1 Korente 2:9 - Mbeti ti Nzapa - Tënë so amu fini

⁹ Me, tongana ti so Mbeti ti Nzapa atene: “Ye so le ti zo abaa pepe, ye so mê ti zo ama pepe, ye so tënë ni aga na li ti zo pepe, Nzapa aleke ni ndali ti azo so aye lo.”

1 Korente 2:9 ပူးပေါင်းရင်းမြစ်များ

Abia (Psaumes) 31:19

Ayeke nzoni ala ga abuburu, azo ti tenengo mvene so. Ala yeke tene atënë ti baba, ala yeke zonga zo ti mbirimbiri si ala yeke baa lo tongana mbumbuse zo.

Ésaïe 64:4

Azo so ayeke sara ye ti mbirimbiri na ngia, ala so ayeke dabe ti ala na mo si ala yeke tambula na lege ti mo, mo yeke ga ti tengbi ala. Me so mo sara ngonzo mingi so, nda ni ayeke so e sara siokpari. Andaa, gi na ndö ti alege ti giriri so laa e yeke soo ande kuâ.

Ésaïe 65:17

Biani, mbi yeke sara fini yayu na fini sese. Aye so ahon awe so, zo ayeke kiri ti dabe ti lo na ni pepe, be ti zo ayeke kiri ti ti na ndö ni pepe.

Matthieu 20:23

Jésus atene na ala: “Biani, fade ala yeke nyon kopo ti mbi ni; me tënë ti dutingo na mbage ti maboko ti mbi ti koli na ti wali, mbi laa mbi yeke mu ni na azo pepe. Ndo ni ayeke ti azo so Babâ ti mbi aleke ni ndali ti ala.”

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Jean 3:16

Biani, Nzapa aye azo ti dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue.

Rome 8:28

E hinga so, ye kue abongbi ti sara nzoni na azo so aye Nzapa, azo so lo iri ala na lege so be ti lo aye.

Ahebro 11:16

Me kodro so nzara ni ayeke sara ala so ayeke kodro so ayeke nzoni ahon atanga ni kue, so ti tene kodro ti yayu. Ndani laa kamene asara Nzapa pepe titene ala iri lo Nzapa ti ala. Biani, lo leke mbeni gbata ndali ti ala.

Jacques 1:12

Ti lo nzoni, zo so akanga be ti lo ngangu na ya ti aye ti tarango be, ngbanga ti so tongana lo hon na ya ni awe, fade lo yeke wara futa; futa ni ayeke fini so Nzapa amu ando zendo ni na azo so aye lo.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

1 Pierre 1:12

Nzapa afa na ala atene, tënë ni ayeke ndali ti ala wani pepe, me ayeke ndali ti ala, a-ita. Tënë ni laa azo ti fango Nzoni Tënë ayeke fa ni na ala, na lege ti Yingo-Vuru so alondo na yayu si aga. Tënë ni, *a-ange wani ayeke na nzara ti hinga ni.

1 Jean 4:19

Ti e, e yeke na ndoye, ngbanga ti so Nzapa aye e kozoni.