1 Korente 15:1 - Mbeti ti Nzapa - Tënë so amu fini

¹ A-ita, mbi yeke kiri ti dabe ti ala na ndö ti Nzoni Tënë so mbi fa na ala, ala yamba ni si be ti ala ayeke gi na ndö ni so.

1 Korente 15:1 ပူးပေါင်းရင်းမြစ်များ

Jean 12:48

Zo so ake mbi si lo ke nga atënë ti mbi, mbeni ye ti fango ngbanga na li ti lo ayeke daa: atënë so mbi tene laa ayeke fâ ngbanga na li ti lo na lango ti ndani.

Awatokua 11:1

*Awatokua na a-ita, azo ti Jésus so ayeke na Judée ama a tene, azo ti amara nde nga ayeda na tënë ti Nzapa.

Awatokua 2:41

Azo so ayeda na tënë ti Pierre, ala wara bateme. Na lango ni so, azo nduru na saki ota ama na be si ala li na ya ti bongbi ti azo ti Jésus.

Rome 11:20

Tënë ni laa. Me a fâ amaboko ti keke ni, ngbanga ti so ala ma na be pepe. Ti mo, mo ngba na tere ti keke ni, ngbanga ti so mo ma na be. Tongaso, mo pika kate ti mo pepe, me mo sara gi hange.

Rome 2:16

Ye so ayeke sigigi polele na lango ti fango ngbanga laa. Tongana ti so Nzoni Tënë so mbi yeke fa atene tënë ni, na lango ni so, fade Nzapa ayeke fâ ngbanga ti ye so kue azo ayeke sara na hondengo ni, na lege ti Jésus Christ.

Rome 5:2

E ma na be si na lege ti Jésus Christ, Nzapa asara nzoni be na e; e ngba na lege ti nzoni be ti lo ni fadeso. Nilaa be ti e ayeke na ngia ndali ti gonda ti Nzapa so e zia be ti e ti ku ni.

1 Korente 16:13

Le ti ala akpengba, ala gbu ngangu na lege ti mabe, ala duti tongana akoli, ala kpengba!

1 Korente 3:6

Mbi laa mbi lu ye, Apolos atuku ngu na ndö ni, me Nzapa asara si ye ni asigigi si amai.

1 Korente 4:15

Biani, ataa azo saki baleoko laa afa lege na ala si ala ga oko na Christ, ala yeke na ababâ mingi pepe: mbi laa mbi du ala si ala ga oko na Christ na lege ti Nzoni Tënë so mbi fa na ala.

2 Korente 1:24

E ye ti duti makonzi na ndö ti mabe ti ala pepe, ngbanga ti so ala kpengba na lege ti mabe awe, me e ye ti sara kua maboko na maboko titene ala duti na ngia.

1 Tesalonike 1:6

Ti ala, ala sara ye tongana ti e nga tongana ti Kota Gbia; ataa so ala wara tënë ti Nzapa na ya ti pasi mingi, Yingo-Vuru azia ngia na be ti ala.

1 Tesalonike 2:13

Ndani laa, e nga, e yeke mu singila na Nzapa lakue ndali ti ye so: na ndembe so e fa lani na ala tënë ti Nzapa, ala ma ni si ala yamba ni tongana tënë ti zo pepe, me tongana tënë ti Nzapa biani: tënë ni ayeke tënë ti Nzapa so ayeke sara kua na be ti ala so ama na be.

1 Tesalonike 4:1

Ti hunzi na ni, a-ita, e fa na ala lani lege ti dutingo so ala lingbi ti duti na ni si anzere na be ti Nzapa. Biani, ala duti tongaso awe. Me fadeso, e yeke hunda na ala si e voro ala na iri ti *Kota Gbia Jésus titene lege ti dutingo ti ala akiri aga nzoni ahon ti kozoni.

2 Tesalonike 3:6

A-ita, e hunda na ala na iri ti *Kota Gbia Jésus Christ ti kpe lege ti a-ita so kue ayeke azo ti sopo, so sarango ye ti ala ayeke nde na tënë so e fa na ala kozoni so.

1 Pierre 5:12

Silas so mbi baa lo tongana ita so mbi lingbi ti zia be ti mbi na ndö ti lo, lo laa lo mu na mbi maboko ti su nduru mbeti so ti tokua ni na ala. Mbi tokua mbeti so na ala ti mu wango na ala, ti fa nga na ala ye so ayeke taa-tënë: taa nzoni be ti Nzapa laa ala ngba daa so.