1 Korente 15:20 - Mbeti ti Nzapa - Tënë so amu fini

²⁰ Me ye ni ayeke tongaso pepe: Christ azingo na kuâ kozoni ti fa biani so azo so akui ayeke zingo ande na kuâ.

1 Korente 15:20 ပူးပေါင်းရင်းမြစ်များ

Awatokua 2:24

Me Nzapa azingo lo na kuâ awe, lo zi lo na ya ti pasi ti kuâ, ngbanga ti so kuâ ayeke na ngangu pepe ti gbanzi lo.

Awatokua 26:23

Ala tene: fade *Mesii ayeke baa pasi si lo yeke duti kozo zo so ayeke zingo na popo ti akuâ, lo yeke fa lumiere na azo ti mara ti e nga na azo ti amara nde.”

Rome 8:11

Nzapa azingo Jésus na kuâ. Tongana Yingo ti Nzapa ayeke duti na be ti ala, fade Nzapa so azingo Jésus Christ na kuâ ayeke sara titene tere ti ala so ayeke kui kuingo so aduti na fini na lege ti Yingo ti lo so aduti na be ti ala.

1 Korente 15:23

Me fade zo oko oko ayeke zingo na kuâ tongana ngoi ti lo alingbi: kozo zo so azingo na kuâ ayeke Christ; na pekoni, fade azo ti Christ laa ayeke zingo na kuâ na lango ti gango ti lo.

1 Korente 15:6

Na pekoni, lo si na azo so wungo ti ala ahon ngbangbo oku – mingi na popo ti ala angba na fini laso, ambeni akui awe –.

Kolose 1:18

Lo laa lo yeke li ti *Eglize so ayeke tere ti lo, ye kue ato nda ni na lege ti lo; lo laa lo zingo na kuâ kozo titene, na ya ti ye kue, lo duti na kozo ndo.

1 Tesalonike 4:16

Fade Nzapa ayeke mu yanga na kota go, azo ayeke ma go ti makonzi ti *a-ange nga na tatalita ti Nzapa. Tongaso, Kota Gbia wani ayeke londo na yayu ti zu. Azo so ama na be na Christ si akui so, ala laa ayeke zingo na kuâ kozo.

1 Pierre 1:3

E gonda Nzapa, Babâ ti *Kota Gbia ti e Jésus Christ! Lo baa mawa ti e mingi si lo sara titene a kiri a du e mbeni na lege ti zingongo so lo zingo Jésus Christ na kuâ. Tongaso, e zia be ti e ti ku ye so ayeke sara titene zo aduti na fini.

Aye so Nzapa afa 1:5

Ayeke nzoni Jésus Christ amu aye ni na ala, lo so lo yeke fa peko ti tënë mbirimbiri! Lo yeke kozo zo so lo zingo na kuâ, lo yeke nga Makonzi ti agbia ti sese. Jésus aye e si lo zi e na gbe ti ngbaa ti asiokpari ti e na lege ti mene ti lo.

Aye so Nzapa afa 14:13

Mbi kiri mbi ma mbeni go so alondo na yayu, atene: “Su tënë so na mbeti, mo tene: ‘Ti ala nzoni, azo so angba na lege ti kua ti *Kota Gbia si ala kui fadeso! Yingo atene: Biani, fade ala yeke wu tere ti ala na peko ti aye so ala sara, ngbanga ti so aye so ala sara ayeke mu peko ti ala.’ ”