbi laa mbi du ala si ala ga oko na Christ na lege ti Nzoni Tënë so mbi fa na ala.

1 Korente 4:15 ပူးပေါင်းရင်းမြစ်များ

Wungo ti azo 11:12

Mbi laa, mbi mu ngo ti azo so kue? Mbi laa mbi du ala? Si mo tene na mbi: yo ala tongana ti so mama ti molenge ayeke yo kete molenge ti lo ti mu me na lo; mo yo ala ngbii asi na sese so mbi mu na akotara ti ala na lege ti zendo so.

Rome 15:20

Tënë so agbu be ti mbi si mbi ye mingi ti sara ni ayeke ti fa Nzoni Tënë ni gi na ndo so ambeni zo ade ti di iri ti Christ daa pepe. Mbi sara tongaso si mbi sara da pepe na ndö ti gere ti da so mbeni zo aleke kozoni awe.

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

1 Korente 15:1

A-ita, mbi yeke kiri ti dabe ti ala na ndö ti Nzoni Tënë so mbi fa na ala, ala yamba ni si be ti ala ayeke gi na ndö ni so.

1 Korente 3:10

Na lege ti nzoni be so Nzapa asara na mbi, mbi sara kua tongana nzoni wakode ti sarango da; mbi leke gere ti da ni si mbeni zo nde asara da na ndö ni. Me ayeke nzoni zo oko oko asara hange na lege so lo yeke sara da na ndö ti gere ti da ni.

1 Korente 3:6

Mbi laa mbi lu ye, Apolos atuku ngu na ndö ni, me Nzapa asara si ye ni asigigi si amai.

1 Korente 3:8

Zo so alu ye na zo so atuku ngu na ndö ni, ala kue ayeke gi legeoko. Fade Nzapa ayeke mu na zo oko oko futa ti lo alingbi na kua so lo sara.

1 Korente 9:12

So ambeni zo alingbi ti hunda ye so na ala, ka ti e ni, e lingbi ti hunda ye ahon ti azo ni so pepe? Me e sara tongaso pepe. Ataa aye so kue ayeke si na e, e yeke kanga be ti e, ngbanga ti so e ke ti sara mbeni ye so alingbi ti kanga lege na Nzoni Tënë ti Christ.

1 Korente 9:14

Legeoko nga, Kota Gbia amu yanga atene, azo so ayeke fa Nzoni Tënë, alingbi ala wara aye ti ala gi na lege ti fango Nzoni Tënë.

1 Korente 9:16

Ndali ti fango Nzoni Tënë so mbi yeke fa, mbi lingbi ti pika kate ti mbi pepe. Fango Nzoni Tënë ayeke ye so Nzapa amu na mbi yanga ti sara. Mawa na mbi tongana mbi fa Nzoni Tënë ni pepe!

1 Korente 9:18

Tongaso, futa ti mbi ayeke nyen? Futa ti mbi ayeke ti fa Nzoni Tënë na azo gi senge senge. Ataa so Nzoni Tënë amu na mbi lege fade ti hunda ye na maboko ti ala, mbi sara so pepe.

1 Korente 9:23

Mbi yeke sara ye so kue ndali ti Nzoni Tënë titene mbi wara anzoni ye so Nzoni Tënë ayeke mu.

2 Korente 4:5

Biani, tënë so e yeke fa, e yeke fa ni na ndö ti e wani pepe, me na ndö ti Jésus Christ, lo so lo yeke *Kota Gbia. Ti e, e yeke fa na ala so, e yeke azo ti kua ti ala ndali ti Jésus.

Galasii 3:24

Tongaso, Ndia ayeke tongana mbeni zo so ayeke baa ndo na ndö ti e ti ku na gango ti Christ titene e ga mbirimbiri na le ti Nzapa na lege ti mabe.

Galasii 3:25

Me fadeso, so ngoi ti mabe asi awe, e yeke na gbe ti Ndia mbeni pepe, Ndia so ayeke tongana zo ti bango ndo na ndö ti e so.

Galasii 4:19

Amolenge ti mbi, tongana ti so mama ti ngo ayeke baa pasi na ndembe ti dungo ni, mbi nga, mbi yeke baa pasi ndali ti ala ngbii dutingo ti ala aga tongana ti Christ.

2 Timothée 4:3

Biani, mbeni ngoi ayeke ga so fade azo ayeke ye pepe ti ma fango ye so ayeke mbirimbiri, ala yeke sara ande gi aye ti be ti ala wani si ala yeke iri gba ti awafango-ye ti ga ti fa na ala tënë so anzere na mê ti ala.

Tite 1:4

Mbi tokua mbeti so na mo Tite so mo yeke taa molenge ti mbi na lege ti oko mabe so e yeke na ni. Ayeke nzoni Nzapa Babâ na Wasongo e, Jésus Christ asara nzoni be na mo si amu na mo siriri!

Philémon 1:19

Mbi Paul laa mbi yeke su tënë so na maboko ti mbi wani: fade mbi yeke futa yongo ni na mo. – Mbi ye ti dabe ti mo na ndö ti mbeni ye: yongo ti mbi ayeke na li ti mo, yongo ni ayeke fini ti mo wani. –

Jacques 1:18

Tongana ti so be ti lo wani aye, lo mu na e fini na lege ti tënë ti lo so ayeke taa-tënë, tongaso si e ga tongana akozo zo ti lo na popo ti aye so kue lo sara.

1 Pierre 1:23

Biani, a kiri a du ala mbeni awe; zo so ayeke kui kuingo laa akiri adu ala pepe, me tënë ti Nzapa. Tënë ni ayeke na fini, ayeke kui pepe si ayeke ngba lakue lakue.