1 Korente 16:1 - Mbeti ti Nzapa - Tënë so amu fini

¹ Tënë ti bongbingo nginza ti mu maboko na azo ti Nzapa, ayeke nzoni ala sara ni gi tongana ti so mbi mu yanga na *a-Eglize ti Galasii ti sara.

1 Korente 16:1 ပူးပေါင်းရင်းမြစ်များ

Awatokua 11:28

Mbeni oko so iri ti lo Agabus alondo, lo tene na azo ye so Yingo-Vuru afa na lo, lo tene: “Fade mbeni kota nzara ayeke ga na ndö ti sese kue.” – Nzara ni aga biani na ndembe so Claude ayeke kota gbia ti Rome. –

Awatokua 11:30

Ala bongbi aye ni si ala tokua ni na *akangba ti Judée, na maboko ti Barnabas na Saul.

Awatokua 16:6

Paul na Silas ahon hongo na asese ti Frizii na ti Galasii, ngbanga ti so Yingo-Vuru ake na ala ti fa tënë na sese ti Azii.

Awatokua 18:23

So lo lango kete na ndo so awe, lo londo si lo hon na ya ti sese ti Galasii na ti Frizii ti mu wango so alingbi ti kpengba adisiple kue.

Awatokua 24:17

“Asara ngu mingi so mbi si na Jérusalem pepe, nilaa mbi ga na nginza ti mu maboko na azo ti mara ti mbi; mbi ga nga ti mu *sandaga na Nzapa.

Awatokua 9:13

Ananias akiri tënë, atene: “Kota Gbia, azo mingi atene tënë ti koli so na mbi. Ala tene na mbi tënë ti aye ti sioni so kue lo sara na azo ti mo na Jérusalem.

Awatokua 9:41

Pierre ayoro maboko, agbu lo si ayo lo na nduzu. Na pekoni, lo iri azo ti Nzapa na awali-mua si lo fa na ala Tabita so ayeke na fini.

Rome 12:13

Ala mu maboko na azo ti Nzapa so ye atia ala, ala yamba agene nzoni.

1 Korente 11:34

Tongana nzara asara mbeni zo, alingbi lo te kobe na da ti lo, tongaso si ala bongbi ti iri ngbanga ti Nzapa na li ti ala pepe. Tongana mbi si kâ, fade mbi yeke leke tanga ti atënë ni.

1 Korente 16:15

A-ita, ala hinga atene, Stefanas na azo ti sewa ti lo ayeke akozo zo ti Akayi so ama na be si ala mu tere ti ala kue ti sara nzoni na azo ti Nzapa. Mbi hunda na ala mingi, a-ita,

1 Korente 4:17

Ndali ti tënë so, mbi tokua Timothée na ala, molenge ti mbi so mbi ye lo mingi, lo ngba lakue ti mu lege ti Kota Gbia. Fade lo yeke dabe ti ala na lege so mbi mu peko ti Christ na peko ti so mbi ga oko na lo; lo yeke dabe ti ala na aye so mbi yeke fa ni na ndo kue, na ya ti *a-Eglize kue.

Galasii 1:2

A-ita azo ti Christ so kue ayeke ge abongbi na mbi ti tokua mbeti so na *a-Eglize ti sese ti Galasii.

Galasii 2:10

Ye oko so ala hunda na e ti sara ayeke titene e girisa ti mu maboko na azo ti mawa pepe; ye so mbi zia be ti mbi kue ti sarango ni laa.

Philémon 1:5

Biani, mbi ma tënë ti yengo so mo ye na azo ti Nzapa nga na tënë ti mabe ti mo na ndö ti *Kota Gbia Jésus.

Philémon 1:7

Ita ti mbi, so mbi ma tënë ti yengo so mo ye na azo, ngia asi be ti mbi si be ti mbi ade. Ye so mo sara so amu ngangu na be ti azo ti Nzapa.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

1 Jean 3:17

Tongana mbeni zo ayeke na amosoro ti dunia so, lo baa mbeni ita ti lo so ye atia lo si lo ke ti sara nzoni na ita ti lo ni, fade lo yeke tene, ni ye Nzapa biani laa?