1 Korente 15:52 - Mbeti ti Nzapa - Tënë so amu fini

⁵² gi hio tongaso, tongana ti so zo ayeke ko le ti lo na ndembe so tanga ti tatalita ayeke toto. Biani, na ndembe so tatalita ni ayeke toto, akuâ ayeke zingo na mbeni tere so ayeke kiri ti buba pepe; ti e, tere ti e ayeke ga nde.

1 Korente 15:52 ပူးပေါင်းရင်းမြစ်များ

Abia (Psaumes) 73:19

Gi hio tongaso, ye kue abuba awe! Ti ala ahunzi awe, mbeto afâ ala awe!

Sigingo 19:16

Na ota lango ni, na kota ndaperere, bekpa asungba na li ti hoto ni, wâ ti bekpa aza si gba ti nengo mbinda akanga li ti hoto ni. Azo ama toto ti adidi ti akoli-taba so atoto ngangu. Na ya ti bâbâ ni, tere ti azo kue ado na mbeto.

Sigingo 20:18

Azo ti Israel kue ama sungbango ti bekpa na toto ti adidi ti koli-taba. Ala kue abaa wâ ti bekpa na guru ti wâ so ayeke sigigi na li ti hoto; tere ti ala kue ado na mbeto si ala luti yongoro.

Sigingo 33:5

KOTA GBIA atene na Moïse: “Tene na azo ti Israel, mo tene: ‘Ala yeke azo ti ngangu li! Tongana mbi gue na ala gi na ya ti kete nduru ngbonga, fade mbi yeke fâ ala kue ti hunzi ala. Fadeso, ala zi aye ti baba ti ala ni; mbi yeke baa ye so mbi yeke sara ndali ti ala.’ ”

Ésaïe 18:3

Ala azo so kue alango na ndö ti dunia, ala so amu ndö ti sese, na ndembe so a yeke yo bendere na nduzu na ndö ti ahoto, ala baa ndo! Na ndembe so a yeke huru didi, ala ma!

Ésaïe 27:13

Na lango ni so, mbeni kota didi ayeke toto. Tongaso azo so agirisa ando na sese ti Asirii, na azo so akangbi na sese ti Ezipte, ala kue ayeke kiri. Ala yeke ga ti kuku na gbe ti KOTA GBIA na Jérusalem, na li ti hoto so ayeke nde si ayeke nzoni kue.

Ezekiel 33:3

Tongana sanziri ni abaa bira ayeke ga na ndö ti kodro ni, lo huru tatalita ti tene tënë ni na azo ti kodro ni.

Ezekiel 33:6

Me tongana sanziri ni abaa bira ayeke ga si lo huru tatalita pepe, lo tene tënë ni na azo ti kodro pepe, tongana wato aga si afâ mbeni zo, sanziri ni laa asara sioni. Fade mbi yeke hunda mene ti zo ni na maboko ti sanziri ni.

Zakarii 9:14

Fade KOTA GBIA ayeke sigigi ti duti na ndö ti azo ni. Ale ti kokora ti lo ayeke hon tongana wâ ti bekpa. Kota Gbia NZAPA ayeke huru tatalita, lo yeke ga na ya ti ngangu pupu ti Mbongo.

Wungo ti azo 10:4

Tongana a huru gi tatalita oko, akota zo na amakonzi ti akete mara ti Israel laa ayeke bongbi na tere ti mo.

Wungo ti azo 16:21

“Ala londo na popo ti azo ni ahon, mbi yeke hunzi ala kue fafadeso.”

Matthieu 24:31

Kota tatalita ayeke toto si Molenge ti Zo ayeke tokua *a-ange ti lo na ndö ti sese kue titene ala gue, abongbi azo so lo soro ala.”

Jean 5:25

Biani, mbi tene na ala taa-tënë: mbeni ngbonga ayeke ga si ngbonga ni alingbi awe so akuâ ayeke ma go ti Molenge ti Nzapa si ala so ama go ni ayeke kiri ti duti na fini.

Jean 5:28

Nilaa, ayeke nzoni li ti ala azo, akpe pepe, ngbanga ti so ngbonga ni ayeke ga so, azo so ayeke na ya ti du ti kuâ ayeke ma go ti lo

1 Korente 15:23

Me fade zo oko oko ayeke zingo na kuâ tongana ngoi ti lo alingbi: kozo zo so azingo na kuâ ayeke Christ; na pekoni, fade azo ti Christ laa ayeke zingo na kuâ na lango ti gango ti lo.

1 Korente 15:42

Fade ye ni ayeke duti tongaso na zingongo ti akuâ. Tere so a lu ni, ayeke tere so ayeke buba; tere so a zingo ni na kuâ, ayeke kiri ti buba pepe.

1 Korente 15:50

A-ita, tënë so mbi tene ayeke so: tere ti e ti zo alingbi ti li na ya ti *Kodro-gbia ti Nzapa pepe; ye so ayeke buba bubango alingbi ti wara lege ti ngba na fini lakue lakue pepe.

1 Tesalonike 4:15

Baa, e yeke tene na ala mbeni tënë so *Kota Gbia atene na e: e so e yeke ngba ande na fini ngbii asi na lango ti gango ti Kota Gbia, fade e yeke hon kozo ti azo so akui awe so pepe.

2 Pierre 3:10

Lango ti gango ti Kota Gbia ayeke duti tongana gango ti zo ti nzi. Na lango ni so, nduzu ayeke hon si toto ni ayeke duti ngangu mingi; wâ ayeke gbi aye so ayeke na le ti nduzu, sese na aye so kue ayeke na ndö ni ayeke ngba pepe.

Aye so Nzapa afa 8:13

Mbi kiri mbi baa ndo, mbi ma mbeni *ngoalo so ayeke huru yongoro kâ na le ti nduzu si ayeke dekongo, atene: “Mawa! Mawa! Mawa na azo ti ndö ti sese ndali ti atatalita so a-ange ota ayeke huru ni ande!”

Aye so Nzapa afa 8:2

Na pekoni, mbi baa *a-ange mbarambara so ayeke luti na le ti Nzapa; a mu tatalita mbarambara na ala.