1 Korente 14:22 - Mbeti ti Nzapa - Tënë so amu fini

²² Tongaso, ti tenengo tënë na ambeni yanga nde so Yingo ayeke mu na zo, ye ni ayeke tongaso: ti azo so ama na be, ayeke fa ye ti Nzapa na ala pepe, me ti azo so ama na be pepe, ayeke fa ye ti Nzapa na ala. Me ti tenengo peko ti tënë ti yanga ti Nzapa, ye ni ayeke tongaso: ti azo so ama na be pepe, tënë ni ayeke ndali ti ala pepe, me ti azo so ama na be, tënë ni ayeke ndali ti ala.

1 Korente 14:22 ပူးပေါင်းရင်းမြစ်များ

Marc 16:17

Azo so ama na be, aye ti kpene so ala yeke sara ande ayeke so: na iri ti mbi, ala yeke tumba asioni yingo, ala yeke tene tënë na ayanga nde so ala hinga ni pepe;

Nzoni Tënë so Luc asu na mbeti 12:46

fade makonzi ti zo ti kua so ayeke si na lango so zo ti kua ni ayeke ku lo pepe nga na ngbonga so lo hinga pepe. Fade makonzi ni ayeke tumba lo na kua si ayeke sara na lo ye so a yeke sara na azo so ake ti ma yanga ti Nzapa.

1 Korente 14:1

Ala gi lege ngangu ti ye amba ti ala. Ala sara nga nzara ti wara amatabisi ti Yingo, me matabisi so ala lingbi ti gi lege ni mingi ayeke tenengo peko ti tënë ti yanga ti Nzapa.

1 Timothée 1:9

Alingbi e hinga ye so: azo so ayeke sara ye mbirimbiri, ndia ayeke ndali ti ala pepe; me ndia ayeke ndali ti azo so ake ti ma yanga, azo ti ngangu li, azo so ake tënë ti Nzapa, azo ti sarango siokpari, azo so akpe ye ti Nzapa wala ye ti yingo pepe, azo so ayeke fâ ababâ na amama ti ala, azo ti fango zo,