1 Korente 3:8 - Mbeti ti Nzapa - Tënë so amu fini

⁸ Zo so alu ye na zo so atuku ngu na ndö ni, ala kue ayeke gi legeoko. Fade Nzapa ayeke mu na zo oko oko futa ti lo alingbi na kua so lo sara.

1 Korente 3:8 ပူးပေါင်းရင်းမြစ်များ

Abia (Psaumes) 62:12

Fani mingi mbi ma Nzapa atene: “Ngangu ayeke ti mbi Nzapa.”

Amato 27:18

Zo so abata keke ti fige ti lo nzoni, fade lo yeke te ale ni. Zo ti kua so abata wa ti lo nzoni, fade azo ayeke ne zo ti kua ni.

Daniel 12:3

Azo so le ti ala ahan, fade ala yeke za tongana lumiere ti le ti nduzu. Azo so amu maboko na ambeni zo mingi ti ga azo ti mbirimbiri, fade ala yeke su lakue lakue tongana atongoro.

Matthieu 16:27

Biani, *Molenge ti Zo ayeke ga ande na *a-ange ti lo na ya ti gonda ti Babâ ti lo. Fade lo yeke futa zo oko oko alingbi na sarango ye ti lo.

Nzoni Tënë so Luc asu na mbeti 19:19

Gbia ni atene na lo: ‘Mo nga, ayeke nzoni mo sara komandema na ndö ti agbata oku.’

Rome 2:6

lo yeke futa zo oko oko alingbi na ye so zo ni asara.

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.

1 Korente 3:14

Zo so asara da si da ni angba, fade lo yeke wara futa ti kua ti lo.

1 Korente 3:7

Tongaso, zo so alu ye ayeke ye pepe, zo so atuku ngu na ndö ni ayeke nga ye pepe; me kota ye ni ayeke Nzapa so asara titene ye ni amai.

1 Korente 3:9

Biani, e na Nzapa laa e yeke sara kua oko, ala yeke tongana yaka ti Nzapa. Ala yeke nga tongana da ti Nzapa.

1 Korente 4:15

Biani, ataa azo saki baleoko laa afa lege na ala si ala ga oko na Christ, ala yeke na ababâ mingi pepe: mbi laa mbi du ala si ala ga oko na Christ na lege ti Nzoni Tënë so mbi fa na ala.

1 Korente 9:7

Zo wa laa ali na kua ti turugu awe si ayeke te ye na nginza ti bozo ti lo wani? Zo wa laa ayeke fâ yaka ti *vinye si lo yeke te ale ti vinye ni pepe? Zo wa laa ayeke bata abagara si lo yeke nyon ngu ti me ti abagara ni pepe?

Galasii 6:4

Ayeke nzoni zo oko oko agbu li ti lo na ndö ti sarango ye ti lo wani. Titene lo gonda tere ti lo ndali ti mbeni ye, ayeke nzoni lo wara ye ni na ya ti fini ti lo wani, me lo haka sarango ye ti lo na ti mbeni zo pepe.

Galasii 6:5

Biani, fade zo oko oko ayeke kiri tënë na ndö ti ye so lo wani, lo sara.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

1 Pierre 5:4

Tongana Makonzi ti azo ti batango azo ti Nzapa asi, fade ala yeke wara nzoni ye ti peko ni so ayeke na gonda si pendere ni ayeke hon oko pepe.

2 Jean 1:8

Ala sara hange! Tongaso, fade ye ti peko ti kua ti e agirisa na maboko ti ala pepe, me ala wara futa ti kua ti ala kue.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

Aye so Nzapa afa 22:12

Jésus atene: “Baa, mbi yeke ga fafadeso! Mbi yeke ga na futa ti mbi ti kangbi na zo oko oko alingbi na ye so lo sara.