1 Korente 16:6 - Mbeti ti Nzapa - Tënë so amu fini

⁶ A-ita, tongana lege ayeke daa, fade mbi yeke ngba ti duti na ala kete, wala mbi duti na ala kâ na ngoi ti de kue titene ala mu na mbi maboko ndali ti tambula ti mbi.

1 Korente 16:6 ပူးပေါင်းရင်းမြစ်များ

Awatokua 15:3

Azo ti Eglize ni amu aye na ala ndali ti lege. So ala yeke hon na ya ti sese ti Fenisii na ti Samarii, ala yeke fa na azo lege so azo ti amara nde akiri na mbage ti Nzapa. Tënë ni amu ngia na be ti a-ita, azo ti Christ kue.

Awatokua 17:15

Azo so azia Paul na lege ague na lo ngbii asi na Athènes. So ala londo ti kiri na Bere, Paul amu yanga na ala ti tene na Silas na Timothée ti gue hio ti wara ti lo.

Awatokua 20:38

Ala wara vundu mingi ndali ti tënë so lo tene: “Ala yeke kiri ti baa le ti mbi pepe.” Na pekoni, ala zia lo na lege ngbii asi na yanga ti mangboko.

Awatokua 21:5

Me so lango ti e na ndo so ahunzi awe, e londo ti hon. Adisiple ni kue, ala na awali ti ala na amolenge ti ala ague, azia e na lege ngbii asi na yanga ti gbata ni. E kuku na yanga ti kota ngu-ingo ni si e sambela.

Awatokua 27:12

Na ndö ni kue, ndo ti lutingo ti amangboko ni ayeke nzoni pepe titene ala luti daa na ngoi ti de. Ndani laa mingi ti azo ti ya ti mangboko ni aye ti londo na ndo so ti mu le ti ngu ti gue na Fenize tongana lege ayeke daa. Fenize ayeke mbeni ndo ti lutingo ti amangboko so ayeke na zoa ti Krete, so abaa le na Mbongo-Do na Banga-Do. Ala ye ti duti kâ ngbii ngoi ti de ahon si.

Awatokua 28:11

E sara nze ota na ya ti zoa ni. Na pekoni, e mu mbeni mangboko so alondo na Aleksandrii, iri ni ayeke “Anzapa so a du ala angbo”; mangboko ni aluti lani na tere ti zoa ni ti ku ngoi ti de ahon si.

Rome 15:24

Na ndembe so mbi yeke hon ande ti gue na kodro ti Espanye, mbi ye ti baa ala titene e na ala, e duti kete si tere ti mbi anzere. Mbi ye nga titene ala mu na mbi maboko na guengo ti mbi kâ.

1 Korente 16:11

Alingbi zo oko abaa lo tongana senge zo pepe. Ala mu na lo maboko titene lo kiri na tere ti mbi na siriri, ngbanga ti so mbi na a-ita e yeke ku lo.

2 Korente 1:16

Na pekoni, mbi ye lani ti londo na ala kâ ti gue na Masedoane. Ti hunzi na ni, mbi ye ti londo na Masedoane ti kiri na ala kâ si ala mu na mbi maboko ndali ti tambula ti mbi ti gue na Judée.

Tite 3:12

Tongana mbi tokua Artemas wala Tishike na mo, mo gi lege ngangu ti ga ti wara mbi na gbata ti Nikopolis. Mbi leke be ti mbi ti ngba kâ na ngoi ti de.