1 Korente 15:31 - Mbeti ti Nzapa - Tënë so amu fini
31 Lakue, kuâ ayeke gi mbi gingo, taa-tënë, a-ita! Taa-tënë, mbi yeke gonda tere ti mbi ndali ti ala, ala so e na ala e ga oko na *Kota Gbia ti e Jésus Christ awe.
Biani, mbi gboto mê ti akotara ti ala na ndö ni, ti londo na ndembe so mbi sara si ala sigigi na sese ti Ezipte, ngbii asi laso; mbi mu ngoi ti mbi kue ti gboto mê ti ala na ndö ni si mbi kiri mbi tene: Ala ma tënë ti mbi.
Tongana ti so Mbeti ti Nzapa atene: “Lakue, ti londo na ndaperere ngbii asi na lakui, azo ayeke gi e ti fâ e ndali ti mo; azo ayeke baa e tongana ataba so a yeke gue na ala na ndo ti fango ala.”
Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.
Ala yeke azo ti kua ti Christ? So nzoni, me mbi hon ala! – Mbi yeke tene tënë so tongana zo so mbeni ye asara li ti lo –. Mbi sara kua mbi hon ala kue, mbi sara kanga, mbi hon ala kue, azo apika mbi, mara ni use pepe, lege mingi, mbi kui kue.
E mu singila na Nzapa, ngbanga ti so na lege ti gango so e ga oko na Christ, lo yeke zia e lakue na ya ti molongo ti azo so atambula na peko ti Christ so aso benda awe. Tongaso, Nzapa ayeke sara titene azo ahinga Christ na ndo kue ndali ti e; ye ni ayeke tongana fion ti yombo so amu ndo kue.
E so, e yeke voro Nzapa na lege ti Yingo ti lo si e yeke gonda tere ti e ndali ti gango so e ga oko na Jésus Christ so, e laa e fâ mbirimbiri ganza; e yeke zia be ti e na ndö ti e wani pepe.
Biani, na lango ti gango ti *Kota Gbia Jésus, nyen laa e yeke zia be ti e ti ku, nyen laa ayeke ngia ti e, nyen laa ayeke fa atene, e so benda awe? Gi ala pepe?