1 Korente 16:11 - Mbeti ti Nzapa - Tënë so amu fini

¹¹ Alingbi zo oko abaa lo tongana senge zo pepe. Ala mu na lo maboko titene lo kiri na tere ti mbi na siriri, ngbanga ti so mbi na a-ita e yeke ku lo.

1 Korente 16:11 ပူးပေါင်းရင်းမြစ်များ

Nzoni Tënë so Luc asu na mbeti 10:16

Jésus akiri atene na adisiple ti lo: “Zo so ama tënë ti ala, andaa lo ma tënë ti mbi; zo so ake ala, andaa lo ke mbi; zo so ake mbi, andaa lo ke lo so atokua mbi.”

Awatokua 15:3

Azo ti Eglize ni amu aye na ala ndali ti lege. So ala yeke hon na ya ti sese ti Fenisii na ti Samarii, ala yeke fa na azo lege so azo ti amara nde akiri na mbage ti Nzapa. Tënë ni amu ngia na be ti a-ita, azo ti Christ kue.

Awatokua 15:33

Na peko ti so ala lango kete na ndo so awe, a-ita ni azia ala titene ala kiri na siriri na mbage ti azo so atokua ala. [

1 Korente 16:10

Tongana Timothée asi na ala kâ, ayeke nzoni ala sara titene lo duti na popo ti ala na mbeto pepe, ngbanga ti so lo yeke sara nga kua ti Kota Gbia tongana mbi.

1 Korente 16:6

A-ita, tongana lege ayeke daa, fade mbi yeke ngba ti duti na ala kete, wala mbi duti na ala kâ na ngoi ti de kue titene ala mu na mbi maboko ndali ti tambula ti mbi.

2 Korente 1:16

Na pekoni, mbi ye lani ti londo na ala kâ ti gue na Masedoane. Ti hunzi na ni, mbi ye ti londo na Masedoane ti kiri na ala kâ si ala mu na mbi maboko ndali ti tambula ti mbi ti gue na Judée.

1 Tesalonike 4:8

Ndani laa, zo so ake ti sara ye alingbi na atënë so, zo laa lo ke lo pepe, me lo ke Nzapa so ayeke mu Yingo-Vuru ti lo na ala.

1 Timothée 4:12

Mo zia mbeni zo abaa mo tongana molenge pepe; me mo ga tapande ti azo so ama na be na lege ti tenengo tënë ti mo, sarango ye ti mo, ndoye ti mo, mabe ti mo na vurungo be ti mo.

Tite 2:15

Lege so mo lingbi ti tene tënë na azo, ti mu wango na ala, ti suku na ala laa; mo sara ni na ngangu so Nzapa amu na mo. Mo sara si mbeni zo oko abaa mo tongana buba zo pepe.

3 Jean 1:6

Ala fa na *Eglize ge tënë ti ndoye ti mo. Ayeke nzoni mo ngba ti mu maboko na ala na ya ti tambula ti ala tongana ti so be ti Nzapa aye.