1 Korente 15:2 - Mbeti ti Nzapa - Tënë so amu fini

² Tongana ala bata Nzoni Tënë ni tongana ti so mbi fa na ala, fade ala yeke soo kuâ gi na lege ni. Tongana ala bata ni na legeni pepe, andaa mabe ti ala ayeke senge senge.

1 Korente 15:2 ပူးပေါင်းရင်းမြစ်များ

Amato 23:23

Gi lege ti tene taa-tënë, ti wara ndara, nzoni wango na hingango ndo. Tongana mo wara ni awe, alingbi mo buba ni kirikiri pepe.

Amato 3:1

Molenge ti mbi, aye so mbi fa na mo, mo girisa ni pepe; bata atënë ti ndia ti mbi na ya ti be ti mo.

Amato 4:13

Wango so a mu na mo, mo bata ni ngangu, mo zia lege ni pepe. Mo bata ni, ngbanga ti so fini ti mo laa!

Nzoni Tënë so Luc asu na mbeti 8:13

Ambeni zo ayeke tongana ndö ti têne so ale ti kobe atuku daa; tongana ala ma tënë ni, ala yamba ni na ngia, me tënë ni ali na ya ti be ti ala pepe; ala ma na be gi na ya ti kete ngoi, tongana ye ti tarango be asi na ala, ala do lege ni azia.

Awatokua 2:47

Ala yeke sepela Nzapa si azo kue aye ala. Na ya ti lango oko oko, Nzapa ayeke sara si ambeni zo so asoo kuâ ayeke li na ya ti bongbi ti ala.

Awatokua 8:13

Simon nga ama na be si lo wara bateme; lo ngba lakue na tere ti Philippe. Lo nga, be ti lo ado na bango aye ti kpene na aye ti dongo be so Philippe ayeke sara so.

Rome 1:16

Biani, kamene ti fango Nzoni Tënë asara mbi pepe: Nzoni Tënë ni ayeke ngangu ti Nzapa so lo mu ti soo azo so kue ama na be, azuife kozoni, na pekoni azo ti amara nde.

Rome 11:22

Baa, Nzapa ayeke Nzapa ti nzoni be, lo yeke nga Nzapa so fango ngbanga ti lo aso mingi. Fango ngbanga ti lo aso na tere ti azo so ati, me lo yeke sara nzoni be na mo. Alingbi mo ngba ti duti na ya ti nzoni be ti lo, tongaso pepe, fade a yeke zi nga mo tongana ti so a zi maboko ti keke so.

1 Korente 1:18

Biani, tënë ti keke ti kroa so e yeke fa ayeke buba tënë na le ti azo so ayeke mu lege ti kuâ; me ti e so e yeke soo kuâ, tënë ni ayeke ngangu ti Nzapa.

1 Korente 1:21

Biani, azo ti dunia so, na ndara ti ala wani alingbi ti hinga Nzapa pepe, ataa na ndo so lo fa ndara ti lo daa. Ndani laa, lo leke na be ti lo ti soo azo so ama na be gi na lege ti tënë so e yeke fa si akpa buba tënë so.

1 Korente 11:2

Mbi gonda ala, ngbanga ti so na ngoi kue, ala yeke dabe ti ala na mbi si ala yeke sara ye alingbi na atënë so mbi fa na ala.

1 Korente 15:14

Tongana Christ azingo na kuâ pepe, andaa tënë so e yeke fa ayeke senge senge, mabe ti e nga ayeke gi senge senge.

2 Korente 2:15

Biani, ti Nzapa, e yeke tongana nzoni yombo ti Christ ndali ti azo so ayeke soo kuâ nga ndali ti azo so agirisa.

2 Korente 6:1

So e na Nzapa e yeke sara kua oko so, e voro ala, e tene: “Nzoni be so Nzapa asara na ala, ala zia ni angba senge pepe.”

Galasii 3:4

Aye so kue asi ando na ala so, asi gi senge? Mbi baa ti mbi, mbi tene, ayeke senge pepe.

Efeze 2:8

Biani, ndali ti nzoni be ti Nzapa si ala soo kuâ, na lege ti mabe, mbeni ye so ala sara titene ala soo kuâ ndali ni ayeke daa pepe. Songo kuâ ayeke nzoni ye so lo mu na ala senge senge.

Kolose 1:23

Me alingbi ala ngba na lege ti mabe, ala luti ngangu na ndö ni si ala kpengba. Na ndembe so ala ma Nzoni Tënë, ala wara lege ti zia be ti ala ti ku, ala zia lege ni, ala hon nde pepe. A fa Nzoni Tënë so na azo ti dunia kue si mbi Paul, mbi ga zo ti kua ti fango Nzoni Tënë ni.

2 Tesalonike 2:15

Tongaso, a-ita, ala gbu ngangu, ala bata tënë so e fa na ala kozoni na yanga ti e wani, wala na ya ti mbeti so e tokua na ala.

2 Timothée 1:9

Nzapa asoo e na kuâ, lo iri e ti ga azo so lo zia e nde ndali ti lo si e yeke nzoni kue. Mbeni ye ti nzoni so e sara titene lo soo e si lo iri e ndali ni ayeke daa pepe, me lo sara ni ndali ti so lo leke na be ti lo wani awe na lege ti nzoni be ti lo. Kozoni titene aye kue abaa gigi, Nzapa aleke na be ti lo ti sara nzoni be na e na lege ti Jésus Christ.

Ahebro 10:23

Ye so e zia be ti e ti ku si e ngba ti tene tënë ni polele na le ti azo, ayeke nzoni be ti e awoko daa pepe, ngbanga ti so Nzapa ayeke bata tënë ti yanga ti lo si ye so lo mu zendo ti mungo ni, lo yeke mu ni.

Ahebro 2:1

Ndani laa, tënë ti Nzapa so e ma, alingbi e gbu ni ngangu, tongaso si e girisa lege pepe.

Ahebro 3:14

Fadeso, e na Christ e yeke sara kua legeoko gi tongana kozo ye so e zia be ti e daa, e gbu ni ngangu ngbii asi na ndani.

Ahebro 3:6

Ti Christ, lo sara kua ni na legeni tongana Molenge ti Nzapa, lo yeke na komandema na ndö ti da ti Babâ ti lo. E laa e yeke da ni tongana e ngba ti zia be ti e na ndö ti ye so e yeke ku ni si e gonda tere ti e daa.

Ahebro 4:14

E yeke na kota wayango-sandaga so ahon atanga ni kue, lo gue ngbii lo si na le ti Nzapa kâ na yayu: ayeke Jésus, Molenge ti Nzapa. Nilaa, ayeke nzoni e gbu mabe ti e ngangu, mabe so e yeke fa tënë ni.

Jacques 2:14

A-ita ti mbi, tongana mbeni zo atene, ni yeke na mabe si lo sara mbeni ye ti fa ni pepe, mabe ti lo ni ayeke sara nyen na lo? Mabe so alingbi ti soo lo?

Jacques 2:17

Tënë ti mabe ayeke nga gi tongaso. Tongana zo ayeke na mabe, me lo sara kua ni pepe, andaa mabe ti lo ni akui awe.

Jacques 2:26

Tongana zo ayeke wu pepe, andaa lo kui awe. Legeoko nga, zo so ayeke na mabe, me lo yeke sara kua ni pepe, andaa mabe ti lo akui awe.