1 Korente 15:14 - Mbeti ti Nzapa - Tënë so amu fini

¹⁴ Tongana Christ azingo na kuâ pepe, andaa tënë so e yeke fa ayeke senge senge, mabe ti e nga ayeke gi senge senge.

1 Korente 15:14 ပူးပေါင်းရင်းမြစ်များ

Tongo nda ti aye 8:8

Na pekoni, lo mu *mbipa, lo bi lo na gigi titene lo gue, lo baa wala na ndö ti sese, ngu ni akiri na gbeni awe.

Abia (Psaumes) 73:13

Biani, mbi bata be ti mbi na vurungo ni senge senge, mbi sukula maboko ti mbi ti fa so tënë ayeke na li ti mbi pepe, mbi sara nga ni senge senge.

Ésaïe 49:4

Ti mbi, mbi tene fade, mbi tene: “Mbi baa pasi na sarango kua senge senge, mbi hunzi ngangu ti mbi kue senge senge, ye ti peko ni oko ayeke daa pepe.” Andaa *KOTA GBIA laa ayeke baa lege ti nzoni fango ngbanga ti mbi, futa ti mbi ayeke na maboko ti Nzapa ti mbi.

Matthieu 15:9

Vorongo so ala yeke voro mbi so, ayeke gi senge senge, ngbanga ti so ala yeke fa gi andia so azo laa asigigi na ni.’ ”

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

1 Korente 15:13

Tongana zingongo ti akuâ ayeke daa pepe, andaa Christ nga azingo na kuâ pepe.

1 Korente 15:17

Tongana Christ azingo na kuâ pepe, andaa mabe ti ala ayeke senge senge, siokpari ti ala angba na li ti ala.

1 Korente 15:2

Tongana ala bata Nzoni Tënë ni tongana ti so mbi fa na ala, fade ala yeke soo kuâ gi na lege ni. Tongana ala bata ni na legeni pepe, andaa mabe ti ala ayeke senge senge.

Galasii 2:2

Mbi gue kâ ndali ti so Nzapa afa na mbi ti gue. Kâ, na ya ti mbeni bongbi so mbi sara gi na azo ti li ti *Eglize, mbi fa na ala nda ti Nzoni Tënë so mbi yeke fa ka na popo ti azo ti amara nde. Mbi sara ni, ngbanga ti so mbi ye titene ye so mbi sara kozoni na ti so mbi yeke sara fadeso, peko ni angba senge pepe.

1 Tesalonike 4:14

E ma na be so Jésus akui si azingo na kuâ awe. Legeoko nga, e ma na be so, azo so ama na be na Jésus si ala kui, fade Nzapa ayeke zingo ala na kuâ si lo yeke bongbi ala na Jésus na ndo oko.

Jacques 1:26

Tongana mbeni zo atene na be ti lo atene, ni yeke voro Nzapa si lo bata yanga ti lo pepe, andaa lo yeke handa tere ti lo wani; vorongo Nzapa ti lo ni ayeke gi senge senge.

Jacques 2:20

Mo so li ti mo ayeke daa pepe so, tongana mbeni zo ayeke na mabe si kua ni ayeke daa pepe, mabe ti lo ni ayeke gi senge senge; mo ye mbi fa na mo?