1 Korente 14:7 - Mbeti ti Nzapa - Tënë so amu fini

⁷ E mu tapande ti aye ti mozoko tongana *ngoli na *kundi: tongana ala toto nzoni pepe, fade zo ahinga go ti bia so ngoli wala kundi ayeke sigigi na ni so tongana nyen?

1 Korente 14:7 ပူးပေါင်းရင်းမြစ်များ

Matthieu 11:17

‘E huru *ngoli titene ala dodo, me ala dodo pepe! E he na ala bia ti totongo kuâ, me ala toto pepe!’

Nzoni Tënë so Luc asu na mbeti 7:32

Ala yeke tongana amolenge so aduti na le ti kodro si ala yeke tene na popo ti ala: ‘E huru *ngoli titene ala dodo, me ala dodo pepe. E he na ala bia ti totongo kuâ, me ala toto pepe.’

1 Korente 13:1

Tongana mbi tene ayanga ti kodro ti azo na ayanga ti *a-ange si mbi ye amba ti mbi pepe, andaa mbi yeke tongana gbagba ngo so ayeke toto wala mbeni wen so ayeke toto mingi.

1 Korente 14:6

A-ita, tongana mbi si na popo ti ala si mbi tene tënë na ala na ambeni yanga nde, fade nzoni ye ti nyen laa ala yeke wara na mbage ti mbi? Mbi yeke sara nzoni na ala gi tongana mbi fa na ala mbeni ye so Nzapa afa na mbi, wala mbi fa na ala mbeni ye so ala hinga pepe, wala mbi tene na ala peko ti tënë ti yanga ti Nzapa, wala mbi fa na ala mbeni ye!

1 Korente 14:8

Tongana zo ahuru tatalita si azo ama ya ti tënë ni nzoni pepe, zo wa laa alingbi ti leke tere ti lo ti gue na bira?

1 Samuel 10:5

Na pekoni, mo yeke si na Gibea-Elohim, agovoronere ti azo ti Filistii ayeke kâ. Na lingo ti mo na ya ti gbata ni, mo yeke tengbi na mbeni bongbi ti awayanga-Nzapa so alondo na ndo so a leke na ndö ti hoto si ala yeke zu. Azo ti pikango kota kundi, kete kundi, kete ngo na azo ti hurungo ngoli ayeke na dawa ti ala. Awayanga-Nzapa ni ayeke sara ye tongana azo so Yingo agbu ala.