1 Korente 15:4 - Mbeti ti Nzapa - Tënë so amu fini

⁴ A lu lo, na lango ota ni, lo zingo na kuâ tongana ti so Mbeti ti Nzapa atene.

1 Korente 15:4 ပူးပေါင်းရင်းမြစ်များ

Abia (Psaumes) 16:8

Le ti mbi angba na ndö ti KOTA GBIA lakue. So lo yeke na mbage ti maboko ti mbi ti koli, mbeni ye ti yingi mbi ayeke daa pepe.

Abia (Psaumes) 2:7

“Mbi ye ti fa peko ti mbela ti KOTA GBIA: lo tene na mbi, lo tene: ‘Mo yeke molenge ti mbi; laso mbi ga babâ ti mo awe.

Osée 6:2

Na peko ti lango use, fade lo yeke kiri fini na e; na lango ota ni, fade lo yeke yo e na nduzu si e yeke duti na fini na dawa ti lo.

Matthieu 12:40

Biani, tongana ti so Jonas asara lango ota na bi ota na ya ti kota susu, fade *Molenge ti Zo ayeke sara nga lango ota na bi ota na gbe ti sese.

Matthieu 16:21

Ti londo na ndembe ni so, Jésus ato nda ti tene tënë polele na adisiple ti lo, atene: “Alingbi mbi gue na Jérusalem ti baa pasi mingi na maboko ti *akangba na akota wayango-sandaga na awafango-ndia. Ala yeke fâ mbi, me na lango ota ni, mbi yeke zingo na kuâ.”

Matthieu 20:19

ala yeke zia lo na maboko ti azo ti mbeni mara nde titene ala he lo, ala pika lo na fimbo si ala fâ lo na ndö ti keke ti kroa. Na lango ota ni, fade lo yeke zingo na kuâ.”

Marc 9:31

ngbanga ti so lo ngba ti fa ye na adisiple ti lo; lo tene na ala: “Fade a yeke zia *Molenge ti Zo na maboko ti azo titene ala fâ lo. Lango ota na pekoni, fade lo yeke zingo na kuâ.”

Nzoni Tënë so Luc asu na mbeti 24:26

Alingbi fade titene *Mesii abaa pasi kozoni si lo li na ya ti gonda ti lo pepe?”

Nzoni Tënë so Luc asu na mbeti 24:46

Lo tene na ala: “A su na ya ti Mbeti ti Nzapa, atene: Fade *Mesii ayeke baa pasi si na lango ota ni, lo yeke zingo na kuâ.

Nzoni Tënë so Luc asu na mbeti 9:22

Lo tene: “Alingbi *Molenge ti Zo abaa pasi mingi. *Akangba, akota wayango-sandaga na awafango-ndia ayeke ke lo, ala yeke fâ lo si na lango ota ni, lo yeke zingo na kuâ.”

Jean 19:38

Na pekoni, Joseph, mbeni zo ti gbata ti Arimate ague, ahunda Pilate ti mu kuâ ti Jésus. – Joseph ayeke mbeni disiple ti Jésus, me lo mu peko ti lo na hondengo ni, ngbanga ti so mbeto ti amakonzi ti azuife asara lo. – Pilate ayeda. Tongaso Joseph ague, amu kuâ ni.

Awatokua 1:3

Na peko ti kuâ ti lo, lo fa tere ti lo na ala na alege nde nde si lo fa na ala biani so lo yeke na fini. Na ya ti lango baleosio, lo si na ala si lo fa na ala tënë na ndö ti *Kodro-gbia ti Nzapa.

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

Rome 6:4

Tongaso, na lege ti bateme, a lu e legeoko na Christ si e ga oko na lo na lege ti kuâ so lo kui; me Christ azingo na kuâ na lege ti ngangu ti Babâ titene e nga, e sara si dutingo ti e aga nde.

Kolose 2:12

So ala wara bateme, a lu ala na Christ awe si a zingo ala na kuâ legeoko na lo, ngbanga ti so ala ma na be na ngangu ti Nzapa so azingo lo na kuâ.

Ahebro 13:20

Nzapa so ayeke mu siriri na zo, lo sara si *Kota Gbia ti e Jésus so lo yeke kota wabatango-taba, alondo na popo ti akuâ asigigi. Ndali ti mene ti lo so lo mu na *sandaga, e na Nzapa, e sara *mbuki so ayeke ngba lakue lakue.

1 Pierre 1:11

Yingo ti Christ ayeke na ya ti awayanga-Nzapa si ayeke fa na ala kozoni tënë ti pasi so fade Christ ayeke baa, nga na tënë ti gondango so a yeke gonda lo na peko ti pasi ni. Nilaa, ala gi lege ngangu ti hinga ngoi ti singo ti aye so Yingo ti Christ afa tënë ni na ala; ala gi nga ti hinga aye ni ayeke si ande tongana nyen?