1 Korente 15:55 - Mbeti ti Nzapa - Tënë so amu fini

⁵⁵ “Kuâ, ngangu so mo yeke hon ndö ti azo na ni so ayeke na ndo wa? Kuâ, ye so mo yeke fâ azo na ni so ayeke na ndo wa?”

1 Korente 15:55 ပူးပေါင်းရင်းမြစ်များ

Mbeti ti Job 41:22

Aye tongana afango ta so yanga ni aza zango ayeke na gbe ti ya ti lo, ayeke suru ya ti potopoto tongana wen ti dengo ya ti sese.

Abia (Psaumes) 89:48

Dabe ti mo na mbi si: lango ti fini ti mbi ayeke gi nduru! Mo sara zo titene lo ga gi senge senge ye?

Zo ti bongbingo azo 3:19

Biani, ye so ayeke si na azo, gi ni laa ayeke si na anyama. Ye so ayeke si na ala use kue ayeke legeoko: zo ayeke kui, nyama nga ayeke kui. Ala use kue ayeke wu gi pupu oko. Zo ahon nyama pepe. Biani, ye kue ayeke gi senge senge.

Zo ti bongbingo azo 8:8

Zo oko ayeke na komandema na ndö ti fini ti lo pepe; pupu so ayeke mu na lo fini, lo lingbi ti gbanzi ni pepe. Zo oko ayeke na komandema na ndö ti lango ti kuâ ti lo pepe. Tongana bira aga, turugu oko alingbi ti gboto tere ti lo ti hon pepe. Zo ti sioni, fade sioni ti lo ni alingbi ti soo lo pepe.

Osée 13:14

Mbi KOTA GBIA, azo tongaso, mbi lingbi ti gboto ala na ndo ti akuâ ti sigigi na ala? Mbi lingbi ti soo ala na kuâ? Kuâ, ye so mo yeke fâ azo na ni so ayeke na ndo wa? Ndo ti akuâ, ngangu so mo yeke hunzi azo na ni so ayeke na ndo wa? Fade mbi yeke baa mawa ti Efraim oko pepe.

Nzoni Tënë so Luc asu na mbeti 16:23

Na ndo ti akuâ, zo ti mosoro ni ayeke baa pasi mingi. Lo yo le ti lo na nduzu si lo baa Abraham yongoro kâ; Lazare ayeke na tere ti lo.

Awatokua 2:27

Fade mo yeke zia mbi na ndo ti akuâ pepe; mbi so mbi zia be ti mbi kue ti sara na mo, fade mo yeke zia mbi ti fun na ya ti du ti kuâ pepe.

Awatokua 9:5

Saul ahunda ndo, atene: “Mo yeke zo wa, Kota Gbia?” Go ni atene: “Mbi Jésus laa mo yeke sara ngangu na mbi so.

Rome 5:14

Andaa, ti londo na Adam ngbii asi na Moïse, kuâ ayeke na ngangu na ndö ti azo kue, ataa siokpari so ala sara ayeke legeoko na siokpari ti Adam pepe. Adam ayeke limo ti zo so ayeke ga ande.

1 Korente 15:56

Ye so kuâ ayeke fâ azo na ni ayeke siokpari; ye so amu ngangu na siokpari ayeke ndia.

Aye so Nzapa afa 9:10

Damba ti ala akpa damba ti akparakongo so yanga ni ti kpongo na zo ayeke daa; ngangu ti ala ayeke na ya ti damba ti ala ni. Na ngangu so laa ala yeke sara pasi na azo na ya ti nze oku.