1 Korente 15:9 - Mbeti ti Nzapa - Tënë so amu fini

⁹ Biani, mbi yeke kete ahon awatokua kue; mbi lingbi nga titene a iri mbi watokua pepe, ngbanga ti so mbi sara ngangu na azo ti *Eglize ti Nzapa.

1 Korente 15:9 ပူးပေါင်းရင်းမြစ်များ

Awatokua 8:3

Andaa Saul angba ti lo lakue ti buba *Eglize. Lo yeke li na ya ti ada ti gbu akoli na awali si lo yeke bi ala na da ti kanga.

1 Korente 10:32

Na lege ti sarango ye ti ala, ala sara si mbeni zuife, wala mbeni zo ti mbeni mara nde, wala mbeni zo ti *Eglize ti Nzapa ati pepe.

2 Korente 11:5

Ti akota kota *watokua ti ala ni so, mbi baa ti mbi mbeni ye so ala hon mbi na ni pepe.

2 Korente 12:11

Mbi ga tongana zo so mbeni ye asara li ti lo awe! Ala laa asara si mbi ga tongaso. Ala laa alingbi fade ti tene nzoni tënë na ndö ti mbi. Ataa mbi yeke ye pepe, akota kota *watokua ti ala so ahon mbi na ye oko pepe.

Galasii 1:13

Biani, a-ita, ala ma tënë ti sarango ye ti mbi na ndembe so mbi yeke voro ando Nzapa tongana ti azuife. Ala hinga so mbi sara ando ngangu mingi na *Eglize ti Nzapa si mbi ye nga ti buba Eglize ni biani.

Galasii 1:23

Ala ma gi tënë so azo atene: “Koli so ayeke sara ando ngangu na e so, fadeso lo yeke fa na azo tënë ti mabe so lo ye ando ti buba lege ni so.”

Filipe 3:6

Na lege ti sarango kua ti Nzapa, mbi mu ando be ti mbi kue daa si mbi sara pasi na azo ti *Eglize mingi. Na lege ti batango ndia ti ga mbirimbiri na legeni, zo ayeke wara mbeni tënë ti bi na li ti mbi pepe.