1 Korente 14:3 - Mbeti ti Nzapa - Tënë so amu fini

³ Me zo so ayeke tene peko ti tënë ti yanga ti Nzapa, lo yeke tënë ni na azo; lo yeke sara titene azo akpengba, lo yeke mu wango na ala si lo yeke sara titene be ti ala ade.

1 Korente 14:3 ပူးပေါင်းရင်းမြစ်များ

Nzoni Tënë so Luc asu na mbeti 3:18

Jean amu ambeni wango mingi na azo ni ti fa Nzoni Tënë na ala.

Awatokua 13:15

So a diko ambeti ti *Ndia na ti awayanga-Nzapa awe, amakonzi ti da ti sambelango Nzapa atokua na ala, atene: “A-ita, tongana ala yeke na mbeni tënë ti mu ngangu na be ti azo ni, ala tene tënë!”

Awatokua 14:22

Na ya ti agbata ni, ala mu ngangu na be ti adisiple, ala mu na ala wango titene ala ngba lakue na lege ti mabe, ala tene nga na azo ni, atene: “Alingbi e baa pasi mingi ti li na *Kodro-gbia ti Nzapa.”

Awatokua 15:32

Judas na Silas, so ala yeke nga awayanga-Nzapa, atene tënë mingi na azo ni ti mu ngangu na be ti ala si ala kpengba.

Awatokua 4:36

Mbeni koli ayeke daa so iri ti lo Joseph, awatokua airi lo Barnabas – nda ni atene “wamungo-wango” –, lo yeke mbeni zo ti mara ti Lévi si a du lo na Shipre.

Awatokua 9:31

Tongaso *Eglize ti sese ti Judée kue, ti Galile na ti Samarii ayeke lani na siriri. Na lege ti ngangu ti Yingo-Vuru, Eglize ni ayeke kpengba, ayeke kpe mbeto ti Kota Gbia si ayeke mai.

Rome 12:8

Zo so ayeke na matabisi ti mungo wango, alingbi lo mu wango. Zo so ayeke mu ye na azo, alingbi lo mu ni na vurungo be. Zo so ayeke na li ti bongbi, alingbi lo mu be ti lo kue na kua ni. Zo so ayeke mu maboko na azo ti mawa, alingbi lo sara ni na nzerengo be.

Rome 14:19

Tongaso, alingbi e gi ye so ayeke ga na siriri si e oko oko kue, e kpengba na lege ti mabe.

Rome 15:2

E oko oko kue, e gi ti sara ye so anzere na amba ti e ndali ti nzoni ti ala, tongaso si ala kpengba na lege ti mabe.

1 Korente 10:23

Ambeni zo ayeke tene: “A mu na zo lege ti sara ye kue”. Taa-tënë, me ye kue laa ayeke sara nzoni na zo pepe. “A mu na zo lege ti sara ye kue”, me ye kue laa asara si Eglize amai pepe.

1 Korente 14:12

So ala yeke na nzara mingi ti wara amatabisi ti Yingo, ayeke nzoni ala gi ti wara amatabisi so ayeke sara titene Eglize akpengba.

1 Korente 14:17

Ataa sambela ti mo ayeke nzoni mingi, fade sambela ni ayeke kpengba mba ti mo pepe.

1 Korente 14:26

Tongaso a-ita, fade e yeke sara tongana nyen? Tongana ala bongbi, mbeni zo na popo ti ala alingbi ti he mbeni bia, mbeni afa ye wala lo tene tënë ti mbeni ye so Nzapa afa na lo, mbeni atene tënë na ambeni yanga nde, mbeni akiri peko ti tënë ni na yanga ti kodro titene azo ama ya ni. Aye so kue ala yeke sara, alingbi ala sara ni titene azo ti *Eglize akpengba.

1 Korente 14:31

Ala kue alingbi ti tene peko ti tënë ti yanga ti Nzapa, me ayeke nzoni mbeni zo atene ti lo tënë ni ahunzi awe si mbeni atene ti lo. Tongaso si azo kue amanda ye si ala kpengba.

1 Korente 8:1

Âdu tënë ti anyama so a yeke ya na *sandaga na anzapa nde, taa-tënë, tongana ti so ala yeke tene: “E kue, e yeke azo ti hingango ye.” Hingango ye so ayeke sara si baba ahon ndö ti zo, me ndoye ayeke sara si zo ti Christ amai.

2 Korente 1:4

Lo yeke de be ti e na ya ti apasi so kue e yeke baa. Tongaso si e wani, e ga azo so alingbi ti de be ti azo so kue ayeke na ya ti pasi, e lingbi ti de be ti azo gi tongana ti so Nzapa ade be ti e so.

2 Korente 2:7

Ndani laa, ti fadeso alingbi ala zi tënë na li ti lo, ala de be ti lo, tongaso si vundu akiri ahon ndö ti lo pepe.

Efeze 4:29

Alingbi sioni tënë oko asigigi na yanga ti ala pepe. Me tongana lege ayeke daa, ala tene gi nzoni tënë so alingbi ti mu lege na amba ti ala ti kpengba si asara nzoni na azo so ayeke ma ala.

Efeze 6:22

Mbi tokua lo na ala gi titene lo tene tënë ti dutingo ti e na ala si lo mu nga ngangu na be ti ala.

Kolose 4:8

Mbi tokua lo na ala gi titene lo tene tënë ti e na ala si lo mu ngangu na be ti ala.

1 Tesalonike 2:11

Ala hinga nga atene, e sara na zo oko oko tongana ti so babâ ayeke sara na amolenge ti lo.

1 Tesalonike 2:3

Tënë so e yeke fa na azo aluti na ndö ti tënë ti mvene pepe, aluti nga na ndö ti sioni tënë ti be ti zo wala tënë ti handango zo pepe.

1 Tesalonike 3:2

Nilaa e tokua ita ti e Timothée na ala; lo na Nzapa laa ayeke sara kua ti fa Nzoni Tënë ti Christ. E tokua lo na ala ti sara si ala kpengba, ti mu wango na ala si ala gbu ngangu na lege ti mabe ti ala.

1 Tesalonike 4:1

Ti hunzi na ni, a-ita, e fa na ala lani lege ti dutingo so ala lingbi ti duti na ni si anzere na be ti Nzapa. Biani, ala duti tongaso awe. Me fadeso, e yeke hunda na ala si e voro ala na iri ti *Kota Gbia Jésus titene lege ti dutingo ti ala akiri aga nzoni ahon ti kozoni.

1 Tesalonike 4:18

Tongaso, ala mu ngangu na be ti ala na popo ti ala na lege ti atënë so.

2 Tesalonike 3:12

Azo tongaso, e mu yanga na ala si e mu wango na ala na iri ti Kota Gbia Jésus Christ: ala duti kpoo, ala sara kua ti ala si ala te kobe ti peko ti kua ti ala wani.

1 Timothée 1:4

Mo ke nga na ala titene ala zia be ti ala na ndö ti ambai ti mvene wala na dikongo a-iri ti akotara gbani gbani. Aye so ayeke ga na *bingbingo tënë na popo ti azo, me nzoni lege so Nzapa aleke ndali ti zo, ala lingbi ti hinga ni na lege ti aye so pepe. Zo ayeke hinga nzoni lege ni gi na lege ti mabe.

1 Timothée 4:13

Ti ku na gango ti mbi, ayeke nzoni mo zia be ti mo na dikongo Mbeti ti Nzapa, na mungo wango na azo nga na fango ye na azo.

1 Timothée 6:2

Angbaa so awa ti ala ama na be, ala yeke a-ita ti ala azo ti Nzapa, me so laa amu lege na angbaa ni ti baa awa ti ala tongana asenge zo pepe. Me alingbi angbaa asara kua nzoni ahon ti kozoni, ngbanga ti so azo so ayeke baa nzoni na peko ti kua ti ala ni ayeke a-ita ti ala so ama na be si Nzapa aye ala mingi. Baa, ye so mo lingbi ti fa na azo si mo mu yanga na ala ti sara ni laa.

2 Timothée 4:2

mo fa tënë ti Nzapa na azo, wala ndembe ni laa wala ndembe ni laa pepe, mo ngba gi daa. Mo fa sioni ti azo na le ti ala, mo suku na ala, mo mu wango na ala; be ti mo awoko na lege ni pepe, mo ngba na nzara ti fango ye na ala.

Tite 1:9

Alingbi lo ngba gi na ndö ti tënë ti Nzapa so ayeke taa-tënë si alingbi gi na ti so azo ti Nzapa afa kozoni. Tongaso si lo lingbi ti mu wango na azo na lege ti fango ye so ayeke mbirimbiri, lo lingbi nga ti fa na azo ti kengo tënë so, ala girisa lege awe.

Tite 2:15

Lege so mo lingbi ti tene tënë na azo, ti mu wango na ala, ti suku na ala laa; mo sara ni na ngangu so Nzapa amu na mo. Mo sara si mbeni zo oko abaa mo tongana buba zo pepe.

Tite 2:6

Mo mu nga wango na amaseka-koli titene ala sara ye ahon ndoni pepe, me na legeni;

Tite 2:9

Alingbi angbaa ama yanga ti awa ti ala na ya ti aye kue. Ala sara ye so anzere na be ti awa ti ala ni: ala *bingbi tënë na awa ti ala pepe,

Ahebro 10:25

E do abongbi ti e, e zia pepe tongana ti so ambeni zo asara; me e mu wango na popo ti e ahon ti kozoni, ngbanga ti so ala baa so, lango ti Christ aga nduru awe.

Ahebro 13:22

A-ita ti mbi, mbi hunda na ala titene ala kanga be ti ala, ala yeda na atënë so kue mbi tene ti mu ngangu na be ti ala. Ala baa, mbi tokua na ala yongoro mbeti pepe.

Ahebro 3:13

Me so ngoi so Mbeti ti Nzapa airi ni “laso” angba, ala mu wango na popo ti ala lakue si siokpari ahanda mbeni zo pepe, tongaso si lo ga zo ti ngangu li pepe.

1 Pierre 5:12

Silas so mbi baa lo tongana ita so mbi lingbi ti zia be ti mbi na ndö ti lo, lo laa lo mu na mbi maboko ti su nduru mbeti so ti tokua ni na ala. Mbi tokua mbeti so na ala ti mu wango na ala, ti fa nga na ala ye so ayeke taa-tënë: taa nzoni be ti Nzapa laa ala ngba daa so.

Jude 1:20

Me ti ala, a-ita ti mbi so mbi ye ala mingi, ala luti ngangu na ndö ti mabe ti ala so ayeke nde si ayeke nzoni kue. Ala sambela na lege ti Yingo-Vuru.