1 Korente 14:40 - Mbeti ti Nzapa - Tënë so amu fini

⁴⁰ Ala sara ye kue na legeni, me na ya ti wusuwusu pepe.

1 Korente 14:40 ပူးပေါင်းရင်းမြစ်များ

Wungo ti azo 7:11

Tongaso *KOTA GBIA atene na Moïse: “Ayeke nzoni amakonzi aga na amatabisi ti ala ndali ti matanga ti gbalaka ni; so ti tene, lango oko, makonzi oko aga, lango oko, makonzi oko aga.”

Rome 13:13

Alingbi fini ti e aduti na legeni mbirimbiri tongana ti azo so ayeke sara ye na kota lâ. E te kobe wala e nyon samba ahon ndoni pepe, e sara aye ti kirikiri wala aye ti ndumba pepe, e papa wala e sara kota be pepe.

1 Korente 11:34

Tongana nzara asara mbeni zo, alingbi lo te kobe na da ti lo, tongaso si ala bongbi ti iri ngbanga ti Nzapa na li ti ala pepe. Tongana mbi si kâ, fade mbi yeke leke tanga ti atënë ni.

Kolose 2:5

Biani, mbi wani, mbi yeke na popo ti ala pepe, me be ti mbi angba na ndö ti ala. Mbi yeke na ngia ti baa so, ala yeke sara ye na legeni si mabe ti ala angba ti kpengba na ndö ti Christ.

Tite 1:5

Mbi zia mo na zoa ti Krete titene mo leke tanga ti gere ti kua ni si mo zia nga *akangba na ndö ti a-Eglize so ayeke na ya ti agbata ni oko oko kue. Ayeke nzoni mo sara aye ni tongana ti so mbi fa na mo.