1 Korente 4:10 - Mbeti ti Nzapa - Tënë so amu fini

¹⁰ Ndali ti Christ, e ga azo so li ti ala ayeke daa pepe, me ti ala, ala ga azo ti ndara na lege ti gango so ala ga oko na Christ. E yeke ti e na ngangu pepe, me ti ala, ala yeke na ngangu. Azo ayeke ne ala, me ti e, azo ayeke baa e tongana ambumbuse zo.

1 Korente 4:10 ပူးပေါင်းရင်းမြစ်များ

2 Agbia 9:11

Yehu asigigi si lo kiri na tere ti amakonzi ti aturugu ti gbia. Ala hunda lo, atene: “Tongana nyen? Zo ti gbogbolinda so aga ti baa mo ngbanga ti nyen?” Yehu akiri tënë na ala, atene: “Ye ayeke daa pepe! Ala wani ahinga mara ti zo tongaso nga na atënë ti lo kue!”

Amato 11:12

Zo so akasa mba ti lo, li ti lo ayeke daa pepe; me zo so ahinga ndo, lo kai ti lo kpoo.

Ésaïe 53:3

Azo abaa lo tongana mbumbuse zo, azo ado lo azia. Lo yeke zo so ye aso lo, lo hinga ye so iri ni pasi. Lo kpa zo so mbeni zo alingbi ti baa lo na le fani use pepe. E baa lo tongana mbumbuse zo, e ne lo oko pepe.

Osée 9:7

Ngoi titene Nzapa aga ti kiri na ala peko ti sioni ti ala alingbi awe, ngoi ti futango ala alingbi awe; ayeke nzoni azo ti Israel ahinga ni. Ala yeke tene: “Li ti wayanga-Nzapa so atomboka awe! Zo so ayeke na yingo so ayeke tene tënë kirikiri!” Biani, li ti mbi atomboka ndali ti gba ti sioni ti ala nga ndali ti kota sioni be ti ala.

Matthieu 24:9

Tongaso, fade a yeke zia ala na maboko ti ambeni zo titene a sara ngangu na ala; amara kue ayeke ke ala ndali ti mbi.

Matthieu 5:11

Ti ala nzoni, ala so azo ayeke zonga ala, ayeke sara ngangu na ala si ayeke tene amara ti asioni tënë ti mvene nde nde na iri ti ala ndali ti mbi!

Nzoni Tënë so Luc asu na mbeti 10:16

Jésus akiri atene na adisiple ti lo: “Zo so ama tënë ti ala, andaa lo ma tënë ti mbi; zo so ake ala, andaa lo ke mbi; zo so ake mbi, andaa lo ke lo so atokua mbi.”

Nzoni Tënë so Luc asu na mbeti 18:9

Jésus akiri atene toli so na azo so abaa tere ti ala tongana azo ti mbirimbiri si ala yeke baa amba ti ala tongana ambumbuse zo, lo tene:

Nzoni Tënë so Luc asu na mbeti 6:22

“Ti ala nzoni, ala so azo ake ala, atumba ala, azonga ala si ayeke diko asioni tënë na iri ti ala ndali ti *Molenge ti Zo!

Awatokua 17:18

Ambeni wafango-ye so ayeke a-epikurien na astoisien ato nda ti tene tënë na lo. Ambeni atene: “Tënë ti nyen laa sakpa-tënë so ayeke tene so?” Ambeni atene: “Lo kpa zo ti fango tënë ti anzapa nde.” Ala tene tongaso, ngbanga ti so Paul ayeke tene tënë ti Jésus na tënë ti zingongo ti akuâ.

Awatokua 17:32

So azo ni ama tënë so Paul atene na ndö ti zingongo ti akuâ, ambeni ahe lo na ngia si ambeni atene: “Mbeni lâ si e yeke kiri ti ma mo na ndö ti tënë so!”

Awatokua 26:24

So Paul afa nda ti tënë ti lo ngbii asi na ndo so, Festus adekongo na lo, atene: “Gbogbolinda asara mo, Paul! Mo manda mbeti mingi asara si mo ga zo ti gbogbolinda awe!”

Awatokua 9:16

Mbi wani laa mbi yeke fa na lo pasi so lo yeke baa ande ndali ti iri ti mbi.”

1 Korente 1:21

Biani, azo ti dunia so, na ndara ti ala wani alingbi ti hinga Nzapa pepe, ataa na ndo so lo fa ndara ti lo daa. Ndani laa, lo leke na be ti lo ti soo azo so ama na be gi na lege ti tënë so e yeke fa si akpa buba tënë so.

1 Korente 1:23

Me ti e, e yeke fa tënë ti Christ so a fâ lo na ndö ti keke ti kroa. Na le ti azuife, tënë ni ayeke tongana mbeni ye so azo ayeke pika gere ti ala daa ti ti, na le ti agreke, tënë ni ayeke buba tënë.

1 Korente 1:25

Biani, ye ti Nzapa so azo abaa na le ti ala tongana ye ti buba, ye ni ayeke na ndara ahon ti azo. Ye ti Nzapa so azo abaa na le ti ala tongana ye so ayeke na ngangu pepe, ye ni ayeke na ngangu ahon ti azo.

1 Korente 10:12

Tongaso, zo so abaa atene, lo yeke luti na nduzu, lo sara hange si lo ti pepe.

1 Korente 2:14

Zo so ayeke na Yingo ti Nzapa pepe, lo yeke yeda na aye ti Yingo ti Nzapa pepe: aye ni ayeke aye ti buba na le ti lo, lo lingbi ti ma ya ni pepe, ngbanga ti so zo alingbi ti hinga nda ni gi na lege ti Yingo.

1 Korente 2:3

Ndani laa, so lani mbi yeke na popo ti ala, ngangu atia mbi, mbeto asara mbi si tere ti mbi ado mingi.

1 Korente 3:18

Ayeke nzoni mbeni zo ahanda tere ti lo wani pepe: tongana mbeni zo na popo ti ala abaa ti lo atene, ni yeke na ndara tongana ti azo ti dunia so, ayeke nzoni lo ga zo ti gbogbolinda, tongaso si lo ga taa zo ti ndara.

1 Korente 3:2

Ngu ti me laa mbi mu na ala ti nyon, mbi mu na ala kpengbango kobe pepe, ngbanga ti so ala lingbi ti te ni pepe. Ataa fadeso, ala lingbi nga ti te ni pepe,

1 Korente 4:8

Ka so ala wara aye so kue ala ye ni awe so! Ka so ala ga azo ti mosoro awe so! Ala ga agbia awe si e ngba ti e asenge zo so ma? Ti be ti mbi, mbi ye titene ala ga agbia biani si e na ala kue, e le-gbia!

2 Korente 10:10

Biani, ambeni zo atene: “Atënë ti ya ti ambeti ti Paul ane mingi si ayeke nga ngangu mingi; me tongana Paul ayeke na popo ti e, lo yeke na ngangu pepe si tënë ti yanga ti lo ayeke ye oko pepe.”

2 Korente 11:19

Ala azo ti Korente, ala yeke azo so li ti ala ayeke daa. Ataa so kue, ala yeda ti kanga be ti ala ti ma azo so mbeni ye asara li ti ala!

2 Korente 11:29

Tongana mbeni zo ayeke na ngangu pepe, mbi nga, mbi yeke na ngangu pepe. Tongana mbeni zo asara si mba ti lo ati na ya ti siokpari, tënë ni aso be ti mbi mingi.

2 Korente 13:9

Lakue, be ti e ayeke na ngia tongana e yeke na ngangu pepe si ala yeke ti ala na ngangu. Ye so e yeke sambela ndali ni ayeke titene ala ga nzoni kue.

2 Korente 4:12

Tongaso, kuâ ayeke sara kua na ya ti tere ti e, fini ayeke sara kua na ya ti tere ti ala.

2 Korente 6:8

Ambeni zo ayeke ne e si ambeni ayeke zia kamene na le ti e; ambeni zo ayeke tene nzoni tënë na iri ti e si ambeni ayeke tene sioni tënë na iri ti e. Azo abaa e tongana azo ti mvene, andaa e yeke tene taa-tënë,

1 Tesalonike 4:8

Ndani laa, zo so ake ti sara ye alingbi na atënë so, zo laa lo ke lo pepe, me lo ke Nzapa so ayeke mu Yingo-Vuru ti lo na ala.

1 Pierre 4:14

Ti ala nzoni, tongana azo ayeke zonga ala ndali ti iri ti Christ!Ti ala nzoni, ngbanga ti so Yingo ti gonda, so ti tene Yingo ti Nzapa, ayeke duti na ndö ti ala!