1 Korente 14:31 - Mbeti ti Nzapa - Tënë so amu fini

³¹ Ala kue alingbi ti tene peko ti tënë ti yanga ti Nzapa, me ayeke nzoni mbeni zo atene ti lo tënë ni ahunzi awe si mbeni atene ti lo. Tongaso si azo kue amanda ye si ala kpengba.

1 Korente 14:31 ပူးပေါင်းရင်းမြစ်များ

Amato 1:5

Zo ti ndara so ayeke ma amato so, fade hingango ye ti lo ayeke kono ahon ti kozoni; zo so ahinga ndo, fade lo yeke manda anzoni kode so ayeke fa na lo nzoni lege.

Amato 9:9

Mu wango na zo ti ndara si fade lo ga zo ti ndara ahon ti kozoni. Fa ye na zo ti mbirimbiri si hingango ye ti lo akiri akono ahon ti kozoni.

Rome 1:12

Mbi ye ti tene mbirimbiri mbi tene, mbi ye ti si na ala si mbi na ala kue, e wara ngangu: ala wara ngangu ndali ti mabe ti mbi si mbi nga, mbi wara ngangu ndali ti mabe ti ala.

1 Korente 14:19

Me tongana mbi yeke na ya ti Eglize, mbi ye ti tene atënë oku so azo alingbi ti ma ya ni ahon titene mbi tene atënë saki baleoko na ambeni yanga nde. Tongaso mbi yeke fa nga ye na atanga ti azo.

1 Korente 14:3

Me zo so ayeke tene peko ti tënë ti yanga ti Nzapa, lo yeke tënë ni na azo; lo yeke sara titene azo akpengba, lo yeke mu wango na ala si lo yeke sara titene be ti ala ade.

1 Korente 14:30

Tongana Nzapa afa mbeni ye na mbeni zo ti ya ti bongbi ni, alingbi zo so ayeke tene tënë akai.

1 Korente 14:32

Zo so ayeke tene peko ti tënë ti yanga ti Nzapa, lo yeke na ngangu na ndö ti matabisi so Yingo amu na lo.

1 Korente 14:35

Tongana ala ye ti hinga nda ti mbeni ye, ala hunda akoli ti ala na yanga-da. So ayeke na legeni pepe titene wali atene tënë na ya ti abongbi.

2 Korente 1:4

Lo yeke de be ti e na ya ti apasi so kue e yeke baa. Tongaso si e wani, e ga azo so alingbi ti de be ti azo so kue ayeke na ya ti pasi, e lingbi ti de be ti azo gi tongana ti so Nzapa ade be ti e so.

Efeze 6:22

Mbi tokua lo na ala gi titene lo tene tënë ti dutingo ti e na ala si lo mu nga ngangu na be ti ala.

Kolose 2:2

Mbi ye titene be ti ala awara ngangu, ala ga oko na lege ti yengo tere si ala wara lege ti mango ya ti tënë nzoni kue. Tongaso, fade ala yeke hinga nda ti tënë ti Nzapa so angba fade na hondengo ni: tënë ni ayeke Christ.

1 Tesalonike 4:18

Tongaso, ala mu ngangu na be ti ala na popo ti ala na lege ti atënë so.

1 Tesalonike 5:11

Tongaso, ala mu ngangu na be ti ala na popo ti ala, ala sara si amba ti ala akpengba tongana ti so ala yeke sara ni so.

1 Tesalonike 5:14

A-ita, e hunda na ala ti suku na azo so ayeke sara ye ti kirikiri; azo so be ti ala awoko, ala sara si be ti ala akiri awara ngangu, ala mu maboko na azo so ayeke na ngangu pepe, ala kanga be ti ala na azo kue.

1 Tesalonike 5:20

ala baa atënë ti awayanga-Nzapa tongana abuba tënë pepe.