1 Korente 14:36 - Mbeti ti Nzapa - Tënë so amu fini

³⁶ Tënë ti Nzapa alondo na ala si aga? Gi ala oko laa tënë ni asi na ala?

1 Korente 14:36 ပူးပေါင်းရင်းမြစ်များ

Ésaïe 2:3

Fade amara gbani gbani ayeke gue kâ si ala yeke tene: “Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.” Biani, ndia ti KOTA GBIA alondo na *Sion, tënë ti lo alondo na Jérusalem.

Zakarii 14:8

Na lango ni so, fade mbeni li ti ngu ayeke sigigi na Jérusalem; ngu ni ayeke kangbi ya ti lo use, mbeni mbage ni ayeke sua ti gue na mbage ti kota ngu ti Gba-ti-ingo si mbeni mbage ni ayeke sua ti gue na mbage ti kota ngu-ingo ti Mediterane. Ataa na ngoi ti buru, ataa na ngoi ti ngu-Nzapa, ngu ni ayeke ngba lakue ti sua suango.

Awatokua 17:1

Paul na Silas ahon na ya ti agbata ti Anfipolis na ti Apolonii si ala si na Tesalonike. Kâ, mbeni da ti sambelango Nzapa ti azuife ayeke daa.

Awatokua 17:15

Azo so azia Paul na lege ague na lo ngbii asi na Athènes. So ala londo ti kiri na Bere, Paul amu yanga na ala ti tene na Silas na Timothée ti gue hio ti wara ti lo.

1 Korente 14:35

Tongana ala ye ti hinga nda ti mbeni ye, ala hunda akoli ti ala na yanga-da. So ayeke na legeni pepe titene wali atene tënë na ya ti abongbi.

1 Korente 14:37

Tongana mbeni zo abaa atene, ni yeke wayanga-Nzapa wala zo so Yingo ti Nzapa ayeke na ya ti lo, alingbi lo hinga lo tene, tënë so mbi yeke su na mbeti ti tokua na ala so, ayeke tënë ti yanga ti *Kota Gbia.

1 Korente 4:7

Biani, zo wa laa atene na mo atene, mo hon azo kue? Aye so mo yeke na ni so, Nzapa laa amu ni na mo pepe? Tongana Nzapa laa amu ni na mo, ngbanga ti nyen laa mo yeke gonda tere ti mo daa, mo baa mo tene, aye so mo yeke na ni so a mu na mo mungo pepe?

1 Tesalonike 1:8

Biani, tënë ti Kota Gbia alondo na ndo ti ala si ague, asi na sese ti Masedoane na ti Akayi kue. Gi so oko pepe, so ala ma na be na Nzapa, sango ni angba gi na ando use so pepe, me amu ndo kue. Tongaso, e yeke kiri ti tene tënë na ndö ni pepe.