1 Korente 3:23 - Mbeti ti Nzapa - Tënë so amu fini

²³ me ala, ala yeke ti Christ si Christ ayeke ti Nzapa.

1 Korente 3:23 ပူးပေါင်းရင်းမြစ်များ

Matthieu 17:5

So lo ngba ti tene tënë ni, mbeni mbinda so aza zango aga amu ndö ti ala kue. Mbeni go alondo na ya ti mbinda ni, atene: “So ayeke Molenge ti mbi so mbi ye lo mingi, be ti mbi anzere na lo mingi. Ala ma yanga ti lo!”

Jean 17:18

Mbi tokua ala na ndö ti dunia, tongana ti so mo tokua mbi na ndö ti dunia.

Jean 17:21

Mbi sambela titene ala kue aga gi oko! Babâ, ayeke nzoni ala ga oko na e, tongana ti so mbi na mo, e yeke oko. Ayeke nzoni ala ga oko si fade azo ti dunia ahinga atene, mo laa mo tokua mbi.

Rome 14:8

Tongana e ngba na fini, e ngba ndali ti Kota Gbia; tongana e kui, e kui nga ndali ti Kota Gbia. Tongaso, ataa e ngba na fini wala e kui, e yeke azo ti Kota Gbia.

1 Korente 11:3

Me mbi ye ala hinga so Christ ayeke makonzi ti koli kue; koli ayeke makonzi ti wali si Nzapa ayeke makonzi ti Christ.

1 Korente 15:23

Me fade zo oko oko ayeke zingo na kuâ tongana ngoi ti lo alingbi: kozo zo so azingo na kuâ ayeke Christ; na pekoni, fade azo ti Christ laa ayeke zingo na kuâ na lango ti gango ti lo.

1 Korente 15:28

Tongana ye kue aga na gbe ti Christ awe, fade Molenge ni ayeke duti na gbe ti Nzapa so asara titene ye kue aga na gbe ti lo so. Tongaso laa Nzapa ayeke le-gbia biani na ndö ti ye kue.

1 Korente 7:22

Biani, zo so ayeke ngbaa si Kota Gbia airi lo, andaa Kota Gbia azi lo na gbe ti ngbaa ni awe. Zo so ayeke ngbaa pepe si Kota Gbia airi lo, lo ga ngbaa ti Christ awe.

1 Korente 8:6

Ti e, Nzapa ayeke gi oko, lo yeke Babâ so ye kue alondo na lo si e yeke na fini ndali ti lo. E yeke nga gi na *Kota Gbia oko, Jésus Christ so na lege ti lo, ye kue abaa gigi si e yeke na fini na lege ti lo.

2 Korente 10:7

Ala yeke baa aye na le ti ala gi tongana ti so zo ayeke baa na ye. Tongana mbeni zo abaa atene, ni yeke zo ti Christ, ayeke nzoni lo hinga tënë so laso biani: tongana lo yeke zo ti Christ, e nga, e yeke azo ti Christ.

Galasii 3:29

Tongana ala yeke azo ti Christ, andaa ala yeke *ahale ti Abraham, ala yeke wara ande ye so Nzapa amu zendo ni.

Galasii 5:24

Azo ti Christ akanga na ndö ti keke ti kroa awe asioni nzara ti be ti ala so ayeke pusu ala ti sara aye kirikiri.

Efeze 1:10

Lo leke na be ti lo titene, tongana lango ni alingbi awe, lo yeke bongbi ye kue ti yayu na ti sese na gbe ti makonzi oko so ayeke Christ.