1 Korente 3:13 - Mbeti ti Nzapa - Tënë so amu fini

¹³ Fade a yeke fa kua ti zo oko oko na le ti azo kue na lango ti fango ngbanga. Na lango ni so, fade wâ ayeke tara kua ti zo oko oko ti fa wala kua ni ayeke nzoni wala sioni.

1 Korente 3:13 ပူးပေါင်းရင်းမြစ်များ

Ésaïe 28:17

Mbi yeke mu sarango ye na legeni tongana kamba ti hakango na ye, ye ti mbirimbiri tongana kamba ti amason.” Me fade *pembe ti bekpa ayeke zi ndo ti batango tere ti ala ti mvene ti hon na ni, ngu ayeke suku ti mu ndo ti hondengo tere ti ala.

Ésaïe 8:20

fade ala yeke kiri tënë na ala, atene: “E yeke kiri gi na ndö ti wango ti KOTA GBIA na tënë so lo tene.” Zo so atene tënë tongaso pepe, fade lo yeke baa lumiere ti ndaperere pepe.

Jérémie 23:28

Tongana mbeni wayanga-Nzapa abaa li ti lo, lo tene peko ni na azo ma! Me tongana lo wara mbeni tënë so alondo na yanga ti mbi, ayeke nzoni lo tene ni kue na legeni! Aporo ti le ti kobe na ale ti kobe alingbi tere? So tënë ti yanga ti KOTA GBIA laa.

Jérémie 23:29

Tënë ti mbi ayeke tongana wâ; so tënë ti yanga ti KOTA GBIA laa; tënë ni ayeke tongana ngangu martoo so ayeke suru ya ti kota têne!”

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

Malashii 3:17

Na pekoni, tënë so KOTA GBIA so ayeke na ndö ti dunia kue atene laa: “Na lango so mbi yeke fa ngangu ti mbi, azo ni ayeke ga azo ti mbi, ala yeke ga ye ti mbi wani. Fade mbi yeke sara nzoni be na ala tongana ti so babâ ayeke sara nzoni be na molenge ti lo ti koli so ayeke sara kua na lo.

Malashii 3:2

Zo wa laa alingbi ande ti kanga be ti lo na lango ti gango ti lo, zo wa? Zo wa laa alingbi ti ngba na nduzu na ndembe ti singo ti lo, zo wa? Biani, lo yeke tongana wâ ti matawa wala tongana mokpakpa ti zo ti sukulango bongo.

Matthieu 10:15

Mbi tene na ala taa-tënë: na lango ti fango ngbanga, fade ngbanga so a yeke fâ na li ti azo ti gbata so ayeke ngangu mingi ahon ti azo ti akodro ti Sodome na Gomore.”

Matthieu 16:27

Biani, *Molenge ti Zo ayeke ga ande na *a-ange ti lo na ya ti gonda ti Babâ ti lo. Fade lo yeke futa zo oko oko alingbi na sarango ye ti lo.

Nzoni Tënë so Luc asu na mbeti 2:35

tongaso si atënë ti be ti azo mingi ayeke sigigi polele. Ti mo mama ni, fade vundu ayeke so be ti mo tongana ka ti likongo.”

Rome 2:16

Ye so ayeke sigigi polele na lango ti fango ngbanga laa. Tongana ti so Nzoni Tënë so mbi yeke fa atene tënë ni, na lango ni so, fade Nzapa ayeke fâ ngbanga ti ye so kue azo ayeke sara na hondengo ni, na lege ti Jésus Christ.

Rome 2:5

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri,

1 Korente 1:8

Lo laa lo yeke sara titene ala kpengba ngbii asi na ndani si na lango ti gango ti Jésus Christ, Kota Gbia ti e, ala duti azo so tënë ayeke na li ti ala pepe.

1 Korente 3:12

Na ndö ti gere ti da ni, ambeni zo asara da na lôro, wala na wen ti nginza wala na atêne ti ngangu ngere, ambeni asara ti ala da ni na keke wala na amara ti holengo pere nde nde.

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

2 Timothée 1:12

Ndani laa, mbi yeke baa pasi so, me kamene ayeke sara mbi pepe, ngbanga ti so mbi hinga zo so mbi zia be ti mbi na ndö ti lo. Mbi hinga nga so, zo ni ayeke na ngangu ti bata ye so lo zia na maboko ti mbi so ngbii asi na lango ti ndani.

2 Timothée 1:18

Ayeke nzoni Kota Gbia asara nzoni be na lo na lango ti ndani. Anzoni ye so lo sara na mbi na gbata ti Efeze, mo hinga tënë ni ahon tanga ti azo kue.

2 Timothée 3:9

Me fade ala yeke gue yongoro pepe, ngbanga ti so azo kue ayeke hinga buba ti ala tongana ti so azo ahinga ando buba ti Yanes na Yambres so.

2 Timothée 4:8

Ti fadeso, Nzapa abata na mbi nzoni ye so a yeke mu na zo so aso benda. Lo leke nzoni ye ni ndali ti azo ti mbirimbiri, fade *Kota Gbia so ayeke wafango-ngbanga ti mbirimbiri ayeke mu ni na mbi na lango ti ndani; lo yeke mu nzoni ye ni gi na mbi oko pepe, me lo yeke mu ni nga na azo so kue aye tënë ti gango ti lo.

Ahebro 10:25

E do abongbi ti e, e zia pepe tongana ti so ambeni zo asara; me e mu wango na popo ti e ahon ti kozoni, ngbanga ti so ala baa so, lango ti Christ aga nduru awe.

1 Pierre 1:7

Pasi ni asi na ala ti tara mabe ti ala. Lôro ayeke ye so ayeke buba bubango, me azo ayeke tara ni na wâ. Mabe ayeke kota ye ahon lôro. Ndani laa a yeke tara ni ti baa wala akpengba, tongaso si fade Nzapa ayeke tene nzoni tënë ti ala, lo yeke gonda ala si lo yeke ne ala na ndembe so Jésus Christ ayeke si.

1 Pierre 4:12

A-ita ti mbi so mbi ye ala mingi, li ti ala akpe pepe na wâ ti pasi so ala yeke na ya ni so! Ala baa ni tongana mbeni fini ye pepe.

2 Pierre 3:10

Lango ti gango ti Kota Gbia ayeke duti tongana gango ti zo ti nzi. Na lango ni so, nduzu ayeke hon si toto ni ayeke duti ngangu mingi; wâ ayeke gbi aye so ayeke na le ti nduzu, sese na aye so kue ayeke na ndö ni ayeke ngba pepe.

2 Pierre 3:7

Me gi na lege ti oko tënë ti yanga ti Nzapa laa, lo yeke bata yayu na sese so e yeke baa fadeso ti gbi ni na wâ. Lo yeke bata ni ti ku lango ti fango ngbanga na li ti azo ti sioni, lango so ala yeke kui biani biani.

Aye so Nzapa afa 20:12

Na pekoni, mbi baa akuâ, akete ni na akota ni, ala yeke luti na dawa ti mbata ti gbia ni. A zi abuku si a zi mbeni buku nde: mbeti so a su iri ti azo so ayeke na taa fini daa. A fâ ngbanga na li ti akuâ alingbi na ye so ala sara tongana ti so a su tënë ni na ya ti abuku ni so.