1 Korente 2:4 - Mbeti ti Nzapa - Tënë so amu fini

⁴ Tënë ti mbi na fango ye ti mbi ayeke pepe tongana ti azo so ayeke mu atënë ti ndara ti zo ti woko na be ti amba ti ala, me atënë ti mbi ayeke ngangu ti Yingo ti Nzapa so ayeke woko be ti zo.

1 Korente 2:4 ပူးပေါင်းရင်းမြစ်များ

Amato 20:19

Zo so afono na iri ti amba ti lo, lo yeke fa nga na gigi atënë so ahonde; mo kpe lege ti azo so ayeke diko atënë gbani gbani.

Amato 7:21

Na lege ti atënë ti handa ti lo, lo sara si maseka-koli ni ayeda na lo. Ndali ti anzerengo tënë ti yanga ti lo, lo sara si maseka-koli ni ague na peko ti lo.

Jérémie 20:10

Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Ezekiel 13:6

Aye so ala baa na ya ti mbeni ye tongana bango-li ayeke mvene si bango nda ti aye ti ala ayeke ti handa na azo. Ala yeke tene: ‘So tënë ti yanga ti KOTA GBIA laa’, andaa mbi KOTA GBIA laa, mbi tokua ala pepe. Me ala yeke ku titene mbi sara si tënë ti ala aga taa-tënë!

Awatokua 20:27

Biani, aye so kue Nzapa aleke na be ti lo so, mbi fa na ala awe, mbi honde ye oko pepe.

Awatokua 26:28

Agripa atene na lo: “Mo baa ti mo, mo tene, mbi yeke ga zo ti Christ gi hio tongaso?”

Rome 15:13

Nzapa so ayeke mu na zo lege ti zia be ti lo ti ku ye so lo tene tënë ni, ayeke nzoni lo sara si be ti ala asi na ngia nga na siriri ndali ti mabe so ala yeke na ni. Tongaso, na lege ti ngangu ti Yingo-Vuru, ala ngba ti zia be ti ala ti ku lo lakue.

Rome 15:19

na lege ti aye ti kpene nga na lege ti aye ti dongo be so Yingo-Vuru asara. Tongaso, ti londo na Jérusalem ngbii asi na sese ti Ilirii, mbi tambula ti fa Nzoni Tënë kue ti Christ na azo.

Rome 16:18

ngbanga ti so azo ni ayeke sara kua ti Christ, *Kota Gbia ti e pepe, me ala yeke gi gi kobe ti ya ti ala. Anzoni tënë na anzerengo tënë ayeke sigigi na yanga ti ala ti handa na azo so le ti ala azi pepe.

1 Korente 1:17

Christ atokua mbi ti batize azo pepe, me ti fa Nzoni Tënë ti lo na azo. Mbi fa Nzoni Tënë na lege ti ndara ti azo pepe, tongaso si kuâ ti Christ na ndö ti keke ti kroa aga ye senge pepe.

1 Korente 2:1

A-ita, na ndembe so mbi gue lani na ndo ti ala kâ, mbi sigigi na ala nda ti taa-tënë ti Nzapa so angba na hondengo ni; mbi tene tënë na ala na lege ti angbongboro tënë wala atënë ti ndara pepe.

1 Korente 2:13

Tongaso e yeke mu atënë ti ndara ti azo ti tene na tënë ni pepe, me e yeke tene tënë ni na lege ti atënë so Yingo ti Nzapa ayeke fa na e. Nilaa e yeke fa nda ti atënë ti Yingo ti Nzapa na azo so ayeke na Yingo so.

1 Korente 4:20

Biani, *Kodro-gbia ti Nzapa ayeke dikongo gba ti atënë pepe, me ayeke ngangu ti sarango na ye.

2 Korente 6:6

E fa nga so e yeke azo ti kua ti Nzapa na lege ti dutingo ti e na vuru be, na lege ti hingango ndo ti e, na lege ti kangango be ti e, na lege ti nzoni be ti e, na lege ti Yingo-Vuru, na lege ti taa yengo tere na popo ti e,

Galasii 1:10

Mbi yeke gi lege fadeso titene azo agonda mbi? Oko pepe, mbi ye titene Nzapa laa agonda mbi. Mbi yeke gi ti ga nzoni na le ti azo? Tongana mbi yeke gi fade titene azo agonda mbi, andaa mbi yeke zo ti kua ti Christ pepe.

Kolose 2:4

Mbi yeke tene tënë so na ala titene zo oko ahanda ala na anzerengo tënë pepe.

1 Tesalonike 1:5

Biani, ala hinga atene, Nzoni Tënë so e fa na ala, e fa ni gi na yanga pepe, me e fa ni na ngangu nga na lege ti kua ti Yingo-Vuru. E hinga biani na be ti e, e tene, Nzoni Tënë so e fa ayeke taa-tënë. Ala kue ahinga lege ti dutingo ti e na popo ti ala, e sara ye so kue ndali ti nzoni ti ala.

1 Pierre 1:12

Nzapa afa na ala atene, tënë ni ayeke ndali ti ala wani pepe, me ayeke ndali ti ala, a-ita. Tënë ni laa azo ti fango Nzoni Tënë ayeke fa ni na ala, na lege ti Yingo-Vuru so alondo na yayu si aga. Tënë ni, *a-ange wani ayeke na nzara ti hinga ni.

2 Pierre 1:16

Biani, na lege ti ambeni tënë ti ya ti li ti azo wani, atënë so ala sigigi na ni na lege ti kode laa e fa tënë ti ngangu ti *Kota Gbia ti e Jésus Christ na tënë ti gango ti lo pepe. Me e baa kota gonda ti lo kue na le ti e wani.

2 Pierre 2:18

Ala yeke diko gba ti tënë, me ayeke gi asenge senge tënë, ala yeke handa azo so asigigi gi fafadeso na popo ti azo so agirisa lege awe. Awafango-ye ti mvene ayeke mu asioni nzara ti sarango ye ti kamene so ayeke na be ti ala ti gbu azo ni na ya ti gbanda ti ala.

Awafango-ngbanga 14:15

Na lango mbarambara ni, ala tene na wali ti Samson: “Mo handa koli ti mo titene lo sigigi na e nda ti toli ni! Tongaso pepe, fade e yeke gbi mo na da ti babâ ti mo kue. Ala tisa e na matanga ni titene ala nzi aye ti e kue?”

Awafango-ngbanga 16:5

Agbia oku ti azo ti Filistii aga si ala tene na Dalila: “Mo handa Samson titene lo fa na mo ndo so kota ngangu ti lo alondo daa, tongaso si e lingbi ti gbu lo, e kanga lo si e hon ndö ti lo. Fade e oko oko kue, e yeke mu na mo ale ti nginza saki oko na ngbangbo oko.”