1 Korente 15:25 - Mbeti ti Nzapa - Tënë so amu fini

²⁵ Biani, alingbi Christ ale-gbia ngbii Nzapa azia awato ti lo kue na gbe ti gere ti lo.

1 Korente 15:25 ပူးပေါင်းရင်းမြစ်များ

Abia (Psaumes) 110:1

Bia ti David. So tënë ti yanga ti *KOTA GBIA so lo tene na Kota Gbia ti mbi laa: “Duti na mbage ti maboko ti mbi ti koli, mbi yeke sara titene awato ti mo aga tongana mbata ti gbe ti gere ti mo si.”

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Matthieu 22:44

‘Kota Gbia atene na Kota Gbia ti mbi, atene: Mo duti na mbage ti maboko ti mbi ti koli ngbii mbi sara titene awato ti mo aduti na gbe ti gere ti mo si.’

Marc 12:36

So Yingo-Vuru amu na David tënë ti tenengo ni si lo tene: ‘*Kota Gbia Nzapa atene na Kota Gbia ti mbi, atene: Mo duti na mbage ti maboko ti mbi ti koli ngbii mbi sara titene awato ti mo aduti na gbe ti gere ti mo si.’

Awatokua 2:34

David, so lo wani, lo ma kâ na yayu laoko pepe, lo tene: ‘Kota Gbia atene na Kota Gbia ti mbi, atene: duti na mbage ti maboko ti mbi ti koli,

Efeze 1:22

Nzapa azia ye kue na gbe ti Christ; lo so lo yeke na ndö ti aye kue, lo zia lo kota makonzi na li ti *Eglize.

Ahebro 1:13

Laoko Nzapa atene nga na mbeni ange pepe, atene: “Ga mo duti na mbage ti maboko ti mbi ti koli, ngbii asi na ndembe so mbi yeke sara titene awato ti mo aga tongana mbata ti gbe ti gere ti mo si!”

Ahebro 2:8

Mo zia ye kue na gbe ti lo.” So Nzapa azia ye kue na gbe ti lo, ye kue ayeke na gbe ti lo. Me na le ti e, e de ti baa so ye kue ayeke na gbe ti lo pepe.