1 Korente 14:27 - Mbeti ti Nzapa - Tënë so amu fini

²⁷ Tongana ala yeke tene tënë na ambeni yanga nde, alingbi azo use wala ota laa atene tënë, so alingbi. Mbeni atene ti lo ahunzi awe si mbeni atene ti lo, me alingbi mbeni zo akiri peko ti tënë ni na yanga ti kodro so ala yeke ma ya ni.

1 Korente 14:27 ပူးပေါင်းရင်းမြစ်များ

1 Korente 12:10

lo yeke mu na mbeni zo ngangu ti sarango aye ti kpene; lo yeke mu na mbeni zo lege ti tenengo peko ti tënë ti yanga ti Nzapa; lo yeke mu na mbeni zo lege ti hingango ye so alondo na Yingo na ye so alondo na Yingo pepe; lo yeke mu na mbeni zo lege ti tenengo tënë na ambeni yanga nde so zo ahinga ni pepe; lo yeke mu na mbeni zo lege ti kiringo peko ti ayanga ni na amba ti lo.

1 Korente 14:13

Ndani laa, zo so ayeke tene tënë na ambeni yanga nde, alingbi lo sambela titene Nzapa amu na lo matabisi ti kiri peko ti tënë ni si azo ama.

1 Korente 14:2

Zo so ayeke tene tënë na mbeni yanga nde, lo yeke tene ni na azo pepe, me na Nzapa. Zo oko ayeke ma ya ti tënë so lo yeke tene so pepe. Na lege ti Yingo-Vuru, lo yeke tene ambeni tënë so angba na hondengo ni.

1 Korente 14:26

Tongaso a-ita, fade e yeke sara tongana nyen? Tongana ala bongbi, mbeni zo na popo ti ala alingbi ti he mbeni bia, mbeni afa ye wala lo tene tënë ti mbeni ye so Nzapa afa na lo, mbeni atene tënë na ambeni yanga nde, mbeni akiri peko ti tënë ni na yanga ti kodro titene azo ama ya ni. Aye so kue ala yeke sara, alingbi ala sara ni titene azo ti *Eglize akpengba.

1 Korente 14:28

Tongana zo ti kiringo peko ni na yanga ti kodro ayeke daa pepe, alingbi ita ni akai na ya ti bongbi ni: lo tene tënë ni na ya ti be ti lo ndali ti lo wani, nga ndali ti Nzapa.

1 Korente 14:5

Mbi ye titene ala kue atene tënë na ayanga nde nde, me mbi ye mingi titene ala tene peko ti tënë ti yanga ti Nzapa. Zo so ayeke tene peko ti tënë ti yanga ti Nzapa asara nzoni na azo ahon zo so ayeke tene tënë na ambeni yanga nde. Zo ti tenengo tënë na ambeni yanga nde ayeke sara nzoni na azo gi tongana mbeni zo na ya ti bongbi ni ayeke kiri peko ti tënë ni na azo na yanga ti kodro ti ala, ti sara titene Eglize ni akpengba.