1 Korente 16:22 - Mbeti ti Nzapa - Tënë so amu fini

²² Tongana mbeni zo aye *Kota Gbia pepe, ayeke nzoni a deba lo! Maranata! – Kota Gbia, mo ga! –

1 Korente 16:22 ပူးပေါင်းရင်းမြစ်များ

B. ti abia 1:7

Mo so mbi ye mo so, fa na mbi ndo so mo yeke gue na anyama ti mo daa titene ala wu tere na bekombite. Tongaso si mbi tambula kirikiri pepe na tere ti anyama ti amba ti mo.

B. ti abia 5:16

Tongana lo su yanga ti mbi, anzere nzerengo, tere ti lo kue laa mbi ye ni. Ala amolenge-wali ti Jérusalem, baa kamba ti be ti mbi laa, koli so mbi ye lo mingi so laa.

Ésaïe 5:1

Mbi ye ti he bia ndali ti mba ti mbi; bia ni atene tënë ti mba ti mbi so mbi ye lo mingi nga na yaka ti *vinye ti lo. Mba ti mbi so mbi ye lo mingi so, yaka ti vinye ti lo ayeke daa. Yaka ni ayeke na ndö ti mbeni hoto; sese ni awoko pendere.

Matthieu 10:37

Zo so aye babâ wala mama ti lo ahon mbi, lo lingbi ti duti disiple ti mbi pepe; zo so aye molenge ti lo ti koli wala ti wali ahon mbi, lo lingbi ti duti disiple ti mbi pepe.

Jean 14:15

“Tongana ala ye mbi, fade ala yeke sara ye alingbi na andia ti mbi.

Jean 14:21

“Zo so ahinga andia ti mbi si lo sara ye alingbi na ni, lo laa lo ye mbi. Babâ ti mbi ayeke ye lo; mbi nga, mbi yeke ye lo si mbi yeke sara titene lo hinga mbi.”

Jean 14:23

Jésus akiri tënë na lo, atene: “Zo so aye mbi, fade lo yeke sara ye so mbi tene na lo. Babâ ti mbi ayeke ye lo si mbi na Babâ, e yeke ga ti duti na lo.

Jean 15:24

Aye so zo asara laoko pepe, mbi sara ni na popo ti azo ti dunia. Tongana mbi sara ni fade pepe, ka siokpari ayeke na li ti ala pepe. Fadeso, ala baa aye so kue mbi sara, me ala ngba ti ke mbi nga na Babâ ti mbi.

Jean 16:14

Fade lo yeke gonda mbi, ngbanga ti so lo yeke mu tënë ti mbi ti tene na ala.

Jean 8:42

Jésus atene na ala: “Tongana Nzapa ayeke fade Babâ ti ala, ka ala ye mbi, ngbanga ti so mbi londo na lo laa mbi ga. Mbi ga gi ti li ti mbi pepe, me lo laa lo tokua mbi.

Awatokua 23:14

Ala gue, abaa akota wayango-sandaga na *akangba si ala tene: “E deba yanga ti e na le ti azo kue titene e te kobe wala e nyon nga ngu pepe ngbii e fâ Paul si.

Rome 9:3

Ti be ti mbi, mbi ye fade titene Nzapa adeba mbi si mbi wani, mbi kangbi na Christ ndali ti a-ita ti mbi so ayeke azo ti mara ti mbi.

1 Korente 12:3

Ndani laa, mbi tene na ala: zo so Yingo ti Nzapa ayeke tene tënë na lege ti lo, lo lingbi ti tene sioni tënë na iri ti Jésus pepe. Tongana Yingo-Vuru ayeke na zo pepe, zo ni alingbi ti tene pepe: “Jésus ayeke *Kota Gbia”.

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Efeze 6:24

Ayeke nzoni Nzapa asara nzoni be na azo so kue aye Kota Gbia ti e Jésus Christ si ala ngba lakue ti ye lo!

Filipe 4:5

Ala sara titene azo kue abaa so ala yeke azo ti nzoni be. Kota Gbia aga nduru ti si awe.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

1 Pierre 1:8

Ataa so ala baa lo pepe, ala ye lo; ataa so ala de ti baa lo pepe, ala ma na be na lo. Ndani laa ala yeke duti na kota ngia, ngia so ahon ndoni, zo alingbi ti tene tënë ni pepe.

1 Pierre 2:7

Ti ala, a-ita so ama na be, têne ni ane na le ti ala; me ti azo so ake ti ma na be, “têne so azo ti sarango da ake ni, ni laa akiri aga ngangu têne ti gere ti da ni.”

1 Jean 4:19

Ti e, e yeke na ndoye, ngbanga ti so Nzapa aye e kozoni.

1 Jean 5:1

Zo so kue ama na be so Jésus ayeke Christ, lo yeke molenge ti Nzapa; zo so kue aye Nzapa Babâ, lo ye nga amolenge ti lo.

Aye so Nzapa afa 22:20

Zo so atene tënë ti aye so, lo tene, aye ni ayeke taa-tënë; lo tene: “Biani, mbi yeke ga fafadeso!” Amen! Ga, *Kota Gbia Jésus!