1 Korente 15:42 - Mbeti ti Nzapa - Tënë so amu fini

⁴² Fade ye ni ayeke duti tongaso na zingongo ti akuâ. Tere so a lu ni, ayeke tere so ayeke buba; tere so a zingo ni na kuâ, ayeke kiri ti buba pepe.

1 Korente 15:42 ပူးပေါင်းရင်းမြစ်များ

Tongo nda ti aye 3:19

Mo yeke wara kobe ti mo gi na gbiki ti li ti mo, ngbii asi na lango so mo yeke kiri na ya ti sese, ngbanga ti so a mu mo na ya ti sese. Mo yeke fuku ti sese, mo yeke kiri ande na ya ti fuku ti sese.”

Mbeti ti Job 17:14

Mbi tene na du ti kuâ, mbi tene: “Mo yeke babâ ti mbi!” Mbi tene na angusu, mbi tene: “Ala yeke mama ti mbi, ala yeke a-ita ti mbi ti wali!”

Abia (Psaumes) 16:10

Biani, mo yeke zia mbi na ndo ti akuâ pepe, mo yeke zia mbi, zo ti mo titene mbi fun na ya ti du ti kuâ pepe.

Abia (Psaumes) 49:14

Azo so azia be ti ala mingi na ndö ti ala wani, azo so tënë ti ala wani anzere na ala mingi so, baa ye so ayeke si ande na ala ayeke so:

Abia (Psaumes) 49:9

Ngere ti fini ti zo ayeke ngangu mingi, zo alingbi ti futa ni laoko pepe.

Ésaïe 38:17

Vundu ti be ti mbi akiri aga siriri. Biani, mo ye mbi mingi, nilaa mo sara si mbi li na du ti kuâ pepe; mo bi asiokpari ti mbi kue yongoro na peko ti mo.

Daniel 12:3

Azo so le ti ala ahan, fade ala yeke za tongana lumiere ti le ti nduzu. Azo so amu maboko na ambeni zo mingi ti ga azo ti mbirimbiri, fade ala yeke su lakue lakue tongana atongoro.

Matthieu 13:43

Me fade azo ti mbirimbiri ayeke za zango tongana lâ na ya ti Kodro-gbia ti yayu, lo so lo yeke Babâ ti ala. Zo so ayeke na mê ti mango ndo, ayeke nzoni lo ma tënë so!”

Awatokua 2:27

Fade mo yeke zia mbi na ndo ti akuâ pepe; mbi so mbi zia be ti mbi kue ti sara na mo, fade mo yeke zia mbi ti fun na ya ti du ti kuâ pepe.

Awatokua 2:31

David ahinga kozoni so fade *Mesii ayeke zingo na kuâ, nilaa lo tene: ‘Nzapa azia lo na ndo ti akuâ pepe, tere ti lo afun na ya ti du ti kuâ pepe.’

Rome 1:23

Nzapa so alingbi na gonda si lo yeke na fini kpu na kpu, azo azia ti voro lo si ala yeke voro limo ti zo so ayeke kui kuingo, ti andeke, ti anyama ti gere osio na ti anyama so ayeke hara harango.

Rome 2:7

Azo so amu be ti ala kue ti gi ti sara nzoni ye, ala yeke gi titene Nzapa agonda ala, lo ne ala si lo mu na ala fini so angba lakue lakue, fade Nzapa ayeke mu lege na ala ti duti na fini kpu na kpu.

Rome 8:21

ngbanga ti so fade a yeke zi ala na gbe ti ye so ayeke sara ala na ngbaa si ayeke buba ala so. Tongaso ala yeke li na ya ti gonda so ayeke ti amolenge ti Nzapa so asigigi na gbe ti ngbaa.

1 Korente 15:41

Pendere ti lâ ayeke nde, pendere ti nze ayeke nde, pendere ti atongoro ayeke nde; ataa na popo ti atongoro, pendere ti ala ayeke nde nde.

Galasii 6:8

Zo so alu ye ndali ti sioni nzara ti be ti lo, fade lo yeke ko lengo ti ye ti nzara ti be, so ti tene kuâ; me so zo alu ye ndali ti Yingo, fade lo yeke ko lengo ti ye ti Yingo, so ti tene fini so angba lakue lakue.

1 Pierre 1:4

E yeke ku nga ti wara aye so Nzapa ayeke mu na azo ti lo titene aga ti ala. Aye ni alingbi ti buba pepe, ye ti sioni alingbi ti si na tere ni pepe si pendere ni alingbi ti hon nga pepe. Nzapa ayeke bata aye ni ti ku na ala na yayu.