1 Korente 3:3 - Mbeti ti Nzapa - Tënë so amu fini

³ ngbanga ti so ala ngba lakue ti sara ye gi tongana ti azo ti dunia so. So tënë ti kota be na papa angba na popo ti ala so, so afa atene, ala yeke sara ye gi na lege ti azo ti dunia so pepe? Ala yeke sara ye gi tongana ti azo kue pepe?

1 Korente 3:3 ပူးပေါင်းရင်းမြစ်များ

Osée 6:7

“Me ti ala, na ya ti gbata ti Adam, ala buba ya ti *mbuki ni awe. Kâ si ala ka mbi.

Rome 13:13

Alingbi fini ti e aduti na legeni mbirimbiri tongana ti azo so ayeke sara ye na kota lâ. E te kobe wala e nyon samba ahon ndoni pepe, e sara aye ti kirikiri wala aye ti ndumba pepe, e papa wala e sara kota be pepe.

1 Korente 1:10

A-ita, mbi hunda na ala mingi na iri ti *Kota Gbia ti e Jésus Christ titene ala kue ama tere si kangbi aduti na popo ti ala pepe; ala duti gi tongana zo oko, tënë ti be ti ala nga na bango ndo ti ala ague gi oko.

1 Korente 1:11

Biani, a-ita ti mbi, azo ti Kloe atene na mbi atene, papa ayeke na popo ti ala.

1 Korente 11:18

Kozo ye so mbi ye ti tene na ala ayeke so: azo atene na mbi atene, tongana ala yeke bongbi tere ti ala, akangbi ayeke na popo ti ala. Mbi hinga so ayeke mvene kue pepe.

1 Korente 3:4

So mbeni zo na popo ti ala atene: “Mbi yeke ti mbi zo ti Paul” si mbeni atene: “Mbi yeke ti mbi zo ti Apolos”, so sarango ye tongana ti azo kue laa pepe?

2 Korente 12:20

Mbeto asara mbi titene tongana mbi si na ala kâ, mbi baa dutingo ti ala ayeke nde na ti so be ti mbi aye si ala nga, ala baa dutingo ti mbi ayeke nde na ti so be ti ala aye. Mbeto asara mbi titene aye tongaso aduti na popo ti ala: papa, kota be, ngonzo, kangbingo tere, zongango zo na asioni tënë, fonongo na iri ti zo, baba, sarango aye ti wusuwusu.

Galasii 5:15

Me tongana ala yeke sara ye tongana ti anyama, ala yeke suru tere ti ala si ala yeke te tere na popo ti ala, ala sara hange: tongaso pepe, ala yeke fâ tere ti ala kue!

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

Jacques 3:16

Biani, ndo so kota be ayeke daa si gbugburungo kota ndo ayeke daa, wusuwusu na mara ti asioni nde nde ayeke daa.

1 Pierre 4:2

Tongaso, ngoi so angba na ala ti duti na fini na sese so, ala sara ye na lege ti nzara ti be ti ala pepe, me na lege so be ti Nzapa aye.