1 Korente 14:21 - Mbeti ti Nzapa - Tënë so amu fini

²¹ Na ya ti mbeti ti *Ndia, *Kota Gbia atene: “Fade mbi yeke mu azo so ayeke tene tënë na mbeni yanga nde titene ala tene peko ti tënë ti mbi na azo so; mbi yeke tene tënë na ala na lege ti yanga ti awande. Ataa so kue, ala yeke ma tënë ti mbi pepe.”

1 Korente 14:21 ပူးပေါင်းရင်းမြစ်များ

Jérémie 5:15

So tënë ti yanga ti KOTA GBIA laa: Ti ala azo ti Israel, mbi yeke tokua mbeni mara so alondo na yongoro ndo ti ga na tere ti ala; ayeke mara so ala lingbi ti kinda ni pepe, mara ni ayeke ando giriri; ala hinga yanga ti kodro ti azo ti mara ni pepe, ala ma ya ti atënë so ala yeke tene pepe.

Jean 10:34

Jésus akiri tënë na ala, atene: “Na ya ti mbeti ti *Ndia ti ala, Nzapa atene: ‘Ala yeke anzapa.’

Awatokua 2:4

Ala kue asi na Yingo-Vuru si ala to nda ti tene tënë na ayanga nde nde tongana ti so Yingo amu na ala lege ti tenengo ni.

Rome 3:19

E hinga so atënë ti *Ndia kue abaa azo so ayeke na gbe ti Ndia. Tongaso si zo oko awara tënë ti kiringo na ni pepe si na le ti Nzapa, ngbanga ayeke na li ti azo ti dunia kue.

1 Korente 14:34

alingbi awali akai na ya ti bongbi: a mu lege na ala ti tene tënë pepe; ala ma yanga tongana ti so *Ndia afa.

Ndia ti fani use ni 28:49

KOTA GBIA ayeke tokua na ndö ti ala mbeni mara so alondo na yongoro ndo, na nda ti sese; mbeni mara so ayeke huru ti ti na ndö ti ala tongana *ngoalo, mara so ala ma yanga ti kodro ti lo pepe.