1 Korente 2:12 - Mbeti ti Nzapa - Tënë so amu fini

¹² Ti e, Yingo so e wara ayeke yingo ti dunia so pepe, me ayeke Yingo so alondo na Nzapa titene e hinga anzoni ye so Nzapa ayeke mu na azo na lege ti nzoni be ti lo.

1 Korente 2:12 ပူးပေါင်းရင်းမြစ်များ

Rome 8:1

Fadeso, azo so aga oko na Jésus Christ awe, ngbanga ayeke na li ti ala mbeni pepe.

Rome 8:32

Nzapa agbanzi Molenge ti lo na e pepe, me lo ka lo ndali ti e kue; fade lo yeke ke ti mu na e aye kue tongana nyen?

1 Korente 1:27

Me Nzapa asoro ye so azo ti dunia so abaa na le ti ala tongana ye ti buba ti zia kamene na le ti azo ti ndara; lo soro ye so azo ti dunia so abaa na le ti ala tongana ye so ayeke na ngangu pepe ti zia kamene na le ti azo ti ngangu.

1 Korente 2:6

Andaa, tënë ti mbi ayeke tënë ti ndara so mbi yeke fa ni na azo ti Christ so aga kangba na lege ti mabe awe. Ndara ni ayeke ndara ti azo ti dunia so pepe wala ndara ti ala so ayeke na komandema na ndö ti dunia so. Ti azo ni, fade a yeke hunzi ala kue kue kue.

1 Korente 3:22

ataa Paul, ataa Apolos wala Sefas, ataa dunia, ataa fini wala kuâ, ataa ye ti laso wala ti kekereke. Ye kue ayeke ti ala,

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

Efeze 2:2

Ala yeke sara ye ando tongana ti azo ti dunia so; ala yeke ma gi yanga ti makonzi ti asioni yingo so ayeke na popo ti nduzu na sese, yingo so laa ayeke sara kua na be ti azo so ake ti ma yanga ti Nzapa.

Jacques 4:5

Tënë so Mbeti ti Nzapa atene: “Yingo so Nzapa azia na ya ti e, lo ye ni ngangu mingi”, ala baa ni tongana senge senge tënë pepe.

1 Jean 2:20

Ti ala, a-ita, ala wara Yingo-Vuru so Christ amu na ala si ala kue ahinga taa-tënë awe.

1 Jean 2:27

Me ti ala, a-ita, Yingo so Christ amu na ala angba na ya ti ala. Akpa titene mbeni zo akiri afa ye fango na ala pepe, ngbanga ti so Yingo ni ayeke fa na ala ye kue: ye so lo yeke fa ayeke taa-tënë, lo yeke tene mvene pepe. Ndani laa, ayeke nzoni ala ngba ti duti oko na Christ tongana ti so Yingo afa na ala.

Aye so Nzapa afa 12:9

A bi sioni nyama ni na gigi. Lo yeke ngbene ngbo so azo airi lo atene, Zabolo wala Satan, wala zo ti handango azo ti dunia kue. A bi lo na ndö ti sese, lo na a-ange ti lo.

Aye so Nzapa afa 22:6

Na pekoni, *ange ni atene na mbi: “Tënë so ayeke taa-tënë, zo alingbi ti zia be ti lo na ndö ni. *Kota Gbia, Nzapa so ayeke mu Yingo ti lo na awayanga-Nzapa, lo laa lo tokua ange ti lo ti fa na azo ye so aga nduru ti si.”