1 Korente 3:17 - Mbeti ti Nzapa - Tënë so amu fini

¹⁷ Tongana mbeni zo abuba da ti Nzapa, fade Nzapa ayeke buba lo. Biani, da ti Nzapa ayeke nde si ayeke nzoni kue, ala laa ayeke da ti Nzapa ni.

1 Korente 3:17 ပူးပေါင်းရင်းမြစ်များ

Tongo nda ti aye 28:17

Mbeto agbu lo si lo tene: “Ndo so ayeke ndo ti ziango mbeto mingi na be ti zo! Mbeni ndo nde laa pepe, da ti Nzapa laa; yanga ti yayu laa!”

1 Mbai 29:3

Âdu ti anzoni ye ti mbi wani so ayeke na lôro na wen ti nginza, mbi mu ni ndali ti kota da ti Nzapa ti mbi. Mbi zia aye ni so na ndö ti aye so mbi leke awe ndali ti kota da ti Nzapa so mbi ye ni mingi.

Abia (Psaumes) 74:3

Ga mo baa ndo so abuba biani biani awe so: na ndo ti mo so ayeke nde si ayeke nzoni kue so, wato abuba ye kue awe.

Abia (Psaumes) 79:1

Bia ti Asaf. O Nzapa, amara nde amu sese ti mo awe, ala sara si kota da ti mo aga *sioni, kota da ti mo so ayeke nde si ayeke nzoni kue so, ala buba gbata ti Jérusalem kue awe.

Abia (Psaumes) 93:5

Ambela ti mo ayeke taa-tënë biani. KOTA GBIA, ayeke nzoni kota da ti mo aduti da so ayeke nde si ayeke nzoni kue kpu na kpu!

Abia (Psaumes) 99:9

Ala mu iri ti KOTA GBIA Nzapa ti e na nduzu, ala kuku akpo li ti ala na sese na dawa ti hoto ti lo so ayeke nde si ayeke nzoni kue. – Biani, KOTA GBIA Nzapa ti e ayeke nde si ayeke nzoni kue!

Sigingo 3:5

KOTA GBIA atene: “Ga nduru na kete keke ni pepe! Zi poro na gere ti mo, ngbanga ti so ndo so mo yeke luti daa so ayeke nde si ayeke nzoni kue.

Ésaïe 64:11

KOTA GBIA, na dawa ti aye so kue so, fade mo yeke ngba ti kanga be ti mo daa? Mo yeke duti kpoo, mo zia kamene na le ti e ngbii ahon ndoni?

Ezekiel 43:12

So ndia ti kota da ni laa: sese so kue ayeke na tere ti da ni, na ndö ti hoto, ayeke nde si ayeke nzoni kue ahon atanga ni. Baa, so ndia ti kota da ni laa.”

Ezekiel 5:11

“Fini ti mbi, Nzapa! So tënë ti yanga ti mbi, Kota Gbia NZAPA laa: Ndo so a zia ni nde ndali ti mbi, ala sara si aga *sioni na lege ti asioni sarango ye ti ala nga na lege ti afungo yanda ti ala. Mbi nga, mbi yeke gboto tere ti mbi, mbi yeke baa mawa ti ala oko pepe, mbi yeke zia zo oko pepe.

Ezekiel 7:22

Mbi yeke bi le ti mbi yongoro tongana awande aga ti sara si mosoro ti mbi aga sioni: asioni zo ayeke li kâ si ala yeke sara titene mosoro ni aga sioni.

Awayango-sandaga 15:31

“Moïse, mo na Aaron, fade ala yeke tene na azo ti Israel: na ndembe so ala ga *sioni awe, ayeke nzoni ala duti yamba na tere ti ndo so ayeke nde si ayeke nzoni kue. Tongaso si ala kui pepe ndali ti so ala sara si da ti mbi aga *sioni; so ti tene da ti mbi so ayeke na popo ti ala so.”

Awayango-sandaga 20:3

Ti mbi, fade mbi yeke ga na tere ti zo ni so. Mbi yeke tumba lo na popo ti azo ti Israel, ngbanga ti so lo mu mbeni molenge ti lo oko na sandaga na Molek. Sarango mara ti ye tongaso asara si ndo so a zia nde ndali ti mbi aga *sioni si iri ti mbi so ayeke nde si ayeke nzoni kue aga nga sioni.

Sofonii 3:4

Awayanga-Nzapa ti lo ayeke azo ti kirikiri, azo ti handango zo; awayango-sandaga ti lo asara si ye so a zia nde ndali Nzapa aga *sioni; ala do ndia na sese.

Wungo ti azo 19:20

“Me tongana mbeni zo aga *sioni si lo *sukula sioni ti lo pepe, alingbi a zi lo na ya ti bongbi ti azo ti Israel. Biani, lo sara si da so a zia nde ndali ti KOTA GBIA aga *sioni awe. Zo ni ayeke ngba *sioni ndali ti so ade ti fi ngu ti sukulango sioni ti lo pepe titene lo ga *nzoni.

1 Korente 3:16

Ala hinga pepe atene, ala yeke da ti Nzapa si Yingo ti Nzapa aduti na be ti ala?

1 Korente 3:18

Ayeke nzoni mbeni zo ahanda tere ti lo wani pepe: tongana mbeni zo na popo ti ala abaa ti lo atene, ni yeke na ndara tongana ti azo ti dunia so, ayeke nzoni lo ga zo ti gbogbolinda, tongaso si lo ga taa zo ti ndara.