1 Korente 3:10 - Mbeti ti Nzapa - Tënë so amu fini

¹⁰ Na lege ti nzoni be so Nzapa asara na mbi, mbi sara kua tongana nzoni wakode ti sarango da; mbi leke gere ti da ni si mbeni zo nde asara da na ndö ni. Me ayeke nzoni zo oko oko asara hange na lege so lo yeke sara da na ndö ti gere ti da ni.

1 Korente 3:10 ပူးပေါင်းရင်းမြစ်များ

2 Mbai 2:12

Fadeso, mbi yeke tokua na mo Huram-Abi, mbeni zo so ahinga kua ti lo nzoni mingi si lo hinga nga ndo nzoni.

Sigingo 36:4

Tongaso azo ti ndara so kue ayeda ti sara kua ti da ni azia kua ti ala oko oko kue si ala gue

Amato 12:8

Azo ayeke gonda zo ndali ti hingango ndo ti lo; me zo so be ti lo asi singo na aye ti kirikiri, azo ayeke baa lo tongana mbumbuse zo.

Amato 9:1

Ndara aleke *angbongboro yongoro gere ti da mbarambara; lo sara da ti lo awe.

Zo ti bongbingo azo 12:9

Ye so zo ti bongbingo azo asara ayeke so: lo kiri lo fa hingango ye na azo. Lo ma *amato mingi, lo gi nda ni si lo leke ni na legeni.

Daniel 12:3

Azo so le ti ala ahan, fade ala yeke za tongana lumiere ti le ti nduzu. Azo so amu maboko na ambeni zo mingi ti ga azo ti mbirimbiri, fade ala yeke su lakue lakue tongana atongoro.

Zakarii 4:9

“Zorobabel laa alu agere ti kota da ni, lo laa lo yeke hunzi kua ti da ni.” Tongana ye ni asi, fade ala yeke hinga atene, KOTA GBIA so ayeke na ndö ti dunia kue laa atokua mbi na ala.

Matthieu 24:45

“Zo ti kua so ayeke sara ye na legeni si lo yeke nga zo ti hingango ndo ayeke zo wa? Lo yeke zo so makonzi ti lo azia lo na ndö ti amba ti lo titene lo mu na ala kobe tongana ngbonga ni alingbi.

Matthieu 7:24

“Tongaso, zo so kue ama atënë so mbi tene si asara ye alingbi na ni, lo yeke tongana koli so ayeke na ndara si asara da ti lo na ndö ti kota têne.

Nzoni Tënë so Luc asu na mbeti 11:35

Mo sara hange si vurungo ndo so ayeke na ya ti mo akiri avuko pepe!

Nzoni Tënë so Luc asu na mbeti 21:8

Jésus akiri tënë, atene: “Ala sara hange si mbeni zo ahanda ala pepe! Biani, fade azo mingi ayeke ga na iri ti mbi si zo oko oko ayeke tene: ‘Mbi laa mbi yeke *Mesii!’ Azo ni ayeke tene nga, atene: ‘Ngoi ni alingbi awe!’ Ala azo ti mbi, ala mu peko ti azo ni so pepe!

Awatokua 18:27

Lo leke be ti lo ti gue na Akayi, nilaa a-ita, azo ti Christ ti Efeze ayeda si ala sara mbeti na adisiple titene ala yamba lo nzoni. So lo si kâ, na lege ti nzoni be ti Nzapa, lo mu maboko mingi na azo so ama na be.

Rome 1:5

Na lege ti lo, Nzapa asara nzoni be na mbi si mbi ga watokua ndali ti iri ti Christ, ti sara si azo ti dunia kue ama na be na Jésus Christ si ala sara ye alingbi na tënë ti lo.

Rome 12:3

Nzapa asara nzoni be na mbi. Ndani laa mbi tene na ala oko oko kue, mbi tene: ala baa tere ti ala wani tongana akota zo pepe; me ala baa tere ti ala tongana asenge zo, alingbi na mabe so Nzapa amu na zo oko oko.

Rome 15:15

Me na ya ti mbeti so mbi su si mbi tokua na ala, ambeni tënë ayeke daa so mbi tene na ala na kamene pepe; mbi tene tënë ni na ala ti dabe ti ala na aye so a fa na ala awe. Mbi sara tongaso ndali ti so Nzapa asara nzoni be na mbi

Rome 15:20

Tënë so agbu be ti mbi si mbi ye mingi ti sara ni ayeke ti fa Nzoni Tënë ni gi na ndo so ambeni zo ade ti di iri ti Christ daa pepe. Mbi sara tongaso si mbi sara da pepe na ndö ti gere ti da so mbeni zo aleke kozoni awe.

1 Korente 3:11

Mbeni zo alingbi ti leke mbeni gere ti da nde pepe, gi gere ti da so a leke ni kozo awe, so ayeke Jésus Christ.

1 Korente 9:2

Tongana ambeni zo abaa mbi tongana watokua pepe, ti ala, azo ti *Eglize ti Korente, mbi yeke watokua biani! Biani, ala laa afa atene, mbi yeke watokua na lege so ala ga oko na Kota Gbia awe.

2 Korente 10:15

Kua so ambeni zo nde asara, e yeke gonda tere ti e ahon ndoni ndali ni pepe. Me ye so e zia be ti e daa ti ku ayeke so: tongana mabe ti ala akono, e yeke sara ande kota kua mingi na popo ti ala; me e yeke sara kua ni angba gi na ndo so Nzapa afa na e.

Efeze 2:20

Ala yeke da so Nzapa asara; gere ti da ni ayeke *awatokua na awayanga-Nzapa si Jésus Christ wani ayeke ngangu têne ti gere ti da ni.

Kolose 1:29

Ndali ni, mbi yeke sara kua si mbi yeke tiri ti hunzi kua ni na ngangu so Christ amu na mbi, ngangu so asara si mbi kpengba na ya ti kua ni.

Kolose 4:17

Ti hunzi na tënë ti mbi, ala tene na Arshipe: “Sara hange na kua so Kota Gbia amu na mo! Mo sara ni nzoni.”

1 Tesalonike 3:2

Nilaa e tokua ita ti e Timothée na ala; lo na Nzapa laa ayeke sara kua ti fa Nzoni Tënë ti Christ. E tokua lo na ala ti sara si ala kpengba, ti mu wango na ala si ala gbu ngangu na lege ti mabe ti ala.

1 Timothée 4:16

Mo baa lege ti dutingo ti mo wani nzoni, mo baa nga lege ti fango ye ti mo nzoni; mo ngba daa lakue. Biani, tongana mo sara tongaso, fade mo yeke soo tere ti mo wani na kuâ si mo yeke soo nga azo so kue ayeke ma mo.

2 Timothée 2:15

Mo gi lege ngangu ti duti zo so Nzapa alingbi ti gonda lo, zo so asara kua ti lo nzoni si kamene asara lo na pekoni pepe, zo so ayeke fa taa-tënë na azo na legeni.

Jacques 3:1

A-ita ti mbi, alingbi azo mingi na popo ti ala aga awafango-ye pepe! Ala hinga atene, e so e yeke awafango-ye, fade Nzapa ayeke fâ ngbanga na li ti e ngangu ahon ti tanga ti azo kue.

1 Pierre 4:11

Tongana mbeni zo ayeke fa tënë, alingbi lo fa gi tënë ti Nzapa. Tongana mbeni zo ayeke sara kua ndali ti amba ti lo, alingbi lo sara ni na ngangu so Nzapa amu na lo, tongaso si na ya ti aye kue, azo agonda Nzapa na lege ti Jésus Christ. Gonda na ngangu ayeke ti Nzapa, kpu na kpu! Amen.

2 Pierre 3:15

Ala hinga atene, tongana Kota Gbia angba ti kanga be ti lo ti ku ngbii, andaa lo yeke zia na ala ngoi titene ala soo kuâ. Ita ti e Paul so e ye lo mingi, asu nga na ala tënë so na mbeti na lege ti ndara so Nzapa amu na lo.

Aye so Nzapa afa 21:14

A leke agere ti gbagba ni na ndö ti têne baleoko na use; a su iri ti *awatokua baleoko na use ti Molenge ti Taba na ndö ti atêne ni oko oko.

Aye so Nzapa afa 21:19

A leke tere ti atêne ti gere ti gbagba ni na amara ti têne nde nde ti ngangu ngere: a leke kozo gere ni na zaspe, use gere ni na safir, ota gere ni na agate, osio gere ni na emerode,