1 Korente 4:14 - Mbeti ti Nzapa - Tënë so amu fini

¹⁴ Mbi su mbeti so na ala ti zia kamene na le ti ala pepe, me ti mu wango na ala tongana ti so zo ayeke sara na amolenge ti lo so lo ye ala mingi.

1 Korente 4:14 ပူးပေါင်းရင်းမြစ်များ

Ezekiel 3:21

Me tongana mo gboto mê ti zo ti mbirimbiri titene lo sara siokpari pepe si biani lo sara siokpari pepe, fade lo yeke ngba na fini, ngbanga ti so a gboto mê ti lo. Ti mo, mo yeke soo fini ti mo.”

Awatokua 20:31

Le ti ala akpengba, ala dabe ti ala so na ya ti ngu ota, bi na lâ, na ngu ti le, mbi zia ti mu wango na zo oko oko na popo ti ala pepe.

1 Korente 15:34

Ala sara ye tongana azo so li ti ala ayeke daa, ala sara siokpari pepe! Biani, ambeni zo na popo ti ala ahinga Nzapa pepe. A-ita, mbi yeke tene tënë so ti zia kamene na le ti ala.

1 Korente 4:15

Biani, ataa azo saki baleoko laa afa lege na ala si ala ga oko na Christ, ala yeke na ababâ mingi pepe: mbi laa mbi du ala si ala ga oko na Christ na lege ti Nzoni Tënë so mbi fa na ala.

1 Korente 4:17

Ndali ti tënë so, mbi tokua Timothée na ala, molenge ti mbi so mbi ye lo mingi, lo ngba lakue ti mu lege ti Kota Gbia. Fade lo yeke dabe ti ala na lege so mbi mu peko ti Christ na peko ti so mbi ga oko na lo; lo yeke dabe ti ala na aye so mbi yeke fa ni na ndo kue, na ya ti *a-Eglize kue.

1 Korente 6:5

Mbi tene tënë so ti bi kamene na le ti ala. Na popo ti ala, mbeni zo ti ndara ti fâ ngbanga ti atënë na popo ti a-ita ti lo, azo ti Christ, ayeke daa pepe?

1 Korente 9:15

Ataa so mbi lingbi fade ti hunda ye na maboko ti ala, mbi sara ni pepe, mbi yeke su nga mbeti so na ala ti hunda ye pepe. Titene mbi kui, ayeke fade nzoni ahon titene mbi hunda ye na ala. Nda ni so mbi yeke pika kate ti mbi laa, mbeni zo alingbi ti zi ni pepe!

2 Korente 11:11

Mbi tene tënë so ngbanga ti nyen? Mbi tene tënë so, ngbanga ti so mbi ye ala pepe? Nzapa ahinga so mbi ye ala!

2 Korente 12:19

Aninga mingi, ala baa ti ala atene, e yeke gi ti ga mbirimbiri na le ti ala? Oko pepe. Ndali ti gango so e ga oko na Christ, e yeke tene tënë so na le ti Nzapa. A-ita ti mbi so mbi ye ala mingi, ye so kue mbi sara so, mbi sara ni titene Eglize ti ala akpengba.

2 Korente 7:3

Mbi yeke tene tënë so ti fâ ngbanga na li ti ala pepe. Biani, mbi tene na ala kozoni, mbi tene: ataa e ngba na fini wala e kui, e ye ala mingi.

Kolose 1:28

Tënë ti lo laa e yeke fa na azo. E yeke mu wango na azo kue si e yeke fa na ala ye na lege ti ndara kue, tongaso si zo oko oko na lege ti gango so lo ga oko na Christ aga kangba na lege ti Yingo.

1 Tesalonike 2:11

Ala hinga nga atene, e sara na zo oko oko tongana ti so babâ ayeke sara na amolenge ti lo.

1 Tesalonike 5:14

A-ita, e hunda na ala ti suku na azo so ayeke sara ye ti kirikiri; azo so be ti ala awoko, ala sara si be ti ala akiri awara ngangu, ala mu maboko na azo so ayeke na ngangu pepe, ala kanga be ti ala na azo kue.

2 Tesalonike 3:14

Tongana mbeni zo ake ti ma tënë so e tene na ya ti mbeti so, ala su iri ti lo na mbeti, ala sara songo na lo pepe, tongaso si kamene agbu lo.

Philémon 1:10

Mbi gbu gere ti mo ndali ti Onezime; lo ga molenge ti mbi ge na da ti kanga ndali ti so lo ma na be na lege ti mbi.

1 Jean 2:1

Amolenge ti mbi, mbi su mbeti so na ala titene ala sara siokpari pepe. Me tongana mbeni zo asara siokpari, e yeke na mbeni wagbungo-koko na tere ti Babâ: Jésus Christ, lo so lo yeke mbirimbiri.

3 Jean 1:4

Tongana mbi ma a tene, amolenge ti mbi ayeke sara ye na lege ti taa-tënë, mbeni ye ti zia ngia na be ti mbi ti hon so ayeke daa pepe.