1 Korente 15:47 - Mbeti ti Nzapa - Tënë so amu fini

⁴⁷ Kozo zo so Nzapa amu sese si asara na lo, ayeke zo ti sese; use zo ni alondo ti lo na yayu si aga.

1 Korente 15:47 ပူးပေါင်းရင်းမြစ်များ

Tongo nda ti aye 2:7

KOTA GBIA Nzapa amu fuku ti sese, lo sara na zo. Na pekoni, lo huru pupu so ayeke sara titene zo aduti na fini na ya ti hon ti zo ni si zo ni aga zo so ayeke na fini.

Tongo nda ti aye 3:19

Mo yeke wara kobe ti mo gi na gbiki ti li ti mo, ngbii asi na lango so mo yeke kiri na ya ti sese, ngbanga ti so a mu mo na ya ti sese. Mo yeke fuku ti sese, mo yeke kiri ande na ya ti fuku ti sese.”

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Jérémie 23:6

Na ngoi ti lo, fade a yeke soo kodro-gbia ti Juda, mbeni ye ti sioni ti si na Israel ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’

Matthieu 1:23

“Baa, fade maseka-wali so ade ti hinga koli pepe ayeke mu ngo, lo yeke du molenge-koli; fade a yeke di iri ti lo Emmanuel.” – Nda ti iri so atene: “Nzapa ayeke na e”. –

Nzoni Tënë so Luc asu na mbeti 2:11

Laso, na ya ti gbata ti David, a du na ala Wasongo-zo awe; lo yeke Christ, Kota Gbia.

Jean 3:31

“Zo so alondo na yayu si aga, lo hon azo kue; me zo so ayeke zo ti sese, lo yeke ti sese, lo yeke tene tënë tongana zo ti sese. Zo so alondo na yayu si aga, lo hon azo kue.

Jean 6:33

ndali ti so mapa ti Nzapa ayeke zo so alondo na yayu, lo zu si lo yeke mu fini na azo ti dunia.”

Awatokua 10:36

Nzapa atokua tënë ti lo na azo ti Israel: tënë ni ayeke Nzoni Tënë so amu siriri na zo na lege ti Jésus Christ, lo so lo yeke *Kota Gbia ti azo kue.

1 Korente 15:45

Ndani laa Mbeti ti Nzapa atene: “Adam so ayeke kozo zo, aga zo so ayeke na fini”; me Christ so ayeke nga Adam ti ndani, ayeke Yingo so ayeke mu fini na zo.

1 Korente 15:46

Zo so aga kozoni ayeke zo ti Yingo pepe, me senge zo ti sese; zo ti Yingo aga na pekoni.

2 Korente 5:1

Biani, na ndö ti sese so, tere ti e ti zo akpa da ti bongo so ayeke buba mbeni lâ; me e hinga, e tene, na yayu, e yeke na da so ayeke ngba lakue lakue. Nzapa laa asara ni, maboko ti zo laa asara ni pepe.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.