1 Korente 16:2 - Mbeti ti Nzapa - Tënë so amu fini

² Na layenga, fade zo oko oko ayeke mu mbeni nginza, lo zia ni nde na da ti lo alingbi na ye so lo wara. Tongaso, ala to nda ti bongbi nginza ni kozoni si mbi si.

1 Korente 16:2 ပူးပေါင်းရင်းမြစ်များ

Tongo nda ti aye 26:12

Isaac alu kobe na kodro ni si na ngu ni so, lo wara kobe fani ngbangbo oko ahon ti so lo lu, ngbanga ti so KOTA GBIA asara tufa na ndö ti lo.

Tongo nda ti aye 30:27

Laban akiri tënë na lo, atene: “Mbi gbu gere ti mo, mo baa mbi na nzoni le. Zeke ti mbi afa na mbi so KOTA GBIA asara tufa na ndö ti mbi ndali ti mo.

Tongo nda ti aye 30:30

Kozoni si mbi ga, aye ti mo awu mingi pepe. Ngbene ye so mbi si na ndo ti mo, aye ni awu ahon ndoni si KOTA GBIA asara tufa na ndö ti mo. Me lawa laa mbi nga, mbi yeke sara kua ndali ti azo ti da ti mbi?”

Tongo nda ti aye 32:10

Na pekoni, Jacob asambela, atene: “Nzapa ti babâ ti mbi Abraham, Nzapa ti babâ ti mbi Isaac, mo KOTA GBIA so mo tene na mbi, mo tene: ‘Kiri na kodro ti mo na ti asewa ti mo; fade mbi yeke sara nzoni na mo’,

Tongo nda ti aye 33:11

Tongaso, ayeke nzoni mo yeda ti mu kadoo so mbi tokua na mo, ngbanga ti so Nzapa laa asara nzoni be na mbi si lo mu na mbi aye so kue alingbi na mbi.” Lo voro Ezau ngbii si Ezau ayeda ti mu aye ni.

2 Mbai 31:10

Kota wayango-sandaga Azaria, zo ti kete mara ti Sadok akiri tënë na lo, atene: “Aye so azo azi na ndö ti aye so ala wara si ngbene ye, ala to nda ti ga na ni na ya ti kota da ti KOTA GBIA, e te kobe, ya ti e asi, e zia tanga ni angba gbani, ngbanga ti so KOTA GBIA asara tufa na ndö ti azo ti lo. Gba ni laa angba ge ahon ndoni so.”

Marc 14:8

Lo sara ye so lo lingbi ti sara: lo tuku yombo na tere ti mbi kozoni ti ku na lango ti lungo kuâ ti mbi.

Nzoni Tënë so Luc asu na mbeti 16:10

Zo so ayeke sara ye na legeni na akete ye, fade lo yeke sara ye na legeni na akota ye. Me zo so ayeke sara ye kirikiri na akete ye, fade lo yeke sara nga ye kirikiri na akota ye.

Nzoni Tënë so Luc asu na mbeti 24:1

Na kota ndaperere ti layenga, awali ni amu ayombo so ala leke ni ti zia na tere ti kuâ, ague na ni na du ti kuâ ti Jésus.

Jean 20:19

Na lakui ti layenga ni, adisiple abongbi tere ti ala na ya ti mbeni da. Ala kanga yanga ti da ni na ndö ti ala, ngbanga ti so mbeto ti amakonzi ti azuife asara ala. Jésus aga si lo luti na popo ti ala, lo tene na ala: “Siriri aduti na ala!”

Jean 20:26

Yenga oko na pekoni, adisiple akiri abongbi tere ti ala na ya ti da, Thomas ayeke na popo ti ala. Ala kanga yanga ti da ni na kerere, me Jésus aga si lo luti na popo ti ala, lo tene: “Siriri aduti na ala!”

Awatokua 20:7

Na lakui ti laposo, e bongbi tere ti te kobe ti beoko. Ndali ti so, tongana ndo ahan, Paul ayeke hon hongo, lo tene tënë ngbii asi na be ti bi.

2 Korente 8:10

Mbi ye ti fa na ala tënë ti be ti mbi na ndö ti tënë so: ye so ayeke nzoni ndali ti ala ayeke so, na ngu so ahon, ala yeke akozo zo so aleke na be ti ala ti mu ye si ala yeke nga akozo zo so amu ye ni.

Ndia ti fani use ni 8:18

Alingbi ala dabe ti ala so KOTA GBIA Nzapa ti ala laa amu na ala ngangu ti wara amosoro so. Nilaa laso, lo fa lo tene, lo ngba ti bata tënë ti *mbuki so lo na akotara ti ala asara ni ando.

Aye so Nzapa afa 1:10

Na lango ti *Kota Gbia, Yingo ti Nzapa agbu mbi. Na peko ti mbi, mbi ma mbeni go so atoto ngangu tongana tatalita.